Kurdî  ■  كوردی  ■  عربي
SAT, 25 MAY 2024 18:34 Erbil, GMT +3
پارتی دیموکراتی کوردستان
ئازادی . دیموکراسی . دادپەروەری
 

ڕوون نییە UN چۆن مامەڵە لەگەڵ داواکەی عێراق دەکات
| KDP.info


ھۆشیار سیوەیلی

سەرۆک وەزیرانی حکوومەتی فیدراڵی لە نووسراوێکدا بۆ ئەنتۆنیۆ گۆتەریز، سکرتیری گشتی نەتەوە یەکگرتوەکان داوای کردووە کە لە کۆتایی ٢٠٢٥ دا ئەنجوومەنی ئاسایش کۆتایی بە ئەرک و بوونی(یونامی) بهێنێت لە عێراق. یونامی لە ساڵی ٢٠٠٣ بە بڕیاری ئەنجوومەنی ئاسایشی ژمارە ١٥٠٠ دروستبوە و لەو کاتەوە ساڵانە ئەرکەکەی نوێکراوەتەوە. ساڵی سێ جار ڕاپۆرت ئەداتە ئەنجوومەنی ئاسایش دەربارەی دۆخی عێراق بە تایبەتی دۆخی سیاسی و ئەمنی وڵات. داواکەی عێراق قسەو باسی زۆر هەڵدەگرێ و لە هەمووشیان گرنگتر وەڵامدانەوەی ئەو پرسیارە گرنگەیە کە دەڵێت: ئایا بە ڕاستی عێراق هێندە سەقامگیرە پێویستی بە هاوکاری کۆمەڵگای نێودەوڵەتی نەمابێت یان گوشار و ئەجێندای تر لە پشت هەڵوێستەکەی عێراقەوەیە؟ یونامی لە ماوەی مانەوەی لە عێراق ڕۆڵی دیاری بینیوە لە نزیککردنەوەی لایەنە عێراقییەکان و هەوڵدان بۆ چارەسەرکردنی کێشە سیاسییەکان و پێشخستنی پرۆسەی سیاسی. ڕۆڵی گرنگی لە نزیککردنەوەی هەولێر و بەغدا هەبووە و تەنانەت بۆ چارەسەرکردنی کێشەکانی نێوان لایەنە سیاسییەکانی هەرێم هەوڵی جدی داوە، ئەمە جگە لەوەی لایەنێکی گرنگ بووە لە جێبەجێکردنی ماددەی ١٤٠. 

بڕیارە خاتوو پلاسخارت لە هەفتەی داهاتوو دوا ڕاپۆرتی خۆی لەبەردەم ئەنجوومەنی ئاسایش بخوێنێتەوە چونکە ئەرکی ئەو وەک نوێنەری تایبەت و سەرۆکی یونامی لە کۆتایی ئەم مانگەدا تەواو دەبێت. هێشتا ڕوون نییە ئەنجوومەنی ئاسایش چۆن مامەڵە لەگەڵ داواکەی عێراق دەکات لە کاتێکدا عێراق داوای کردووە لە کۆتایی ساڵی ٢٠٢٥ دا کۆتایی بەئەرکی یونامی بهێنرێت. هەرچەندە ئەنجوومەنی ئاسایش بە بڕیاری زۆربەو بە بێ ڤیتۆی یەکێک لە پێنج ئەندامە هەمیشەییەکە دەتوانێت بڕیار لەسەر مانەوەی یونامی بدات لە دوای ٢٠٢٥، بەڵام ڕێز لە داواکەی عێراق دەگرێ و گەر عێراق سوور بێت لەسەر ئەو داوایە ئەوا لە کۆتایی ٢٠٢٥ یان زووتر ئەنجوومەنی ئاسایش کۆتایی بە ئەرکی یونامی دەهێنێت. جگە لە رۆڵی یونامی لە عێراقدا، ڕاپۆرتەکانی نوێنەری تایبەتی سکرتێری گشتی لەبەردەم ئەنجوومەنی ئاسایش و باسکردنی هەرێمی کوردستان و ئاماژەدان بە پەیوەندییەکانی نێوان هەولێر و بەغدا سوودی زۆری بۆ هەرێمی کوردستان هەبوو.




