Kurdî  ■  كوردی  ■  عربي
FRI, 19 JUL 2024 12:06 Erbil, GMT +3
پارتی دیموکراتی کوردستان
ئازادی . دیموکراسی . دادپەروەری
 

کونسوڵی گشتی کۆماری تورکیا سەردانی مەکتەبی پەیوەندییەکانی دەرەوەی پارتی کرد
| KDP.info


ھەولێر-KDP.info- هوشیار سیوەیلی، بەرپرسی پەیوەندییەکانی دەرەوەی پارتی دیموکراتی کوردستان، پێشوازی لە ئێرمان تۆپچو کونسوڵی گشتی کۆماری تورکیا لە هەرێمی کوردستان کرد.

لە میانەی ئەو دیدارەدا باس لە دوایین ئاریشە و گۆڕانکارییەکانی ناوچەکە کرا، بەرپرسی پەیوەندییەکانی دەرەوەی پارتی باسی لە زیانەکانی پێکدادانی نێوان سوپای تورکیا و پەکەکەی بۆ سەر دانیشتوانی ناوچە سنووریەکان و ئاوارەبوونی گوندنشینەکان کرد. 

هاوکات هەرێمی کوردستان تێگەشتنی بۆ نیگەرانییەکانی تورکیا هەیە، بەڵام دەبێت ژیان و گوزەرانی خەڵکی لەبەرچاو بگیرێت و هەوڵی ئەوە بدرێت ئەو ململانێ سەربازییە لەو سنوورانە دوور بخرێتەوە و کوردستان نەبێتە مەیدانی شەڕ و پێکدادان.

لای خۆیەوە ئێرمان تۆپچو سوپاسی ئەو پێشوازیەی کرد و جەختی لە گرنگی پەیوەندییەکانی هەرێمی کوردستان و کۆماری تورکیا کردەوە و گوتی: گەلی کوردستان و تورکیا دوو دراوسێ و نەتەوەی مێژویین لەم ناوچەیەدا و خاوەنی کۆمەڵێ بەرژەوەندی ھاوبەشن کە پێوستی بە هەماهەنگی و پێکەوە کارکردن هەیە بۆ بەدەستهێنانیان.  

ناوبراو گوتیشی: حکوومەتی وڵاتەکەی بە گرینگیەوە لەو پەیوەندییانە دەڕوانێت و بە دڵنیاییەوە کار بۆ بەهێزترکردنیان دەکات. دەربارەی هەڕەشە و کێشەی ناوچە سنووریەکان کە لەلایەن پەکەکەوە دروستکراوە و بووەتە هۆکاری زەحمەتی بۆ هاونیشتمانیانی هەردوولا لەسەر سنوور، هێزی سەربازی تورکیا لەسەر سنوور بەرگری لە پاراستنی سەقامگیری و گەشەسەندنی وڵات دەکات و هەر هێز و گروپێک ببێتە مایەی هەڕەشە و تێکچوونی ئارامی وڵات بەرەو ڕووی دەبێتەوەو تورکیا سەقامگیری خۆی و دراوسێکانی بە هەند وەردەگرێت و هەماهەنگی دەکات لە ڕووبەڕووبوونەوەی تیرۆر و زامنکردنی گەشەکردن و پاراستنی گیانی برایەتی نێوان نەتەوەکانی ناوچەکە و دابینکردنی ژیانێکی شایستە و دوور لە توندوتیژی. 

بەشێکی دیکەی ئەو دیدارە گفتوگۆ و ڕا گۆڕینەوە بوو لەسەر بارودۆخ و ئەو پێشهاتانەی لە ناوچەکە هەیە و کاریگەری نێودەوڵەتی لەسەر گەشەی ئابووری و بازرگانی و هاتووچۆ، هەروەها تێیدا باسی ڕێگای گەشەسەندن کرا کە پڕۆژەیەکی گرینگ و گەورەی عێراق و تورکیایە، لە کۆتاییدا هەردوولا هاوڕابوون کە هاوئاهەنگی زیاتری نێوان حکوومەتی فیدڕاڵ و هەرێمی کوردستان و حکوومەتی تورکیا پێویستە.




