Kurdî  ■  كوردی  ■  عربي
THU, 25 APR 2024 01:07 Erbil, GMT +3
پارتی دیموکراتی کوردستان
ئازادی . دیموکراسی . دادپەروەری
 

ململانێکە تەنیا ململانێی پارتی نییە لەگەڵ بەغدا
| KDP.info


ھۆشیار سیوەیلی

کە ئەڵێم بەغدا مەبەستم ئەو نووخبە سیاسییە باڵادەستەی بەغدایە کە چاوی بە خێر و خۆشی هەولێر هەڵنایە، مەبەستم لەو عەقڵیەت و بیرکردنەوانەیە کە هەموو سەرکەوتن و پێشکەوتن و خۆشگوزارانییەکی هەولێر بە شەوەزەنگی بەغدای پایتەخت دەزانن. بیرکردنەوەی ئەو نووخبەیە درێژکراوەی بیرکردنەوەی ئەوانەی پێشخۆیانن کە ناو و کردەوە و مێژووییان خزێنرانە ناو سەرنوێلکی مێژوو. ئەوانەی تەنیا بە ئەنفالکردنی کوردەوە نەوەستان و بەغدایان بە دەردێک برد کە ببێتە پایتەختی دزیی سەدە و لە یەک کاری تاڵانی و دزیدا نزیکەی دوو ملیارد و نیو دۆلار بە تاڵان ببرێت و تەنیا کەسێکی تاوانبار دەستگیر بکرێت و دواتر ئازاد بکرێت. ئەو عەقڵیەتەی لە ماوەی کەمتر لە پازدە ساڵدا عێراقی تووشی سێ جەنگی نێودەوڵەتی کرد و ملیۆنان کەسی بە کوشداو ماڵوێرانییەکی زۆری بۆ عێراق و عێراقییەکان هێنا. ئێستا ئەو عەقڵیەتەی ئەو نووخبە دەساڵاتدارەی بەغدا ئەجووڵێنێ دەیەوێت میلی کاتژمێرەکان بۆ سەردەمی ئەنفال و کیمیاباران بگێڕێتەوە و کوردستان کاول و گەلەکەی برسی بکات. ئاخر ئەگەرنییەتی کاولکردنی کوردستان و برسیکردن و سوککردنی تاکی کورد نەبێت بۆچی دەبێت بودجەیەک کە بە یاسا بۆ کوردستان تەرخانکراوە بکرێتە چەکی سیاسی و مەرام مەبەستی شۆڤێنی و سڕینەوەی کوردستانی پێ جێبەجێ بکرێت؟ ئاخر ئەوە ج لۆجێکێکە مانگانە نزیکەی یەک ملیارد دۆلار لە فرۆشتنی نەوتی کوردستان زیان لە خۆت بدەیت تەنیا بۆ ئەوەی کوردستان قازانج نەکات؟ لەم جەنگە سیاسی و ئابووری و دەستوورییەدا بە تەنیا پارتی نەکراوەتە ئامانج بەڵکو هەموو گەلی کوردستان و داهاتووی ئەم هەرێمە ڕووبەڕووی هەڕەشەیەکی گەورەی وجودی کراوەتەوە. با بیرمان نەچێت ئەو نووخبە سیاسییەی بەغدا لە نێوان خۆایاندا لەسەر زۆر شت ناکۆکن و ناتەبان، بەڵام لە هەڵوێست و ڕەفتاری ناجوامێرانەیاندا بەرامبەر کوردستان و خواستە ڕەواکانی گەلی کوردستان هەموویان هاوڕان. با ئێمەش سەرەڕای جیاوازییە سیاسی و حیزبیەکانمان، بەرژەوەندی باڵای نەتەوە لەسەر سەکۆی پاراستنی ئەو بەرژوەندییە کۆمان بکاتەوە.




دوایین هەواڵەکان

وەزارەتی ناوخۆ ئاگادارییەك ئاراستەی ئەو ئەفسەر و كارمەندانە دەكات

THURSDAY, 25 APRIL 2024 00:04:55

ھەولێر-KDP.info- وەزارەتی ناوخۆی حكوومەتی هەرێمی كوردستان ئاگادارییەك ئاراستەی ئەو ئەفسەر و كارمەندانە دەكات كە بی مۆڵەتی خوێندن بڕوانامەیان بەدەست هیناوە و تاوەكوو ئێستا بۆیان هەژمار نەكراوە.

 
ھەرێمی کوردستان بەشداری لە دیداری ئەبوزەبی بۆ وەبەرھێنان دەکات

WEDNESDAY, 24 APRIL 2024 19:04:39

ھەولێر -KDP.info- دەستەی گشتی وەبەرھێنان بەشداری لە سێزدەمین دیداری وەبەرھێنان لە ئەبوزەبی دەکات و سەرۆکی دەستەی گشتی وەبەرھێنانیش دەڵێ، ھەرێمی کوردستان بۆ جاری یەکەمە بەشداری لە دیدارەکە دەکات.

 
ئەنجومەنی وەزیران: بەپێی یاسا بەرکارە فیدڕاڵییەکان، بەشی بەغدا لە داهاتی نانەوتی هەرێم دەخرێتە سەر هەژماری وەزارەتی دارایی فیدراڵ

WEDNESDAY, 24 APRIL 2024 19:04:56

ھەولێر-KDP.info-  ئەمڕۆ چوارشەممە 24ی نیسانی 2024، بە سەرپەرشتی سەرۆک وەزیران مەسرور بارزانی، ئەنجومەنی وەزیرانی هەرێمی کوردستان کۆبووەوە.

 
مەحموود محەممەد: وەک پارتی لەگەڵ سیستەمی هەڵبژاردن و ڕێگریی لە بەشداریی پێکهاتەکان، کۆک نەبووین

WEDNESDAY, 24 APRIL 2024 18:04:37

مەحموود محەممەد: وەک پارتی لەگەڵ سیستەمی هەڵبژاردن و ڕێگریی لە بەشداریی پێکهاتەکان، کۆک نەبووین

 
راوێژکارێکی دەستەی ناوچە کوردستانییەکان: ھەڵبژاردنی ئەنجوومەنی پارێزگاکان کاریگەری ھەبووە"

WEDNESDAY, 24 APRIL 2024 17:04:54

ھەولێر-KDP.info- دوای ھەڵبژاردنی ئەنجوومەنی پارێزگاکان کرانەوەیەک ھەیە لەنێوان ھەرێم و بەغدا بۆ چارەسەرکردنی کێشەکانی ناوچە کوردستانییەکانی دەرەوەی ئیدارەی حکوومەتی ھەرێم و دەنگەکانی کورد لە کەرکووک و نەینەوا و خانەقین گۆڕانکاریان پەیداکردوە. 

 


 
© 2023 Kurdistan Democratic Party, KDP

Contact