Kurdî  ■  كوردی  ■  عربي
SAT, 25 MAY 2024 17:32 Erbil, GMT +3
پارتی دیموکراتی کوردستان
ئازادی . دیموکراسی . دادپەروەری
 

پێگەی ھەرێمی کوردستان لە کۆبوونەوە و دانوستانەکاندا
| KDP.info


ھۆشیار سیوەیلی

بۆ یەکەمین جار سەرۆکوەزیرانی عێراق سەردانی واشینتۆنی کردوو لەگەڵ سەرۆک بایدن و گەورە بەرپرسانی ویلایەتە یەکگرتوەکان کۆبووەوە، ئەمە سەردانێکی گرنگەو وەک ھەردوولا دووپاتیان کردۆتەوە لەو دیدارانەدا باسی پەیوەندییەکانی ٣٦٠ پلەی دەکەن لە ھەموو ئەو کەرت و بوارانەی لە ڕێککەوتننامەی چوارچێوەی ستراتیژی نێوانیاندا جێگیرکراون، بەپێچەوانەی چاوەڕوانییەکان گفتوگۆ و دانوستاندن دەربارەی پەیوەندییەکان لە ڕووی سەربازی و ئاسایش نەکراوە و ئەم بابەتە لە کۆمیتەی باڵای سەربازیدا باسدەکرێ و بڕیاری پێویستیان لە بارەوە دەدرێت.

لە کۆبوونەوەکاندا ھەرێمی کوردستان و پەیوەندییەکانی نێوان ھەولێر و بەغدا بە بایەخەوە باسکراون و ئەمەش لە بەیاننامە ھاوبەشەکاندا گرنگی و بایەخێکی زۆری پێدراوە. لێرەدا ئاماژە بە ھەردوو بەیاننامەی ھاوبەش دەدەین کە دوای کۆبوونەوەکانی سەرۆکوەزیران لەگەڵ سەرۆکی ئەمەریکا و وەزیری بەرگری ئەمەریکا بڵاوکرانەوە، بەیاننامەی ھاوبەش دوای کۆبوونەوەی سەرۆک بایدن و سەرۆکوەزیران محەممەد شیاع سودانی:

• سەرۆکوەزیران سوودانی و سەرۆک بایدن پێداگربوون لەسەر گرنگی دڵنیابوون لە ھەناردەکردنی نەوتی عێرق بۆ بازارەکانی جیھان و ویستی خۆیان دەربڕی بۆ وەگەڕخستنەوەی بۆری نەوتی نێوان عێراق و تورکیا.

• سەرۆک بایدن و سەرۆکوەزیران سوودانی باسی تێڕوانینی ھاوبەشی خۆیان کرد کە ھەرێمی کوردستانی عێراق بەشێکی دانەبڕاوە لە خۆشگوزەرانی و سەقامگیریی گشتی عێراق، لەو ڕوانگەیەوە، سەرۆک بایدن دەستخۆشی لە ھەوڵەکانی سەرۆکوەزیران و حکوومەتی ھەرێمی کوردستان کرد بۆ گەیشتن بە ڕێککەوتنی بەردەوام کە چارەسەری ئاستەنگە درێژخایەنەکان بکات، لەوانەش، ڕێککەوتنی ئەم دواییە بۆ پێدانی مووچەی دوو مانگی فەرمانبەرانی ھەرێمی کوردستان و ھەردوولا ھانی پێشکەوتنی بەردەوامیان دا، ھەروەھا سەرۆک پشتگیریی ئەمەریکای بۆ بەھێزکردنی دیموکراسی لە عێراق دووپاتکردەوە، لە نێویاندا، ھەڵبژاردنی ئازاد و دادپەروەر و شەفاف لە ھەرێمی کوردستانی عێراق.

• نزیکەی دە ساڵ دوای پێکھێنانی ھاوپەیمانی نێودەوڵەتی بۆ تێشکاندنی داعش، ھەردوو سەرکردە باسی سەرکەوتنی ھاوپەیمانێتییەکەیان کرد لە عێراق و سووریا، کە ڕۆڵی ھەموو ھێزە ئەمنییەکانی عێراق، لە ناویاندا ھێزەکانی کوردستان گرنگ بوون بۆ تێشکاندنی داعش.

