Kurdî  ■  كوردی  ■  عربي
SAT, 15 JUN 2024 13:18 Erbil, GMT +3
پارتی دیموکراتی کوردستان
ئازادی . دیموکراسی . دادپەروەری
 

ئۆزجەلیک بۆ KDP: سەرۆک بارزانی لە چاو و دڵی ملیۆنان کورددایە
| KDP.info


هەولێر-KDP.info- مستەفا ئۆزجەلیک، سەرۆکی گشتیی پارتی وڵاتپارێزانی کوردستان پەیوەست بە په‌یوه‌ندی سەرۆک بارزانی به‌ ڕیزه‌كانی هێزی پێشمه‌رگه‌وه‌ دەڵێت، سەرۆک بارزانی ٦٢ ساڵە پێشمەرگەیە و سەلماندی کە وەک جەنگاوەرێک بەس نییە، هەروەها لە سیاسەتدا، لە بەڕێوەبردنی حیزب و نیشتیمان، لە دیپلۆماسیدا، بە هاوئاهەنگی و دووربینی و زانست و سەبر و خۆڕاگری و دڵسۆزی و خۆبەخشی و خۆنەویستیی خۆی، لە چاو و دڵی ملیۆنان کورددایە.

مستەفا ئۆزجەلیک، بۆ ماڵپەڕی فەمیی پارتی دیموکراتی کوردستان گوتی، جەنابی سەرۆک مەسعوود بارزانی ٦٢ ساڵە پێشمەرگەیە، بەڵام بیر و باوەڕ و کەسایەتیی سەرۆک بارزانی لە قوتابخانەی خوالێخۆشبوو مەلا مستەفا بارزانیدا چێندراوە، بە فەلسەفە و کولتوور و مەعریفەی شێخ عەبدولسەلام بارزانی و شێخ ئەحمەد بارزانی، بە هەست و هۆشیارییەکی نەتەوەیی. سەرۆک مەسعوود بارزانی بە درێژایی تەمەنی سەلماندی کە هەم پێشمەرگەیە، هەم فەرماندەیە، هەم سەرکردەیە لە شەڕدا. 

ئۆزجەلیک گوتیشی، سەرۆک بارزانی تەنها لە خەباتی چەکداریدا نییە، بەڵکو لە هەموو ڕووەکانی ژیان و کاردا پێشمەرگەیە، فەرماندەیە، سەرکردەیە. جەنابی سەرۆک مەسعوود بارزانی ٦٢ ساڵە سەلماندی کە وەک جەنگاوەرێک بەس نییە، هەروەها لە سیاسەتدا، لە بەڕێوەبردنی حیزب و نیشتیمان، لە دیپلۆماسیدا، بە هاوئاهەنگی و دووربینی و زانست و سەبر و خۆڕاگری و دڵسۆزی و خۆبەخشی و خۆنەویستیی خۆی، هەم پێشمەرگەیە، هەم فەرماندەیە، هەم سەرکردەیە. سەرۆک مەسعوود بارزانی، لەم ٦٢ ساڵەی پێشمەرگایەتیی خۆیدا، چەندین جار ڕووبەڕووی مەرگ بووەتەوە. هەرچەندە فەرماندەی شەڕە بووە، بەڵام بە هیچ شێوەیەک جیاوازی لە نێوان خۆی و پێشمەرگەدا نەدەکرد. وەک پێشمەرگەیەکی ڕاستەقینە، لەسەر بەرد نووستووە، جێگەی خۆی لە شەڕدا گرتووە. سەرۆک مەسعوود بارزانی، بەو تایبەتمەندی و ئەزموونانە، بەس نییە بۆ سەرۆکی ئەمڕۆی پارتی دیموکراتی کوردستان.

دەشڵێ: "زیاتر لەوەش، سەرۆک بارزانی مەرجەعی نەتەوەیی، مرۆیی، کۆمەڵایەتییە بۆ هەر چوار پارچەی کوردستان و هەموو کوردانی جیهان. 

ئاماژەشی دا، سەرۆک بارزانی پێویستییەکی هاوبەشە بۆ بەستنەوەی هەموو پێکهاتە نەتەوەیی و ئایینی و تائیفی و کولتووری و کۆمەڵایەتییەکانی کۆمەڵگەی کوردستان. هاوکات لە عێراقیشدا، هاوسەنگیی نێوان کورد، عەرەب، ئاشووری-کلدانی، تورکمان؛ دەپارێزێت هاوسەنگی لە نێوان هەموو ئایین و مەزهەبەکاندا دروست دەکات. 

