Kurdî  ■  كوردی  ■  عربي
FRI, 19 JUL 2024 12:47 Erbil, GMT +3
پارتی دیموکراتی کوردستان
ئازادی . دیموکراسی . دادپەروەری
 

سەرکەوتنی ئافرەتان لە چوارچێوەی کاری سیاسی پارتیماندا
| KDP.info


زیــــــبا تـەهـــــــــــا

لەسەر ئاستی جیھان پەرەپێدان و پاڵپشتیکردنی ماف و پرسی ئافرەتان بەیەکێک لەمیکانیزمەکانی پێشکەوتنی کۆمەڵگە دادەنرێت، ئەگەر ئەم ھەنگاوە لەناو چوارچێوەی کاری پارتێکی سیاسی بێت زیاتر دەبێتە جێگەی بایەخ و پێشکەوتن، چونکە بەرێوەبردن و پلانی ستراتیژی پارتی سیاسی ھۆکارێکە بۆ گەشەکردن و پەرەسەندنی بنەماکانی پێشکەوتنی کۆمەڵگە.

پارتی دیموکراتی کوردستان، کە گەورەترین پارتی سیاسیە لەسەر ئاستی عێراق و ناوچەکە لەدامەزراندنیەوە ھەوڵیداوە گرنگیەکی تایبەت بە ئافرەتان بدات و ھەنگاوی جدی بەو ئامانجە ناوە، دامەزراندنی یەکێتی ئافرەتانی کوردستان نموونەیەکی دیاری ئەو بەھەندوەرگرتنەیە. دامەزراندنی ئەم رێکخراوە لەسەر راسپاردەی بارزانی نەمر باوکی روحی کورد بووە، کە ئەمەش ھێمایە بۆ بروابوونی تەواوی بە بوون و پرسی ئافرەتان، و بە زەروورییەتی زانیوە ئافرەتانیش وەک پیاوان بەشداربوویەکی کارای ناو بواری سیاسی و کۆمەڵایەتی و ئابووری بن، و بەشێکی سەرەکی بن لەبەرێوەبردنی کۆمەڵگە. ئەم بڕوابوونە بە ئافرەت وایکرد کە بەردەوام پارتی دیموکراتی کوردستان پاڵپشتی سەرەکی بێت بۆ پەرەپێدان و گەشەپێدانی توانا و لێھاتووییەکانی ئافرەتان لەناو خودی کاری سیاسی پارتی و لەناو کۆمەڵگە و دامەزراوە جیاوازەکاندا، بۆتە بنەمایەک کە بەردەوام ئافرەتان لەناو کار و خەباتی سیاسی ھەست بەئامان و دڵنیایی بکەن و خواستیان لەپێشخستنی کۆمەڵگەبێت لەرێگەی کارکردنیان لەناو چوارچێوەی کاری پارتیدا.

لەو روانگەوە دەبینین کە کۆنگرە لەدوای کۆنگرە رێژەی بەشداری ئافرەتان لەتەواوی ئۆرگانە جیاوازەکانی پارتیمان زۆردەبێت، ھاوکات زیاتر ھەوڵدەدەن کارەکتەرێکی سەرکەوتووی حزبی بن و ببنە ئەندامێکی کارا، ئەم پێشکەوتنەش لەکۆنگرەی چواردەدا بەروونی دیارە و ژمارەیەکی بەرچاوی ئافرەتان لە ھەڵبژاردنی ئۆرگانەکاندا خۆیان کاندید کرد و پلەی جیاوازیان بەدەستھێناوە، بەتایبەت ئەندامانی یەکێتی ئافرەتان ئەوانەی بەشداریان لە ھەڵبژاردنی ئۆرگانەکاندا کرد توانیان سەرکەوتنێکی گەورە تۆمار بکەن و براوەی ھەڵبژاردنە ناوخۆییەکانی پارتیمان بن، ئەمەش شانازی و دەستکەوتێکی مەزنە بۆ رێکخراوەکەمان کە بەھۆی پاڵپشتی بەردەوامەوە توانیان ئەو قۆناغە لەکاری سیاسیدا ببڕن.

ئاشکرایە پاڵپشتی و ھاندانی ھەمیشەیی سەرکردایەتی پارتیمان بەتایبەت جەنابی سەرۆک بارزانی گەورەترین و شانازیترین دەستکەوتە کە ئافرەت وەک نایابترین و بێ وێنەترین نموونە ئاماژە پێ دەکات و بەھۆکاری سەرکەوتنی شۆڕشەکانی کوردی دەزانێت، ھەروەھا پشتگیری رێزدار مەسروور بارزانی جێگری سەرۆکی پارتیمان، یەکێکیترە لەو میتۆدانەی ئەم رێکخراوە پشتی پێ دەبەستێت و رێنمایی و ئامۆژگارییەکانی بەرێزیان وەک پلان و ستراتیژییەتی چالاکیەکانی رێکخراو دەزانێت، ھەروەک لەکۆبونەوەی مانگی حوزەیرانی ٢٠٢٤ ئەو ھەنگاو و خاڵانەی بۆ روونکردینەوە کە پێویستە وەک رێکخراوێکی گەورە و کاریگەر لەناو کۆمەڵگەدا بتوانین خزمەتی زیاتر پێشکەش بە ئافرەتان بکەین و ھانیان بدەین کە دەبێت گرنگی پتر بە لێھاتووییە کەسیەکانی خۆیان بدەن و پێشبکەون.