دوایین هەواڵەکان

وەزیری پەروەردە و تەندروستی لەبارەی (ھەژماری من)ەوە زانیارى ده‌خه‌نه‌ڕوو

FRIDAY, 19 JULY 2024 11:07:46

ھەولێر-KDP.info- وەزیری تەندروستی حکوومەتی ھەرێم لەبارەی ھەژماری منەوە دەڵێت: جێگای خۆشحاڵیە کەوا زۆربەی پزیشکانی وەزارەتی تەندروستی خاوەنی ھەژماری منن، ھاوکات وەزیری پەروەردەی حکوومەتی ھەرێمیش دەڵێ، مافی مامۆستایان لە ھەژماری من گەرەنتی کراوە و بۆ مانگی حوزەیران زیاتر لە ٣٢ ھەزار مامۆستا لەڕێی ھەژماری منەوە مووچەکەیان وەرگرتووە.

 
هەڵمەتێک لە مزگەوتەکانەوە دەستپێدەکات

THURSDAY, 18 JULY 2024 22:07:41

هه‌ولێر-KDP.info- شاندێکی ناوەندی هاوبەشی هەماهەنگی قەیرانەکان لەسەر پرسی کۆچی نایاسایی، لەگەڵ وەزارەتی ئەوقاف و کاروباری ئایینی هەماهەنگی و کاری هاوبەش دەکەن.

 
هەولێر و بەغدا لەسەر چەند خاڵێک لە بواری باج ڕێککەوتن

THURSDAY, 18 JULY 2024 21:07:11

ھەولێر-KDP.info- وەزارەتی دارایی هەرێمی کوردستان دەڵێت، لەگەڵ لیژنەی باڵای ڕێکخستنەوەی باج لە حکوومەتی فیدڕاڵی لەسەر چەند خاڵێک ڕێککەوتوون کە دەبنە هۆی کارئاسانی بۆ ئەو کارگە و کۆمپانیا و بانکانەی لە هەرێمی کوردستان و عێراق کاردەکەن.

 

فازڵ میرانی پێشوازی لە كونسوڵی نوێی کۆماری توركیا له‌ هه‌ولێر كرد

THURSDAY, 18 JULY 2024 19:07:35

ھەولێر-KDP.info- به‌رپرسی ده‌سته‌ی كارگێری مه‌كته‌بی سیاسی پارتی پێشوازی له‌ كونسوڵی گشتی نوێی كۆماری توركیا له‌ هه‌ولێر كرد، لە دیدارەکەشدا جەخت له‌سه‌ر پته‌وتركردنی په‌یوه‌ندییه‌كانی نێوان توركیا و هه‌رێمی كوردستان كرایەوە و هیوایان خواست كه‌ ناوچه‌كه‌ ئارام و سه‌قامگیربێت.

 

بێ ڕەزامەندیی ژینگە هیچ پاڵاوگەیەک مۆڵەتی پێ نادرێت

THURSDAY, 18 JULY 2024 17:07:45

ھەولێر-KDP.info- بەڕێوەبەری فەرمانگەی کاروباری ھونەری لە دەستەی ژینگەی ھەرێمی کوردستان ڕایدەگەیەنێت، زۆرینەی پاڵاوگە نایاساییەكان داخراون و ھەر پاڵاوگەیەک بیەوێت دامەزرێت و مۆڵەت وەربگرێت، پێویستە ڕەزامەندی لە نۆ شوێن وەربگرێت، ئەگەر نا ناتوانێت مۆڵەتی پێ بدرێت.

 



 
© 2023 Kurdistan Democratic Party, KDP

Contact