Kurdî  ■  كوردی  ■  عربي
FRI, 19 JUL 2024 11:35 Erbil, GMT +3
پارتی دیموکراتی کوردستان
ئازادی . دیموکراسی . دادپەروەری
 

ماڵپەڕی KDP دوایین زانیاری لەبارەی ھەڵبژاردنی ئۆرگانەکانی پارتیمان بڵاودەکاتەوە
| KDP.info


ھەولێر-KDP.info- بەپێی زانیاریەکانی ماڵپەڕی فه‌رمیی پارتی دیموكراتی كوردستان، کە لە مەکتەبی سیاسیەوە بەدەستی کەوتووە ھەڵبژاردنی ئۆرگانەکانی پارتی بەسەرکەوتوویی بەڕێوەدەچێت و لەکۆتایی ھەفتەش کۆتایی بە پڕۆسەکە دێت.

ڕۆژی سێشەممە ٢٥ی٦ی٢٠٢٤ ھەڵبژاردنی ئۆرگانەکانی پارتی دیموکراتی کوردستان لە تەواوی ھەرێمی کوردستان  لە ١٧ لق دەستیپێکرد.

بەپێی ئەو زانیاریانەی لە مەکتەبی سیاسییه‌وه‌ بەدەست ماڵپەڕی فەرمیی پارتی دیموکراتی کوردستان کەوتوون، پڕۆسەی ھەڵبژاردنی ئۆرگانەکانی پارتی دیموکراتی کوردستان کە لە چوارچێوەی ڕێنماییەکانی پەیڕەو و پڕۆگرامەکانی پەسەندکراوی کۆنگرەی ١٤ی پارتیمان بەڕێوەدەچن بەردەوامە، زۆرینەی زۆری بنکە و ڕێکخراو و لیژنەی ناوچەکان ھەڵبژاردنیان بۆکراوە بەسەرکەوتوویی، بەشێکی لقەکانیش ھەڵبژاردن بۆ ستافی لقەکان کراوە بەسەرکەوتوویی تێپەڕیوە، ھاوکات لەسەرجەم سنوورەکانی ھەولێر، سلێمانی، دھۆک، کەرکووک، گەرمیان، ڕاپەرین ھەڵبژاردن کراوە، ئەوانەی کە ماویشن لیژنەکان دەستبەکارن و بەردەوامن لە پڕۆسەکە، پێشبینیش دەکرێت لەکۆتایی ھەفتە سەرجەم ھەڵبژاردنەکان لە قۆناغی یەکەم دا کۆتایی پێبێت تا ھەڵبژاردنی مەکتەبی ڕێکخستنی پارێزگاکان.

ھاوکات ھەربەپێی زانیاریەکانی ماڵپەڕی فه‌رمیی پارتی دیموكراتی كوردستان، پڕۆسەکە لەچوارچێوەی ڕێنماییەکاندا لەژێر سەرپەرشتی لیژنەیەکی باڵای ھەڵبژاردنی ئۆرگانەکانی پارتی لەگەڵ چەند لیژنەیەکیش لە پارێزگاکان و لقەکان و لە لیژنەی ناوچەکان بەڕێوەدەچن ئەم لیژنانەش کادیری پێشکەوتوو و بەتوانا و شارەزان لەبوارەکەدا پڕۆسەکە بەڕێوەدەبەن.

جگە لەوەش لەھەموو سنوورەکان لیژنەیەکی چاودێری و سکاڵا ھەیە بۆ ئەوەی ھەر سکاڵایەک ھەبێت یاخود ھەرجۆرە لادانێک ھەبێت بەدەر لە ڕێنماییەکان بەزووترین کات چارەسەر بکرێت و بە باشترین شێوە و لە چوارچێوەیەکی دیموکراسیدا سەرجەم ئۆرگانەکان ھەڵبژێردرێنەوە.




دوایین هەواڵەکان

هەڵمەتێک لە مزگەوتەکانەوە دەستپێدەکات

THURSDAY, 18 JULY 2024 22:07:41

هه‌ولێر-KDP.info- شاندێکی ناوەندی هاوبەشی هەماهەنگی قەیرانەکان لەسەر پرسی کۆچی نایاسایی، لەگەڵ وەزارەتی ئەوقاف و کاروباری ئایینی هەماهەنگی و کاری هاوبەش دەکەن.

 
هەولێر و بەغدا لەسەر چەند خاڵێک لە بواری باج ڕێککەوتن

THURSDAY, 18 JULY 2024 21:07:11

ھەولێر-KDP.info- وەزارەتی دارایی هەرێمی کوردستان دەڵێت، لەگەڵ لیژنەی باڵای ڕێکخستنەوەی باج لە حکوومەتی فیدڕاڵی لەسەر چەند خاڵێک ڕێککەوتوون کە دەبنە هۆی کارئاسانی بۆ ئەو کارگە و کۆمپانیا و بانکانەی لە هەرێمی کوردستان و عێراق کاردەکەن.

 

فازڵ میرانی پێشوازی لە كونسوڵی نوێی کۆماری توركیا له‌ هه‌ولێر كرد

THURSDAY, 18 JULY 2024 19:07:35

ھەولێر-KDP.info- به‌رپرسی ده‌سته‌ی كارگێری مه‌كته‌بی سیاسی پارتی پێشوازی له‌ كونسوڵی گشتی نوێی كۆماری توركیا له‌ هه‌ولێر كرد، لە دیدارەکەشدا جەخت له‌سه‌ر پته‌وتركردنی په‌یوه‌ندییه‌كانی نێوان توركیا و هه‌رێمی كوردستان كرایەوە و هیوایان خواست كه‌ ناوچه‌كه‌ ئارام و سه‌قامگیربێت.

 

بێ ڕەزامەندیی ژینگە هیچ پاڵاوگەیەک مۆڵەتی پێ نادرێت

THURSDAY, 18 JULY 2024 17:07:45

ھەولێر-KDP.info- بەڕێوەبەری فەرمانگەی کاروباری ھونەری لە دەستەی ژینگەی ھەرێمی کوردستان ڕایدەگەیەنێت، زۆرینەی پاڵاوگە نایاساییەكان داخراون و ھەر پاڵاوگەیەک بیەوێت دامەزرێت و مۆڵەت وەربگرێت، پێویستە ڕەزامەندی لە نۆ شوێن وەربگرێت، ئەگەر نا ناتوانێت مۆڵەتی پێ بدرێت.

 

لیوا عەبدولخالق بۆ KDP: چالاکییەکانی داعش لە پێشتر مەترسیدارترن

THURSDAY, 18 JULY 2024 12:07:21

بەغدا-KDP.info- نونێەری حکوومەتی ھەرێمی کوردستان لە فەرماندەی ئۆپەراسیۆنی ھاوبەشی عێراق گوتی، داعش چالاکە و ئێستاش داعش مەترسیی جیددییە لەسەر عێراق و چالاکییەکانیشیان لە پێشتر مەترسیدارترن.

 


 
© 2023 Kurdistan Democratic Party, KDP

Contact