Kurdî  ■  كوردی  ■  عربي
SAT, 25 MAY 2024 16:44 Erbil, GMT +3
پارتی دیموکراتی کوردستان
ئازادی . دیموکراسی . دادپەروەری
 

بەمنزیکانە سەرۆکی هەرێمی کوردستان سەردانی بەغدا دەکات
| KDP.info


ھەولێر-KDP.info- سەرۆکی هەرێمی کوردستان بۆ بەشداری لە کۆبوونەوەیەکی هاوپەیمانی بەڕێوەبردنی دەوڵەت دەچێتە بەغدا. گوتەبێژی سەرۆکایەتیی هەرێمی کوردستانیش دەڵێت، لە کۆبوونەوەکەی هاوپەیمانی بەڕێوەبردنی دەوڵەت چەند پرسێک تاوتوێ دەکرێن، لەنێویشیاندا بەشداریی پێکهاتەکانی هەرێمی کوردستان لە هەڵبژاردنی پەرلەماندا.

ئەمڕۆ چوارشەممە، 24-04-2024، دڵشاد شەهاب، گوتەبێژی سەرۆکایەتیی هەرێمی کوردستان لە لێداونێکی ڕۆژنامەوانیدا ڕایگەیاند، "بەمنزیکانە" نێچیرڤان بارزانی، سەرۆکی هەرێمی کوردستان بۆ بەشداری لە کۆبوونەوەیەکی هاوپەیمانی بەڕێوەبردنی دەوڵەت سەردانی بەغدا دەکات.

بە گوتەی دڵشاد شەهاب لە کۆبوونەوەکەی هاوپەیمانی بەڕێوەبردنی دەوڵەت چەند پرسێک تاوتوێ دەکرێن، لەنێویشیاندا بەشداریی پێکهاتەکانی هەرێمی کوردستان لە هەڵبژاردنی پەرلەماندا. ئەو گوتی، "سەرۆکی هەرێمی کوردستان بە هەموو توانایەکییەوە کار بۆ بەشداریی پێکهاتەکان لە هەڵبژاردنی پەرلەمانی کوردستان دەکات".

وەکو ئەوەی گوتەبێژی سەرۆکایەتیی هەرێمی کوردستان ئاماژەی پێ دا، بەشداریی پێکهاتەکان لە پڕۆسەی سیاسیی هەرێمی کوردستان، "بەشدارییەکی کاریگەر و کارایە و تابلۆیەکی جوانی هەرێمی کوردستانە. سەرۆکی هەرێمی کوردستان بە هەموو توانایەکییەوە هەوڵی پاراستنی ئەو تابلۆیە جوانە دەدات".

لە وەڵامی پرسیاری ئەوەی "هەڵبژاردنی پەرلەمانی کوردستان لە کاتی خۆیدا دەکرێت؟" دڵشاد شەهاب گوتی، "ئێستا هەوڵی جیددی هەن و جموجوڵەکان بەو ئاراستەیەن کە هەڵبژاردنی پەرلەمانی کوردستان بکرێت، چونکە پڕۆسەی هەڵبژاردن شتێک نییە تەنها بە ژمارەیەک بڕیار دەربچێت، دەبێت زەمینەسازی بۆ بکرێت. چەند لایەنێک تێیدا بەشدارن، لایەنی سەرەکی هاووڵاتییە و مافی دەستووریی خۆیەتی. کارەکتەری سەرەکیش، لایەنە سیاسییەکانن، بۆیە دەبێت ئەم زەمینەسازییە ڕەنگ بداتەوە".

گوتەبێژی سەرۆکایەتیی هەرێمی کوردستان گوتیشی، "ئێستا کاتی هاتووە، ناکۆکییەکان بەلاوە بنێین و بوونی پەرلەمانێک کە نوێنەرایەتیی ڕاستەقینەی سەرجەم چین و توێژەکانی گەلی کوردستان بکات، ئامانجی هەمووان بێت".




