Kurdî  ■  كوردی  ■  عربي
SAT, 15 JUN 2024 14:14 Erbil, GMT +3
پارتی دیموکراتی کوردستان
ئازادی . دیموکراسی . دادپەروەری
 

سەردانەکانی شاندی هەرێم بۆ بەغدا ئەنجامی باشی هەیە
| KDP.info


بەغدا-KDP.info-  هه‌وڵه‌كانی هه‌رێمی كوردستان به‌ئاراسته‌ی ڕێکكه‌وتن و تێکگه‌یشتن له‌گه‌ڵ به‌غدا ئه‌نجامی باشی هه‌یه‌، حكوومه‌تی هه‌رێمی كوردستان ئامانجی بوو گرفته‌كان له‌گه‌ڵ به‌غدا چاره‌ بكات، بۆ ئه‌م مه‌به‌سته‌ چه‌ندین شاندی كوردستان چونه‌ته‌ به‌غدا و گفتوگۆیان كردووه‌.

له‌م باره‌یەوه‌ خدر مه‌نتك په‌رله‌مانتاری پارتی دیموكراتی كوردستان له‌ ئه‌نجوومه‌نی نوێنه‌رانی عێراق بۆ ماڵپه‌ڕی فه‌رمی پارتی گوتی: کۆبوونەوەکانی سەرۆکایەتیی هەرێمی کوردستان و محەمەد شەیاع سودانی ئاماژەن بۆ ئەوەی دانوستانە درێژخایەنەکانی نێوان حکوومەتی هەرێم و حکوومەتی فیدراڵ نزیک بووەتەوە لە ڕێککەوتنێکی گرینگ، سەردانەکانی شاندی هەرێمی کوردستان بۆ بەغدا ڕۆڵی سەرەکییان گێڕاوە لەم چوونە پێشە، ئەمەش ڕەنگدانەوەی ڕۆحی هاوکاری و پابەندبوونی هاوبەشە بۆ چارەکردنی ئەو کێشانەی ماوەیەکی زۆرە خاڵی مشتومڕن.

ڕایشیگه‌یاند: شاندی هەرێمی کوردستان بە سەرۆکایەتی هەریەک لە  نێچیرڤان بارزانی سەرۆکی ھەرێمی کوردستان و مەسروور بارزانی سەرۆکی حکوومەت، بە شێوەیەکی چالاکانە لەگەڵ هاوتاکانیان لە بەغدا کاریگەری گرنگیان لە پڕکردنەوەی بۆشاییەکان و بەهێزکردنی تێکگەیشتن لە نێوان هەردوو حکوومەتدا هەبووە، بەتایبەتی دیالۆگی بەردەوام و  تیشک خستنە سەر چارەکردنی کێشە ئاڵۆزەکانی پەیوەست بە تەرخانکردنی بودجە و دابەشکردنی داهاتی نەوت و هەماهەنگی ئاسایش.

ئه‌وه‌یشی خسته‌ڕوو: هەوڵەکانی سەرۆکوەزیران (مەسروور بارزانی) لەم ڕێککەوتنەدا زۆر گرنگ بوو بۆ بەڕێوەبردنی  دانوستانەکان،  شێوازی چالاکانەی ئەو و ئامادەیی بۆ بەشداریکردن لە گفتوگۆی بنیاتنەرانە لەگەڵ بەغدا، وای کرد بەغدا پابەندبوون نیشان بدات بۆ گەیشتن بە ڕێککەوتنێکی گشتگیر کە لە بەرژەوەندی هەردوولا بێت.

ڕێککەوتنی بەغدا و هەولێر چەندین ئەنجامی ئەرێنی بەدەستهێناوە و پێشبینی دەکرێت بە کۆمەڵێک ڕێککەوتنی گرنگ لەگەڵ حکوومەتی فیدراڵی بگەنە ئەنجام کە چەندین بواری گرنگ لەخۆ دەگرێت، لەوانە:

- تەرخانکردنی بودجە: یەکێکە لە کێشە سەرەکییەکان، ئەویش پابەندبوونی تەرخانکردنی بودجەی فیدڕاڵییە بۆ هەرێمی کوردستان، ئامانجی ئەم ڕێککەوتنە دڵنیابوونە لە دابەشکردنی سەرچاوە داراییەکان بە شێوەیەکی شەفاف و دادپەروەرانە کە مافی مووچەخۆرانی هەرێمی کوردستانە.

