Kurdî  ■  كوردی  ■  عربي
SAT, 15 JUN 2024 13:14 Erbil, GMT +3
پارتی دیموکراتی کوردستان
ئازادی . دیموکراسی . دادپەروەری
 

ئایا پارتی تووند و عینادە ؟
| KDP.info


سالار عوسمان

بەشی دووەم

هەر لەنێو تەوەری ڕاگەیاندندا باس لە چەمکگەلێک کراوە، ئەگەر بەخێراییش بێت، ناکرێ لای لێ نەکەینەوە، وەک: (یەکترقبووڵکردن، مرۆڤدۆستی، پێکەوەژیان)، کە هەریەک لەو چەمکانە بۆ پارتی و ڕاگەیاندنەکەی، بنەمان، بڕوان، ڕوانگەن و چوونەتە نێو مێژوو و هەنووکەش هەر بە هەمان قووڵیی مێژوویی کاری لەسەر دەکات.

ئەگەر سەیری وێستگەکان بکەین، ئەوەمان بەڕوونی بۆ دەسەلمێت، کە ڕێبازی بارزانی درەوشاوەترین ڕێبازی یەکترقبووڵکردن و مرۆڤدۆستی و پێکەوەژیانە لە ناوچەکەدا، سروشتی پارتی، پێکهاتەکەی، جێکردنەوە بۆ هەمووان، ڕا و ڕوانگەکانی، داکۆکیی بەردەوامی لە جیاوازییەکان، گیانی بەشداری و هاوبەشیی ئەوانی تر و، تا دەگات بەو شەڕەی ئێستاش دەیکات لە پرسی کۆتاکان، هەمووی سەلمێنەری ئەو ڕاستییە ڕۆشنەیە، کە پارتی بڕوای بەو چەمکانە هەیە و گەورەتر لە دروشم بەرخورد دەکات و، گەر ببێتە شەڕیش ـ دیارە مەبەستمان شەڕە مەدەنییەکەیە لەم کاتانەدا ـ  هەر پارتی دەبینرێ  لە گۆڕەپان و ئەم گۆڕەپانەش جێناهێڵێت.

پارتی لە ڕاگەیاندندا بەرگرییەکی کەلتوورییانە لە هەموو ئەو چەمکانە دەکات ـــ خۆ ئەگەر سەیرێکی ئەتڵەسی ڕاگەیاندنی پارتی بکەیت، لە هەمووان فرەڕەنگترە و زۆرترینی لێ کۆ بووەتەوە و ئەم فرەیی ڕەنگ و زۆریی لە پەیڤینەش سەلمێنەری ئەوەیە، کە پارتی لە ڕاگەیاندندا دۆزدارە، دۆزی هەیە و دەزانێ چی دەکات و بەرەو کوێ دەڕوات.

جار جار گوێمان لەوە دەبێت، کە گوایە پارتی تووندە و، بگرە هەندێ جار هێوەتریش دەڕۆن و دەڵێن پارتی عینادە!.. پێم وانییە تا ئێستێ ئەم وەسف و وێنایانە باش گفتوگۆ و شی و شەن و شیتاڵ و شرۆڤە کرابن، بە کورتی پارتی نە تووندە و نە عیناد، ئەوەی هەیە ڕاستگۆیە لەگەڵ بڕواکانی خۆی، پێداگرە و نایەوێت گۆڕەپانی بنەماکانی خۆی چۆڵ بکات، نایەوێت پشت لەو مێژووە بکات، کە پڕە لە خەبات و قوربانیدان لە پێناو ئەو ئارمانجانە، کە: (یەکترقبووڵکردن، مرۆڤدۆستی و پێکەوەژیان) بەشێکی هەره‌ گەشی ئەو ئارمانجانەیە و ئەمڕۆ لە هەموو ڕۆژان پتر سەرۆک بارزانی جەختی لێ دەکاتەوە و هەمووان دەخاتە سەر ڕاستەڕێ، ئەو ڕاستەڕێیەی کە ڕووناکییەکەی بۆ هەمووانە و بەشێکە لە پڕۆسەی ئایندەسازیی کوردستان.




دوایین هەواڵەکان

مەکتەبی سیاسی پرسەنامەیەک ئاراستەی خانەوادەی (ڕۆستەم کانی هەنجیرەیی) دەکات

FRIDAY, 14 JUNE 2024 23:06:00

ھەولێر-KDP.info- مەکتەبی سیاسیی پارتی دیموکراتی کوردستان، پرسەنامەیەک ئاراستەی خانەوادەی خوالێخۆشبوو (عوسمان حەمە کەریم کانی هەنجیرەیی) دەکات.

 
سەرۆک بارزانی پێشوازی لە شاندێکی باڵای پارتی دیموکراتی پێشڤەڕۆی کورد لە سووریا دەکات

FRIDAY, 14 JUNE 2024 21:06:54

ھەولێر-KDP.info- ڕۆژی هەینی 14ی حوزەیرانی 2024 لە سەلاحەددین سەرۆک مەسعود بارزانی پێشوازی لە شاندێکی باڵای پارتی پێشڤەڕۆی کورد لە سووریا بە سەرۆکایەتیی دکتۆر سەلاح دەروێش سکرتێری پارتی پێشڤەڕۆی کورد لە سووریا کرد.

 
باڵوێزی نوێی ویلایەتە یەکگرتووەکان لە عێراق

FRIDAY, 14 JUNE 2024 16:06:16

ھوشیار سیوەیلی

 
سەرۆک بارزانی پێشوازی لە سەرپەرشتیاری وەزارەتی دەرەوەی ئێران دەکات

FRIDAY, 14 JUNE 2024 16:06:04

ھەولێر-KDP.info- ڕۆژی هەینی 14ی حوزەیرانی 2024 لە سەلاحەددین سەرۆک مەسعود بارزانی پێشوازی لە بەڕێز عەلی باقری سەرپەرشتیاری وەزارەتی دەرەوەی ئێران و شاندێکی یاوەری کرد.

 
سه‌رۆكى هه‌رێمى كوردستان پێشوازی له‌ سەرپەرشتیاری وەزارەتی دەرەوەی ئێران كرد

FRIDAY, 14 JUNE 2024 15:06:24

ھەولێر-KDP.info- نیوه‌ڕۆى ئه‌مڕۆ هه‌ینى 2024/6/14 نێچیرڤان بارزانى، سه‌رۆكى هه‌رێمى كوردستان، له‌ هه‌ولێر له‌گه‌ڵ عەلی باقری، سەرپەرشتیاری وەزارەتی دەرەوەی ئێران و شاندێکی یاوه‌ری، كۆبووه‌وه‌.

 


 
© 2023 Kurdistan Democratic Party, KDP

Contact