Kurdî  ■  كوردی  ■  عربي
SAT, 15 JUN 2024 13:52 Erbil, GMT +3
پارتی دیموکراتی کوردستان
ئازادی . دیموکراسی . دادپەروەری
 

وەزیری ئەوقاف: درێخی ناکەین لە دژایەتی کردنی گوتاری ڕق و کینە
| KDP.info


ھەولێر-KDP.info- پشتیوان سادق وەزیری ئەوقاف و کاروباریی ئایینی هەرێمی کوردستان لە سیمپۆزیۆمی گوتاری ڕق و کینە كه‌ لە هەولێر بەڕێوەدەچێت ڕایگەیاند، پێکەوە ژیانی پێکهاتەکان کولتوورێکی جوانی هەرێمی کوردستانە دەبێت پارێزگاری لێ بکەین و لە وەزارەتی ئەوقافیش بەردەوام دەبین و درێخی ناکەین لە دژایەتی کردنی گوتاری ڕق و کینە.

وەزیری ئەرقاف لە گوتارەکەیدا گوتی: ڕۆژهەڵاتی ناوەڕاست بە دۆخێکی خراپ و شەڕ و ئاڵۆزییدا تێدەپەڕێت، بەڵام هەرێمی کوردستان هەر شوێنی پێکەوە ژیانی ئایینی و پێکهاتەکانە و ئێستاش بەهۆی تێکەڵاویی ئەو پەیوەندییە بەتینە کۆمەڵایەتییەی لە نێوان پێکهاتەکاندا هەیە لە زۆربەی ناوچەکان پێکاتە ئایینی و نەتەوەکان لەیەکتر جیا ناکرێنەوە، هەر ئەمەش هۆکار بووە لە پەرلەماندا چوارچێوەیەکی یاسایی بە پارێزگاری کردن لە کولتووری پێکەوە ژیانی ئایین و پێکهاتە نەتەوەکان بدرێت.

گوتیشی: ئەم پێکەوە ژیانەی هەرێمی کوردستان بووەتە خاڵێکی گرنگ و کاریگەر لە ئاستی جیهانیدا، وایکردووە لە زۆربەی کۆنفرانسە نێودەوڵەتییەکان هەرێمی کوردستان بانگهێشت بکرێت هۆکارەکەشی ئەو بایەخدانەیە بە ژیان و پاراستنی مافی پێکهاتەکان دراوە کە جێگەی خۆشحاڵییە بۆ هەموو حزب و پێکهاتەکان و ڕێکخراوەکانی کۆمەڵگەی مەدەنی وایکردووە لە ئاستی نێودەوڵەتی گرنگی بە ڕۆڵ و پێگەی کوردستان بدرێت.

هەروەها پشتیوان سادق ئاماژەیدا: وتاری توندڕەوی مەرج نییە تەنیا پێشنوێژ و وتارخوێنی ئایینی بن جا لە هەر ئایینێک بن، بەڵکو جاری وا هەیە کەسانی ڕۆشنبیر، یان ڕۆژنامەنووس و ڕاگەیەندنکار بە هەر هۆکارێکەوە بێت تووشی وتاری توندڕەوی دەبن بۆیە پێویستە حکوومەتی هەرێمی کوردستان و دامەزراوەکان بەشێوەیەکی یاسایی مامەڵە لەگەڵ ئەو پرسەدا بکەن، بۆ ئەوەی ئەو حاڵەتانە نەبنە هۆکاری ناشرین کردنی کوردستان.

لە بەشێکی دیکەی گوتارەکەیەدا پشتیوان سادق گوتی: ئەوەی پەیوەندی بە وەزارەتی ئەوقافەوە هەیە، ئێمە هەر لە سەرەتاوە لە ڕێگەی کۆڕ و کۆنفرانس و خولی تایبەتەوە کارمان کردووە لە سەر پاراستنی ئەو پێکەوە ژیانەی لە کوردستاندا هەیە و خزمەتی زیاتری بکەین، هەربۆیە بەڵینی وەزارەتی ئەوقاف بۆ هەموو پێکهاتە ئایینی و نەتەوەکانی کوردستان دووپات دەکەینەوە و درێخی ناکەین لە دژایەتی کردنی گوتاری ڕق و کینە.




دوایین هەواڵەکان

مەکتەبی سیاسی پرسەنامەیەک ئاراستەی خانەوادەی (ڕۆستەم کانی هەنجیرەیی) دەکات

FRIDAY, 14 JUNE 2024 23:06:00

ھەولێر-KDP.info- مەکتەبی سیاسیی پارتی دیموکراتی کوردستان، پرسەنامەیەک ئاراستەی خانەوادەی خوالێخۆشبوو (عوسمان حەمە کەریم کانی هەنجیرەیی) دەکات.

 
سەرۆک بارزانی پێشوازی لە شاندێکی باڵای پارتی دیموکراتی پێشڤەڕۆی کورد لە سووریا دەکات

FRIDAY, 14 JUNE 2024 21:06:54

ھەولێر-KDP.info- ڕۆژی هەینی 14ی حوزەیرانی 2024 لە سەلاحەددین سەرۆک مەسعود بارزانی پێشوازی لە شاندێکی باڵای پارتی پێشڤەڕۆی کورد لە سووریا بە سەرۆکایەتیی دکتۆر سەلاح دەروێش سکرتێری پارتی پێشڤەڕۆی کورد لە سووریا کرد.

 
باڵوێزی نوێی ویلایەتە یەکگرتووەکان لە عێراق

FRIDAY, 14 JUNE 2024 16:06:16

ھوشیار سیوەیلی

 
سەرۆک بارزانی پێشوازی لە سەرپەرشتیاری وەزارەتی دەرەوەی ئێران دەکات

FRIDAY, 14 JUNE 2024 16:06:04

ھەولێر-KDP.info- ڕۆژی هەینی 14ی حوزەیرانی 2024 لە سەلاحەددین سەرۆک مەسعود بارزانی پێشوازی لە بەڕێز عەلی باقری سەرپەرشتیاری وەزارەتی دەرەوەی ئێران و شاندێکی یاوەری کرد.

 
سه‌رۆكى هه‌رێمى كوردستان پێشوازی له‌ سەرپەرشتیاری وەزارەتی دەرەوەی ئێران كرد

FRIDAY, 14 JUNE 2024 15:06:24

ھەولێر-KDP.info- نیوه‌ڕۆى ئه‌مڕۆ هه‌ینى 2024/6/14 نێچیرڤان بارزانى، سه‌رۆكى هه‌رێمى كوردستان، له‌ هه‌ولێر له‌گه‌ڵ عەلی باقری، سەرپەرشتیاری وەزارەتی دەرەوەی ئێران و شاندێکی یاوه‌ری، كۆبووه‌وه‌.

 


 
© 2023 Kurdistan Democratic Party, KDP

Contact