دوایین هەواڵەکان

پرسەنامەیەک لە سەرۆکوەزیرانی ھەرێمەوە

SATURDAY, 25 MAY 2024 18:05:25

ھەولێر-KDP.info-  بۆ كۆچی دوایی خوالێخۆشبوو (حەسەن مستەفا محیەدین)، مه‌سروور بارزانی سه‌رۆكوه‌زیرانی هه‌رێمی كوردستان، پرسه‌نامه‌یه‌كی بڵاوكرده‌وه‌ کە ئەمە دەقەکەیتی:

 
سەردانەکانی شاندی هەرێم بۆ بەغدا ئەنجامی باشی هەیە

SATURDAY, 25 MAY 2024 18:05:25

بەغدا-KDP.info-  هه‌وڵه‌كانی هه‌رێمی كوردستان به‌ئاراسته‌ی ڕێکكه‌وتن و تێکگه‌یشتن له‌گه‌ڵ به‌غدا ئه‌نجامی باشی هه‌یه‌، حكوومه‌تی هه‌رێمی كوردستان ئامانجی بوو گرفته‌كان له‌گه‌ڵ به‌غدا چاره‌ بكات، بۆ ئه‌م مه‌به‌سته‌ چه‌ندین شاندی كوردستان چونه‌ته‌ به‌غدا و گفتوگۆیان كردووه‌.

 
بەرپرسی لقی یەکی پارتی بۆ KDP: بووینەتە ڕایەڵەیەکی گرنگی نێوان خەڵک و حکوومەت

SATURDAY, 25 MAY 2024 12:05:02

دھۆک-KDP.info- بەرپرسی لقی یەکی پارتی دیموکراتی کوردستان رایگەیاند، کابینەی نۆیەمی حکوومەتی ھەرێمی کوردستان بە سەرۆکایەتیی مەسروور بارزانی، خزمەتێکی گەورەی پارێزگای دھۆکی کردووە و دەشڵێ؛ ئێمە بووینەتە ڕایەڵەیەکی گرنگی پەیوەندیی نێوان خەڵک و حکوومەت بۆ گەیاندنی داواکارییەکانیان و حکوومەتیش داواکارییەکانی ئێمە زۆر بە باشی لەبەر چاو دەگرێت.

 
سەرۆک بارزانی پێشوازی لە شاندێکی وەزارەتی دەرەوەی قەتەر دەکات

SATURDAY, 25 MAY 2024 11:05:54

هەولێر-KDP.info- ڕۆژی شەممە 25ی ئایاری 2024 لە سەلاحەددین سەرۆک مەسعود بارزانی پێشوازی لە شاندێکی وەزارەتی دەرەوەی قەتەر کرد کە پێکهاتبوو لە بەڕێز ئەحمەد بن حەسەن ئەلحمادی ئەمینداری گشتیی وەزارەتی دەرەوەی قەتەر و بەڕێز سوڵتان بن موبارەک ئەلکوبەیسی باڵیۆزی قەتەر لە عێراق و بەڕێز حوسێن بن علی ئەلفەزالە کونسوڵی گشتیی قەتەر لە هەولێر.

 
ئەمڕۆ فوئاد حوسێن سێ پارچەی گرانبەهای شوێنەواری عێراقی وەرگرتەوە

FRIDAY, 24 MAY 2024 22:05:09

سویسرا-KDP.info- وەزیری ناوخۆی سویسرا سێ پارچەی شوێنەواری عێراقی رادەستی وەزیری دەرەوەی عێراق کردەوە. وەزارەتەکە دەڵێت: "گومان دەکەین بە رێگەیەکی نایاسایی لە عێراق برابێتنە دەرەوە." 

 


 
© 2023 Kurdistan Democratic Party, KDP

Contact