Kurdî  ■  كوردی  ■  عربي
FRI, 19 JUL 2024 10:54 Erbil, GMT +3
پارتی دیموکراتی کوردستان
ئازادی . دیموکراسی . دادپەروەری
 

نازم ھەرکی: ئەوەی لە نەینەوا کرا دروستکردنی فیتنە بوو
| KDP.info


شنگال -KDP.info- نازم ھەرکی، بەرپرسی لقی ١٧ی پارتی دیموکراتی کوردستان لە شنگال گوتی: پێویستە ھەنگاوەکەی ئەنجوومەنی پارێزگای نەینەوا دووبارە نەبێتەوە، چونکە بیرکردنەوەیەکی مەترسیدارە و فیتنە دەخاتە نێوان پێکھاتەکان.

نازم ھەرکی، بۆ ماڵپەڕی فەرمیی پارتی دیموکراتی کوردستان ڕایگەیاند: دوای بڕیاری ئەنجوومەنی پارێزگای نەینەوا بۆ گۆڕینی بەرپرسی یەکە ئیدارییەکانی سنووری پارێزگای نەینەوا، بە تەواوی نایاسایی و نادەستووری بوو، ئێمە بە ھەموو شێوەیەک ڕەتمان کردەوە و پارێزگاریش ناتوانێت بڕیاری نایاسایی و نادەستووری جێبەجێ بکات، بۆیە بڕیارەکە ڕاگیرا و کاری پێ ناکرێت.

هەرکی دەشڵێ: ناکرێ کاری نایاسایی لەڕێگەی ئەنجوومەنەوە ئەنجام بدرێت، ئەوەی کرا کودەتایەک بوو، بە شێوەیەکی میلیشیایانە مامەڵەی لەگەڵدا کراوە، چونکە بۆ گۆڕینی بەرپرسە ئیدارییەکان، پێویستە ھەڵبژاردنی ئەنجوومەنی پارێزگاکان بکرێت، یاخود لە ئەنجوومەنی وەزیران یان ھاوپەیمانیی ئیدارەی دەوڵەت بڕیاری لێ بدرێت، بۆیە بێ گوێدانە ھیچ ڕێکارێکی یاسایی، ئەو کارەیان کردبوو.

دەشڵێ: دانیشتنی ئەنجوومەنی پارێزگا لەبارەی دیاریکردنی بەرپرسی یەکە ئیدارییەکان نایاسایی بوو، بۆیە ھەر لە سەرەتاوە ئێمە ڕەتمان کردەوە، داوا دەکەین چیتر بڕیاری نایاسایی و نادەستووری بەسەر خەڵکی پارێزگای نەینەوادا نەسەپێندرێت، بە ھۆی ئەوەی ئەو پارێزگایە جیاوازە لەگەڵ پارێزگاکانی دیکە و پارێزگای پێکەوەژیانە و پێویستە بڕیارەکانی بە سازان بێت نەک بە زۆرینە، هەر ئەمجارە نا بەڵکو هەر کاتێک بڕیاری لەو شێوەیە بدرێت ڕێگە نادەین بڕیاری نایاسایی دژی نەینەوا بدرێت، چونکە ئێمە وەکو پارتی زۆرینەین و خاوەنی زۆرترین دەنگین، زیاتر لە ١٤٢ ھەزار دەنگمان بەدەست هێناوە، هەر بۆیەش ئەم بیرکردنەوە مەترسیدارانە کە فیتنەی نێوان پێکھاتەکانی لێ دەکەوێتەوە ڕەت دەکەینەوە.

بڵند ئیبراھیم




دوایین هەواڵەکان

هەڵمەتێک لە مزگەوتەکانەوە دەستپێدەکات

THURSDAY, 18 JULY 2024 22:07:41

هه‌ولێر-KDP.info- شاندێکی ناوەندی هاوبەشی هەماهەنگی قەیرانەکان لەسەر پرسی کۆچی نایاسایی، لەگەڵ وەزارەتی ئەوقاف و کاروباری ئایینی هەماهەنگی و کاری هاوبەش دەکەن.

 
هەولێر و بەغدا لەسەر چەند خاڵێک لە بواری باج ڕێککەوتن

THURSDAY, 18 JULY 2024 21:07:11

ھەولێر-KDP.info- وەزارەتی دارایی هەرێمی کوردستان دەڵێت، لەگەڵ لیژنەی باڵای ڕێکخستنەوەی باج لە حکوومەتی فیدڕاڵی لەسەر چەند خاڵێک ڕێککەوتوون کە دەبنە هۆی کارئاسانی بۆ ئەو کارگە و کۆمپانیا و بانکانەی لە هەرێمی کوردستان و عێراق کاردەکەن.

 

فازڵ میرانی پێشوازی لە كونسوڵی نوێی کۆماری توركیا له‌ هه‌ولێر كرد

THURSDAY, 18 JULY 2024 19:07:35

ھەولێر-KDP.info- به‌رپرسی ده‌سته‌ی كارگێری مه‌كته‌بی سیاسی پارتی پێشوازی له‌ كونسوڵی گشتی نوێی كۆماری توركیا له‌ هه‌ولێر كرد، لە دیدارەکەشدا جەخت له‌سه‌ر پته‌وتركردنی په‌یوه‌ندییه‌كانی نێوان توركیا و هه‌رێمی كوردستان كرایەوە و هیوایان خواست كه‌ ناوچه‌كه‌ ئارام و سه‌قامگیربێت.

 

بێ ڕەزامەندیی ژینگە هیچ پاڵاوگەیەک مۆڵەتی پێ نادرێت

THURSDAY, 18 JULY 2024 17:07:45

ھەولێر-KDP.info- بەڕێوەبەری فەرمانگەی کاروباری ھونەری لە دەستەی ژینگەی ھەرێمی کوردستان ڕایدەگەیەنێت، زۆرینەی پاڵاوگە نایاساییەكان داخراون و ھەر پاڵاوگەیەک بیەوێت دامەزرێت و مۆڵەت وەربگرێت، پێویستە ڕەزامەندی لە نۆ شوێن وەربگرێت، ئەگەر نا ناتوانێت مۆڵەتی پێ بدرێت.

 

لیوا عەبدولخالق بۆ KDP: چالاکییەکانی داعش لە پێشتر مەترسیدارترن

THURSDAY, 18 JULY 2024 12:07:21

بەغدا-KDP.info- نونێەری حکوومەتی ھەرێمی کوردستان لە فەرماندەی ئۆپەراسیۆنی ھاوبەشی عێراق گوتی، داعش چالاکە و ئێستاش داعش مەترسیی جیددییە لەسەر عێراق و چالاکییەکانیشیان لە پێشتر مەترسیدارترن.

 


 
© 2023 Kurdistan Democratic Party, KDP

Contact