بەیاننامەی ھاوبەش دوای کۆبوونەوەی لۆید ئۆستین و سەرۆکوەزیران محەممەد شیاع سودانی:

جگە لە کۆبوونەوەی سەرۆکوەزیرانی عێراق لەگەڵ سەرۆک بایدن، چەندین کۆبوونەوەی تری ئەنجامداوە لەگەڵ وەزیری دەرەوە و وەزیری بەرگری و وەزارەتی دارایی و بڕیارە تا ١٩ی ئەم مانگە دیدار و کۆبوونەوەکان بەردەوام بن، لە دوای کۆبوونەوەی نێوان بەڕێز محەممەد شیاع سوودانی و لۆید ئۆستین بەیاننامەیەکی ھاوبەشیان بڵاوکردەوە، لەو بەیاننامەیەشدا بە ڕوونی پشتگیریی ھەرێمی کوردستان کراوە:

• وەزیری دەرەوە و سەرۆکوەزیران باسی ئەنجامدانی نوێکارییان کرد لە ھێزەکانی بەرگری عێراق لەناویشیاندا ھێزەکانی پێشمەرگە و پتەوکردنی تواناکانیان.

• وەزیری دەرەوە و سەرۆکوەزیران تیشکیان خستە سەر ھەوڵە بەردەوامەکان لە نێوان وەزارەتی بەرگری ئەمەریکا و وەزارەتی بەرگری عێراق بۆ پاراستنی چەندین شوێنی سەرەکی لەسەرتاسەری عێراقدا و لە ھەرێمی کوردستانیشدا لە ھەڕەشە ئاسمانییەکان. 

دەربارەی ڕۆڵی داھاتووی ھێزەکانی ھاوپەیمانان و پەیوەندی سەربازی و ئەمنی نێوان ئەمەریکا و عێراق، لە بەیاننامەی ھاوبەشی نێوان سەرۆک بایدن و سەرۆکوەزیران سوودانیدا ھاتووە:

• پابەندیی ھەردوولا بە پرۆسە و ئەنجامەکانی گفتوگۆکانی کۆمیتەی باڵای سەربازی (HMC) نێوانیان.

• ھەردوولا پابەندیی خۆیان دووپاتکردەوە دەربارەی بڕیار و ئەنجامەکانی ھەر سێ گرووپی کاری نێوانیان کە ھەڵدەستن بە ھەڵسەنگاندنی:

• ھەڕەشە بەردەوامەکانی داعش

• پێداویستییە ژینگەیی و ئۆپەراسیۆنییەکان

• بەھێزکردنی توانای ھێزە ئەمنییەکانی عێراق

• ھەردوو سەرکردە دوپاتیانکردەوە کە پێداچوونەوە بۆ ئەم فاکتەرانەی سەرەوە دەکەن بۆ ئەوەی ئەوە دیاری بکەن کە کەی و چۆن ئەرکی ھاوپەیمانیی نێودەوڵەتی دژی داعش کۆتایی دێت و چۆنییەتی گواستنەوە بە شێوەیەکی ڕێکخراو بۆ ھاوبەشێتی درێژخایەنی دوو لایەنی ئەمنی بە پێی دەستووری عێراق و ڕێککەتننامەی چوارچێوەی ستراتیژی نێوان ئەمەریکا و عێراق.

• ھەردوو سەرکردە ویستی خۆیان دووپاتکردەوە کە کۆتایی ئەمساڵ دایەلۆگی ھاوکاری ئەمنی نێوان ھەردوولا دەستپێبکاتەوە بۆ گفتوگۆکردن لەسەر داھاتووی شەراکەتی ئەمنی دووقۆڵی نێوانیان.

جگە لەم کۆمیتە و میکانیزمانەی پەیوەندیکردن و گفتوگۆکردن لە نێوان ھەردوولادا (کۆمیتەی باڵای ھاوئاھەنگی) لە نێوان ھەردوولادا ھەیە کە ھاوسەرۆکەکانی بریتین لە وەزیری دەرەوەی ئەمەریکا و وەزیری پلاندانانی عێراق، ھەردوو سەرکردە بڕیاریانداوە کە کۆبوونەوەکان بەردەوام بن لە پێناوی گەڵاڵەکردنی دیدێکی ھاوبەش بۆ ھاوبەشییەکی گشتگیر و بەرھەمدار بۆ جێبەجێکردنی ئامانجە ھاوبەشەکانی نێوان ھەردوو وڵات.