ئێمەش وەک یەکێتی ئافرەتان بەردەوام بەڵێنی پابەندبوونمان بە ئەجێندا و پلانی پارتیمان دەدەین، کە رێکخراوەکەمان ھەمیشە بە چالاکترین و سەرەکیترین رێکخراوی داکۆکیکردن لەمافی ئافرەتان بزانین و لەسەر ئەو رێچکەیە بەردەوام بین کە لەساڵی ١٩٥٢ەوە کاری لەسەر دەکرێت، ھەروەھا دەبینە بەشێکی سەرەکی لەپێشکەوتن و ئەو خزمەتانەی پارتیمان پێشکەش بە خەڵکی کوردستان دەیکات و خۆی بە خەمخۆری گەشەسەندنی ھەرێمی کوردستان و پرسی نەتەوەیی کورد و خەڵکی کوردستان دەزانێت، ھاوکات رایەڵێک بین لەنێوان ئافرەتانی کوردستان و جیھان و بەوپەڕی توانامانەوە لەھەوڵی پێشخستنی نیشتمان و وڵاتماندا بین و ھۆکارێک بین بۆ بنیادنانی کۆمەڵگەیەکی ئاشتی و پاراستنی ئاسایشی کۆمەڵایەتی، لەبەرئەوەی ئافرەتان دەتوانن ئەو ھێزە نەرمەبن کە کۆمەڵگە بگۆڕن و لەھەمانکاتدا پارێزگاری لەڕەسەنیەت و کلتوری کۆمەڵگە بکات.

 

سکرتێری یەکێتی ئافرەتانی کوردستان




دوایین هەواڵەکان

وەزیری پەروەردە و تەندروستی لەبارەی (ھەژماری من)ەوە زانیارى ده‌خه‌نه‌ڕوو

FRIDAY, 19 JULY 2024 11:07:46

ھەولێر-KDP.info- وەزیری تەندروستی حکوومەتی ھەرێم لەبارەی ھەژماری منەوە دەڵێت: جێگای خۆشحاڵیە کەوا زۆربەی پزیشکانی وەزارەتی تەندروستی خاوەنی ھەژماری منن، ھاوکات وەزیری پەروەردەی حکوومەتی ھەرێمیش دەڵێ، مافی مامۆستایان لە ھەژماری من گەرەنتی کراوە و بۆ مانگی حوزەیران زیاتر لە ٣٢ ھەزار مامۆستا لەڕێی ھەژماری منەوە مووچەکەیان وەرگرتووە.

 
هەڵمەتێک لە مزگەوتەکانەوە دەستپێدەکات

THURSDAY, 18 JULY 2024 22:07:41

هه‌ولێر-KDP.info- شاندێکی ناوەندی هاوبەشی هەماهەنگی قەیرانەکان لەسەر پرسی کۆچی نایاسایی، لەگەڵ وەزارەتی ئەوقاف و کاروباری ئایینی هەماهەنگی و کاری هاوبەش دەکەن.

 
هەولێر و بەغدا لەسەر چەند خاڵێک لە بواری باج ڕێککەوتن

THURSDAY, 18 JULY 2024 21:07:11

ھەولێر-KDP.info- وەزارەتی دارایی هەرێمی کوردستان دەڵێت، لەگەڵ لیژنەی باڵای ڕێکخستنەوەی باج لە حکوومەتی فیدڕاڵی لەسەر چەند خاڵێک ڕێککەوتوون کە دەبنە هۆی کارئاسانی بۆ ئەو کارگە و کۆمپانیا و بانکانەی لە هەرێمی کوردستان و عێراق کاردەکەن.

 

فازڵ میرانی پێشوازی لە كونسوڵی نوێی کۆماری توركیا له‌ هه‌ولێر كرد

THURSDAY, 18 JULY 2024 19:07:35

ھەولێر-KDP.info- به‌رپرسی ده‌سته‌ی كارگێری مه‌كته‌بی سیاسی پارتی پێشوازی له‌ كونسوڵی گشتی نوێی كۆماری توركیا له‌ هه‌ولێر كرد، لە دیدارەکەشدا جەخت له‌سه‌ر پته‌وتركردنی په‌یوه‌ندییه‌كانی نێوان توركیا و هه‌رێمی كوردستان كرایەوە و هیوایان خواست كه‌ ناوچه‌كه‌ ئارام و سه‌قامگیربێت.

 

بێ ڕەزامەندیی ژینگە هیچ پاڵاوگەیەک مۆڵەتی پێ نادرێت

THURSDAY, 18 JULY 2024 17:07:45

ھەولێر-KDP.info- بەڕێوەبەری فەرمانگەی کاروباری ھونەری لە دەستەی ژینگەی ھەرێمی کوردستان ڕایدەگەیەنێت، زۆرینەی پاڵاوگە نایاساییەكان داخراون و ھەر پاڵاوگەیەک بیەوێت دامەزرێت و مۆڵەت وەربگرێت، پێویستە ڕەزامەندی لە نۆ شوێن وەربگرێت، ئەگەر نا ناتوانێت مۆڵەتی پێ بدرێت.

 



 
© 2023 Kurdistan Democratic Party, KDP

Contact