Kurdî  ■  كوردی  ■  عربي
SAT, 25 MAY 2024 22:46 Erbil, GMT +3
پارتی دیموکراتی کوردستان
ئازادی . دیموکراسی . دادپەروەری
 

دڵنیاین بڕیاری دیکەش لەلایەن سەرۆکی حکوومەتەوە لە بەرژەوەندی ھاووڵاتیان دەدرێت
| KDP.info


دھۆک-KDP.info- پسپۆرێکی ئابووری پێی وایە، بڕیارەکانی سەرۆکی حکوومەتی ھەرێمی کوردستان بۆ کەمکردنەوەی باج و داشکاندنی قەرزی حکوومەت لای ھاووڵاتیان سەقامگیری ئابووری و کۆمەڵایەتی پەیداکردووە دەشڵێ، لە داھاتوودا بڕیاری دیکەش لە بەرژەوەندی ھاووڵاتیان دەدرێت.

دکتۆر کاوە عەبدولعەزیز، پسپۆری ئابووری، بە ماڵپەڕی فەرمیی پارتی دیموکراتی کوردستانی ڕاگەیاند: "کاریگەری بڕیارەکانی ئەم دواییەی سەرۆکی حکوومەت زۆر ئەرێنی بوون لەسەر گەشەکردنی بازاڕەکانی ھەرێمی کورستان و جووڵەی خستووەتە بازاڕ، چونکە ئەو بڕیارانەی دراون لەلایەن سەرۆکی حکوومەت ئاشکرایە بۆ ئەوەیە ئەو قەیرانەی ڕووی لە خەڵکی کوردستان کردووە کەم بکرێتەوە، بەتایبەتی بابەتی داشکاندن و لێخۆشبوون لە ھێنانی ئاژەڵ و کرێی ئاو و کارەبا و کەمکردنەوەی باج لەسەر ھەندێک کەلووپەل و پیشەکان ئەوانە ھەموو ئەو خاڵانەن لە بەرژەوەندی خەڵک و بازاڕی ھەرێمی کوردستان".

ئەو پسپۆرەی ئابووری دەشڵێت: "دابەشکردنی بەشێک لە شایستە داراییەکانیش کاریگەریان لەسەر بازاڕ ھەبووە و ڕاستە فەرمانبەر سوودمەندی سەرەکیە لە دابەشکردنی مووچە، بەڵام جووڵەی لە بازاڕ پەیداکردووە و کاریگەری لەسەر ھەموو کەرتەکان ھەبووە، ھەتا دەتوانم بڵێم بڕیارەکانی سەرۆکی حکوومەت سەقامگیری ئابووری و کۆمەڵایەتی و دەروونیشی پەیداکردووە لەناو ھاووڵاتیانی ھەرێمی کوردستان".

دکتۆر کاوە ئاماژەی بۆ ئەوەکرد: "حکوومەتی ھەرێم ھاووڵاتی کردووەتە سەنتەر و ئێمە دڵنیاین لە داھاتوو بڕیاری دیکەش لەلایەن مەسروور بارزانی لە بەرژەوەندی ھاووڵاتیان بدرێن، بەپێی بەرنامەکانی حکوومەت تا ئەو قەیرانە دەستکردەی بۆ ھەرێمی کوردستان دروستکراوە بەرەو چارەسەر بچێت ڕەنگدانەوەی لەناو خەڵکدا دەبێت، حکوومەت بۆ خزمەتی خەڵک دروست کراوە و لە داھاتوو ھەنگاوی باشتر و پڕۆژەی ستراتیژی و گەڕانەوەی پێشینەکانیش دەگەڕێنەوە ئەگەر ڕەوشی ئابووری ھاوکاربێت".

 

قائید میرۆ




دوایین هەواڵەکان

بەیاننامەیەک لە مەکتەبی سیاسی پارتی دیموکراتی کوردستانەوە

SATURDAY, 25 MAY 2024 20:05:58

ھەولێر-KDP.info- بەبۆنەی ٤٨مین ساڵوەگەڕی بەرپابوونی شۆڕشی گوڵانی پێشکەوتنخواز، مەکتەبی سیاسیی پارتی دیموکراتی کوردستان بەیاننامەیەکی بڵاوکردەوە.

 
هەڵگیرسانی شۆڕشی گوڵان بەرز ڕاگیرا

SATURDAY, 25 MAY 2024 19:05:31

دهۆک -KDP.info- ئەمڕۆ بەبۆنەی 48مین ساڵوەگەڕی بەرپابوونی شۆڕشی گوڵانی پێشکەوتنخواز چەندین چالاکی بەڕێوەچوون و باس لە قۆناغی دەسپێکردنی شۆڕش کرا.

 
دەست بە دروستکردنی نەخۆشخانەی ١٠٠ تەختی باشیک کرا

SATURDAY, 25 MAY 2024 19:05:49

باشیک -KDP.info- ئەندامی ئەنجوومەنی پارێزگای مووسڵ لە فراکسیۆنی پارتی دیموکراتی کوردستان گوتی: دوای ھەوڵێکی زۆر، بە گوژمەی ٧٧ ملیار دینار دەست بە دروستکردنی نەخۆشخانەی ١٠٠ تەختی باشیک کرا.

 
پرسەنامەیەک لە سەرۆکوەزیرانی ھەرێمەوە

SATURDAY, 25 MAY 2024 18:05:25

ھەولێر-KDP.info-  بۆ كۆچی دوایی خوالێخۆشبوو (حەسەن مستەفا محیەدین)، مه‌سروور بارزانی سه‌رۆكوه‌زیرانی هه‌رێمی كوردستان، پرسه‌نامه‌یه‌كی بڵاوكرده‌وه‌ کە ئەمە دەقەکەیتی:

 
سەردانەکانی شاندی هەرێم بۆ بەغدا ئەنجامی باشی هەیە

SATURDAY, 25 MAY 2024 18:05:25

بەغدا-KDP.info-  هه‌وڵه‌كانی هه‌رێمی كوردستان به‌ئاراسته‌ی ڕێکكه‌وتن و تێکگه‌یشتن له‌گه‌ڵ به‌غدا ئه‌نجامی باشی هه‌یه‌، حكوومه‌تی هه‌رێمی كوردستان ئامانجی بوو گرفته‌كان له‌گه‌ڵ به‌غدا چاره‌ بكات، بۆ ئه‌م مه‌به‌سته‌ چه‌ندین شاندی كوردستان چونه‌ته‌ به‌غدا و گفتوگۆیان كردووه‌.

 


 
© 2023 Kurdistan Democratic Party, KDP

Contact