مستەفا ئۆزجەلیک روونیشی کردەوە، سەرەتا پێویستە هەموو سەرکردە و ئەندامانی پارتی دیموکراتی کوردستان، هەموو سیاسەتمەدارانی کورد، هەموو خەڵکی کوردستان بە ڕوونی ئەم ڕۆڵ و تایبەتمەندیانەی سەرۆک مەسعوود بارزانی ببینن بۆ ئەوەی باشتر لە گرنگی و ڕۆڵ و بەهاکەی تێبگەین.

گوتیشی: "ئەمڕۆ بارگرانیی ماڵباتی بارزانیی، پارتی دیموکراتی کوردستان، خەڵکی باشووری کوردستان بەس نییە، هەروەها بارگرانیی هەر چوار پارچەی کوردستان و کوردانی جیهانیش لەسەر شانی جەنابی سەرۆک مەسعوود بارزانییە، ئەمە وەهم نییە، بەڵکو واقیعێکە".

ئۆزجەلیک ئەوەیشی بە بیر هێنایەوە، کاتێک پێشمەرگەی کوردستان، بۆ یارمەتیدانی خوشک و براکانی لە ڕۆژئاوای کوردستان، لە هەولێر، زاخۆ، لە ڕێگای سیلۆپیا، ماردین، پیرسوسەوە گەیشتنە کۆبانی، سەدان هەزار کوردی باکووری کوردستان بە دڵ و گیان پێشوازییان لە پێشمەرگەی کوردستان کرد و لە باوەشیان گرت، ڕێزیان گرت و خۆشیان دەویست، لە جەوهەردا ڕێز لە خاوەن و ئەندازیار و سەرکردەی ئەم ڕێپێوانە گیرا، واتە بۆ جەنابی سەرۆک مەسعوود بارزانی، هەموو کوردێکی دڵسۆز هیچ گومانێکی لەو بارەیەوە نییە. کەس ناتوانێت ئەم ڕاستییە بشارێتەوە، ئەم ڕاستییە لە لاپەڕەکانی مێژوودا تۆمار کراوە.

 

کاروان باعەدری

 




دوایین هەواڵەکان

مەکتەبی سیاسی پرسەنامەیەک ئاراستەی خانەوادەی (ڕۆستەم کانی هەنجیرەیی) دەکات

FRIDAY, 14 JUNE 2024 23:06:00

ھەولێر-KDP.info- مەکتەبی سیاسیی پارتی دیموکراتی کوردستان، پرسەنامەیەک ئاراستەی خانەوادەی خوالێخۆشبوو (عوسمان حەمە کەریم کانی هەنجیرەیی) دەکات.

 
سەرۆک بارزانی پێشوازی لە شاندێکی باڵای پارتی دیموکراتی پێشڤەڕۆی کورد لە سووریا دەکات

FRIDAY, 14 JUNE 2024 21:06:54

ھەولێر-KDP.info- ڕۆژی هەینی 14ی حوزەیرانی 2024 لە سەلاحەددین سەرۆک مەسعود بارزانی پێشوازی لە شاندێکی باڵای پارتی پێشڤەڕۆی کورد لە سووریا بە سەرۆکایەتیی دکتۆر سەلاح دەروێش سکرتێری پارتی پێشڤەڕۆی کورد لە سووریا کرد.

 
باڵوێزی نوێی ویلایەتە یەکگرتووەکان لە عێراق

FRIDAY, 14 JUNE 2024 16:06:16

ھوشیار سیوەیلی

 
سەرۆک بارزانی پێشوازی لە سەرپەرشتیاری وەزارەتی دەرەوەی ئێران دەکات

FRIDAY, 14 JUNE 2024 16:06:04

ھەولێر-KDP.info- ڕۆژی هەینی 14ی حوزەیرانی 2024 لە سەلاحەددین سەرۆک مەسعود بارزانی پێشوازی لە بەڕێز عەلی باقری سەرپەرشتیاری وەزارەتی دەرەوەی ئێران و شاندێکی یاوەری کرد.

 
سه‌رۆكى هه‌رێمى كوردستان پێشوازی له‌ سەرپەرشتیاری وەزارەتی دەرەوەی ئێران كرد

FRIDAY, 14 JUNE 2024 15:06:24

ھەولێر-KDP.info- نیوه‌ڕۆى ئه‌مڕۆ هه‌ینى 2024/6/14 نێچیرڤان بارزانى، سه‌رۆكى هه‌رێمى كوردستان، له‌ هه‌ولێر له‌گه‌ڵ عەلی باقری، سەرپەرشتیاری وەزارەتی دەرەوەی ئێران و شاندێکی یاوه‌ری، كۆبووه‌وه‌.

 


 
© 2023 Kurdistan Democratic Party, KDP

Contact