دھۆک -KDP.info- بە ئامادەبوونی پارێزگاری دهۆک د.عەلی تەتەر و د.نەوزاد عەبدوڵڵا بەرپرسی لقی ١ی پارتی و چەندین بەڕێوەبەری حکوومەت بەردی بناغە بۆ کەناڵێکی کراوە بەمەبەستی ڕاکێشانی ئاو لە ڕووباری دیجلە و بەنداوی مووسڵ بۆ بەنداوی دھۆک بە گوژمەی یەک ملیار و ٧٩ ملیۆن دینار دانرا.
لە وتەیەکدا د.عەلی تەتەر پارێزگاری دھۆک ڕایگەیاند: پڕۆژەکە لەسەر پێشنیازی سەرۆکی حکوومەتی ھەرێمی کوردستان جێبەجێ دەکرێت و پڕۆژەیەکی فراوان و گرینگە، پێشتر زیاتر لە ٢٦ ملیار دیناری بۆ خەرج کراوە، ئەوەش بۆ گواستنەوەی ئاو لە ڕووباری دیجلە و بەنداوی مووسڵ بۆ شاری دھۆک، کە لە توانای دایە دوو ھەزار مەتر سێجا ئاو لە یەک کاتژمێردا بگوازێتەوە.
د.عەلی تەتەر گوتیشی: ئەو پڕۆژەیە لە چەند حەفتەی داھاتوو دەکەوێتە کار و لەسەری چیا تا بەنداوەکە بە دیزاینێکی جوان ئامادەکراوە، سوودێکی زۆریشی بۆ کەرتی گەشتوگوزاری ھەیە بۆ ڕاکێشانی گەشتیار بۆ شاری دھۆک.
قائید میرۆ