دوایین هەواڵەکان

بەرپرسی لقی یەکی پارتی بۆ KDP: بووینەتە ڕایەڵەیەکی گرنگی نێوان خەڵک و حکوومەت

SATURDAY, 25 MAY 2024 12:05:02

دھۆک-KDP.info- بەرپرسی لقی یەکی پارتی دیموکراتی کوردستان رایگەیاند، کابینەی نۆیەمی حکوومەتی ھەرێمی کوردستان بە سەرۆکایەتیی مەسروور بارزانی، خزمەتێکی گەورەی پارێزگای دھۆکی کردووە و دەشڵێ؛ ئێمە بووینەتە ڕایەڵەیەکی گرنگی پەیوەندیی نێوان خەڵک و حکوومەت بۆ گەیاندنی داواکارییەکانیان و حکوومەتیش داواکارییەکانی ئێمە زۆر بە باشی لەبەر چاو دەگرێت.

 
سەرۆک بارزانی پێشوازی لە شاندێکی وەزارەتی دەرەوەی قەتەر دەکات

SATURDAY, 25 MAY 2024 11:05:54

هەولێر-KDP.info- ڕۆژی شەممە 25ی ئایاری 2024 لە سەلاحەددین سەرۆک مەسعود بارزانی پێشوازی لە شاندێکی وەزارەتی دەرەوەی قەتەر کرد کە پێکهاتبوو لە بەڕێز ئەحمەد بن حەسەن ئەلحمادی ئەمینداری گشتیی وەزارەتی دەرەوەی قەتەر و بەڕێز سوڵتان بن موبارەک ئەلکوبەیسی باڵیۆزی قەتەر لە عێراق و بەڕێز حوسێن بن علی ئەلفەزالە کونسوڵی گشتیی قەتەر لە هەولێر.

 
ئەمڕۆ فوئاد حوسێن سێ پارچەی گرانبەهای شوێنەواری عێراقی وەرگرتەوە

FRIDAY, 24 MAY 2024 22:05:09

سویسرا-KDP.info- وەزیری ناوخۆی سویسرا سێ پارچەی شوێنەواری عێراقی رادەستی وەزیری دەرەوەی عێراق کردەوە. وەزارەتەکە دەڵێت: "گومان دەکەین بە رێگەیەکی نایاسایی لە عێراق برابێتنە دەرەوە." 

 
سه‌رۆکی هه‌رێمی کوردستان گه‌ڕایه‌وه‌ هه‌رێمی کوردستان

FRIDAY, 24 MAY 2024 22:05:18

هه‌ولێر-KDP.info- ئێواره‌ی ئه‌مڕۆ هه‌ینی ٢٠٢٤/٥/٢٤ به‌ڕێز نێچیرڤان بارزانی، سه‌رۆکی هه‌رێمی کوردستان، دوای ته‌واوبوونی به‌رنامه‌ی سه‌ردانه‌ فه‌رمییه‌که‌ی بۆ ئیمارات و کۆبوونه‌وه‌ی له‌گه‌ڵ سه‌رۆکی ئیمارات به‌ڕێز شێخ محه‌مه‌د بن زاید ئال نه‌هیان له‌ ئه‌بو زه‌بی، گه‌ڕایه‌وه‌ هه‌ولێر.

 

لیوا عەبدولخالق بۆ KDP: بازگەکانی کەرکووک ڕادەستی ھێزەکانی پۆلیس کران

FRIDAY, 24 MAY 2024 22:05:14

کەرکووک-KDP.info- نوێنەری حکوومەتی ھەرێمی کوردستان لە فەرماندەی ئۆپەراسیۆنی ھاوبەشی عێراق  گوتی، بەبڕیاری سەرۆکوەزیرانی عێراق دەست بە جێبەجێکردنی پلانی ڕادەستکردنی ئەمنیەتی بازگەکان بە ھێزەکانی پۆلیس کرا و لە دەست سوپا نەماوە.

 


 
© 2023 Kurdistan Democratic Party, KDP

Contact