_داهاتی نەوت: بەڕێوەبردن و دابەشکردنی داهاتی نەوت، ماوەیەکی زۆرە کێشەی لەسەرە، لە ڕێککەوتنە نوێیەکە باس لە هاوبەشییەکی دادپەروەرانەی قازانجی نەوت کراوە، بۆ دڵنیابوون لەوەی هەرێمی کوردستان بەشی دادپەروەرانەی خۆی وەردەگرێت لە کاتێکدا یەکپارچەیی سەرچاوە نیشتمانییەکانی عێراق دەپارێزێت.

_ هەماهەنگی ئەمنی و سەربازی: ئاسایش نیگەرانییەکی سەرەکییە بۆ هەرێمی کوردستان و حکوومەتی فیدراڵی، بەتایبەتی ناوچە کوردستانییەکانی دەرەوەی ئیدارەی ھەرێم، ڕێککەوتنەکان چەند بڕگەیەک لەخۆدەگرن بۆ باشترکردنی هەماهەنگی لە کاروباری ئەمنی و سەربازییدا کە بۆ پاراستنی ئاشتی و بەرەنگاربوونەوەی هەڕەشە هاوبەشەکانی وەکوو تیرۆر گرنگە.

له‌م باره‌یەوه‌ فارس عیسا، سەرۆکی نوێنەرایەتی حکوومەتی هەرێمی کوردستان، له‌ لێدوانێكی ڕۆژنامه‌نووسیدا ده‌ڵێت: حکوومەتی هەرێمی کوردستان سەرجەم زانیاری و لیستەکانی داوەتە وەزارەتە پەیوەندیدارەکانی حکوومەتی فیدڕاڵی.

ئومێدیشی خواستووە تێکگەیشتنەکان بەردەوامبن بە مەبەستی گەیشتن بە ڕێککەوتنی کۆتایی نێوان هەردوو حکوومەت.

فارس عیسا، دەڵێت: مەسروور بارزانی، سەرۆکی حکوومەتی هەرێمی کوردستان ڕژدە لەسەر ئەوەی کێشەکان لە بەغدا چارە بکرێن.

 




دوایین هەواڵەکان

مەکتەبی سیاسی پرسەنامەیەک ئاراستەی خانەوادەی (ڕۆستەم کانی هەنجیرەیی) دەکات

FRIDAY, 14 JUNE 2024 23:06:00

ھەولێر-KDP.info- مەکتەبی سیاسیی پارتی دیموکراتی کوردستان، پرسەنامەیەک ئاراستەی خانەوادەی خوالێخۆشبوو (عوسمان حەمە کەریم کانی هەنجیرەیی) دەکات.

 
سەرۆک بارزانی پێشوازی لە شاندێکی باڵای پارتی دیموکراتی پێشڤەڕۆی کورد لە سووریا دەکات

FRIDAY, 14 JUNE 2024 21:06:54

ھەولێر-KDP.info- ڕۆژی هەینی 14ی حوزەیرانی 2024 لە سەلاحەددین سەرۆک مەسعود بارزانی پێشوازی لە شاندێکی باڵای پارتی پێشڤەڕۆی کورد لە سووریا بە سەرۆکایەتیی دکتۆر سەلاح دەروێش سکرتێری پارتی پێشڤەڕۆی کورد لە سووریا کرد.

 
باڵوێزی نوێی ویلایەتە یەکگرتووەکان لە عێراق

FRIDAY, 14 JUNE 2024 16:06:16

ھوشیار سیوەیلی

 
سەرۆک بارزانی پێشوازی لە سەرپەرشتیاری وەزارەتی دەرەوەی ئێران دەکات

FRIDAY, 14 JUNE 2024 16:06:04

ھەولێر-KDP.info- ڕۆژی هەینی 14ی حوزەیرانی 2024 لە سەلاحەددین سەرۆک مەسعود بارزانی پێشوازی لە بەڕێز عەلی باقری سەرپەرشتیاری وەزارەتی دەرەوەی ئێران و شاندێکی یاوەری کرد.

 
سه‌رۆكى هه‌رێمى كوردستان پێشوازی له‌ سەرپەرشتیاری وەزارەتی دەرەوەی ئێران كرد

FRIDAY, 14 JUNE 2024 15:06:24

ھەولێر-KDP.info- نیوه‌ڕۆى ئه‌مڕۆ هه‌ینى 2024/6/14 نێچیرڤان بارزانى، سه‌رۆكى هه‌رێمى كوردستان، له‌ هه‌ولێر له‌گه‌ڵ عەلی باقری، سەرپەرشتیاری وەزارەتی دەرەوەی ئێران و شاندێکی یاوه‌ری، كۆبووه‌وه‌.

 


 
© 2023 Kurdistan Democratic Party, KDP

Contact