دوایین هەواڵەکان

بەرپرسی لقی یەکی پارتی بۆ KDP: بووینەتە ڕایەڵەیەکی گرنگی نێوان خەڵک و حکوومەت

SATURDAY, 25 MAY 2024 12:05:02

دھۆک-KDP.info- بەرپرسی لقی یەکی پارتی دیموکراتی کوردستان رایگەیاند، کابینەی نۆیەمی حکوومەتی ھەرێمی کوردستان بە سەرۆکایەتیی مەسروور بارزانی، خزمەتێکی گەورەی پارێزگای دھۆکی کردووە و دەشڵێ؛ ئێمە بووینەتە ڕایەڵەیەکی گرنگی پەیوەندیی نێوان خەڵک و حکوومەت بۆ گەیاندنی داواکارییەکانیان و حکوومەتیش داواکارییەکانی ئێمە زۆر بە باشی لەبەر چاو دەگرێت.

 
سەرۆک بارزانی پێشوازی لە شاندێکی وەزارەتی دەرەوەی قەتەر دەکات

SATURDAY, 25 MAY 2024 11:05:54

هەولێر-KDP.info- ڕۆژی شەممە 25ی ئایاری 2024 لە سەلاحەددین سەرۆک مەسعود بارزانی پێشوازی لە شاندێکی وەزارەتی دەرەوەی قەتەر کرد کە پێکهاتبوو لە بەڕێز ئەحمەد بن حەسەن ئەلحمادی ئەمینداری گشتیی وەزارەتی دەرەوەی قەتەر و بەڕێز سوڵتان بن موبارەک ئەلکوبەیسی باڵیۆزی قەتەر لە عێراق و بەڕێز حوسێن بن علی ئەلفەزالە کونسوڵی گشتیی قەتەر لە هەولێر.

 
ئەمڕۆ فوئاد حوسێن سێ پارچەی گرانبەهای شوێنەواری عێراقی وەرگرتەوە

FRIDAY, 24 MAY 2024 22:05:09

سویسرا-KDP.info- وەزیری ناوخۆی سویسرا سێ پارچەی شوێنەواری عێراقی رادەستی وەزیری دەرەوەی عێراق کردەوە. وەزارەتەکە دەڵێت: "گومان دەکەین بە رێگەیەکی نایاسایی لە عێراق برابێتنە دەرەوە." 

 
سه‌رۆکی هه‌رێمی کوردستان گه‌ڕایه‌وه‌ هه‌رێمی کوردستان

FRIDAY, 24 MAY 2024 22:05:18

هه‌ولێر-KDP.info- ئێواره‌ی ئه‌مڕۆ هه‌ینی ٢٠٢٤/٥/٢٤ به‌ڕێز نێچیرڤان بارزانی، سه‌رۆکی هه‌رێمی کوردستان، دوای ته‌واوبوونی به‌رنامه‌ی سه‌ردانه‌ فه‌رمییه‌که‌ی بۆ ئیمارات و کۆبوونه‌وه‌ی له‌گه‌ڵ سه‌رۆکی ئیمارات به‌ڕێز شێخ محه‌مه‌د بن زاید ئال نه‌هیان له‌ ئه‌بو زه‌بی، گه‌ڕایه‌وه‌ هه‌ولێر.

 

لیوا عەبدولخالق بۆ KDP: بازگەکانی کەرکووک ڕادەستی ھێزەکانی پۆلیس کران

FRIDAY, 24 MAY 2024 22:05:14

کەرکووک-KDP.info- نوێنەری حکوومەتی ھەرێمی کوردستان لە فەرماندەی ئۆپەراسیۆنی ھاوبەشی عێراق  گوتی، بەبڕیاری سەرۆکوەزیرانی عێراق دەست بە جێبەجێکردنی پلانی ڕادەستکردنی ئەمنیەتی بازگەکان بە ھێزەکانی پۆلیس کرا و لە دەست سوپا نەماوە.

 


 
© 2023 Kurdistan Democratic Party, KDP

Contact