Kurdî  ■  كوردی  ■  عربي
THU, 25 APR 2024 02:15 Erbil, GMT +3
پارتی دیموکراتی کوردستان
ئازادی . دیموکراسی . دادپەروەری
 

زوڵمە گەورەکە بەردەوامە
| KDP.info


ھۆشیار سیوەیلی

دوو ڕۆژ لەمەوبەر ساڵێک تێپەڕی بەسەر ڕاگرتنی ھەناردەکردنی نەوتی کوردستان، بەمەش ئەو زوڵمە ئابوورییە گەورەیەی لە خەڵکی کوردستان دەکرێت پێی نایە ساڵی دووەم، بەپێی ڕاگەیاندراوێکی ڕێکخراوی پیشەسازی نەوتی کوردستان (ئەپیکۆر)، لە ماوەی ئەم ساڵەدا پیشەسازی نەوت زیاتر لە ١١ ملیار دۆلار زیانی بەرکەوتووە و بەپێی ڕاگەیاندراوێکی وەزارەتی نەوتی عێراق کە دوو ڕۆژ لەمەوبەر بڵاوکرایەوە، ھیچ ئاسۆیەکی ڕێککەوتن بۆ ھەناردەکردنەوەی نەوت بەدی ناکرێت.

ھەرچەندە حکوومەتی عێراق چەندین پاساوی بێ بنەما دەھێنێتەوە بۆ دەست پێنەکردنەوەی ھەناردەکردن، بەڵام بۆ خۆشیان و دنیاش دەزانێت ھۆکارەکان سیاسین و بەشێکن لەو ئابلوقە ئابوورییەی خستویانەتە سەر ھەرێمی کوردستان، ئەم جەنگە درێژکراوەی ھەموو جەنگەکانی ترە کە لە ماوەی ئەم سەد ساڵەدا ھەمان ئەو عەقڵیەتە شۆڤێنییە بەسەر کوردستانیاندا سەپاندووە.

ئەوان زۆر باش دەزانن بە بەشێکی زۆر کەمی ئەو یازدە ملیار دۆلارە دەیانتوانی کۆمپانیاکانی نەوت ڕازی کەن و ئەوەشی دەمێنێتەوە بوودجەی ھەرێمی لێبدەن، ئەمەیان نەکرد چونکە ئەوان زۆر باش دەزانن چی دەکەن، دەیانەوێت ژێرخانی پیشەسازی نەوت و غاز لە ھەرێمی کوردستان بڕوخێنن و کۆمپانیا بیانییەکان ناچار بکەن ئەم ھەرێمە بەجێبھێڵن، ئەوان باشتر تێگەیشتوون کە پێشککەوتن و پەرەپێدانی کەرتی نەوت و غاز پێگەی ھەرێم لە سەر شانۆی ئابووری و سیاسی نێودەوڵەتی بەھێز دەکات و بنەمای ئابووری سەربەخۆ پتەو دەکات و دەبێتە ھۆی بوژانەوە و گەشەسەندنی ئابووری کوردستان و چیتر سامانی نەوت بۆ وێرانکردنی کوردستان بەکارناھێنرێت، ڕەنگە گرێبەستەکانی نەوت بێ کەموکوڕی نەبن، بەڵام دەبێت ئەمە لەبەر ڕۆشنایی ئەو ڕیسکە سەیر بکرێت کە کۆمپانیاکان کردوویانە، دوای ساڵێک لە ڕاوەستانی ھەناردەی نەوتی ھەرێم زۆر باش ڕوون بۆوە کە چەندە ساویلکە بوون ئەوانەی دەیانوت ئەگەر ھەرێم نەوتەکە ڕادەستی سۆمۆ بکات کێشەی بوودجە و مووچە کۆتایی دێت و دنیا دەبێتە شامی شەریف، ئەوان لەبەر گەندەڵی ناتوانن شارەکانی تری عێراق بھێننە ئاستی پێشککەوتنی شارەکانی ھەرێم، بەڵکو دەیانەوێت شارەکانی ھەرێمی کوردستان بۆ ئاستی دواکەوتووی شارەکانی عێراق دابەزێنن.




دوایین هەواڵەکان

وەزارەتی ناوخۆ ئاگادارییەك ئاراستەی ئەو ئەفسەر و كارمەندانە دەكات

THURSDAY, 25 APRIL 2024 00:04:55

ھەولێر-KDP.info- وەزارەتی ناوخۆی حكوومەتی هەرێمی كوردستان ئاگادارییەك ئاراستەی ئەو ئەفسەر و كارمەندانە دەكات كە بی مۆڵەتی خوێندن بڕوانامەیان بەدەست هیناوە و تاوەكوو ئێستا بۆیان هەژمار نەكراوە.

 
ھەرێمی کوردستان بەشداری لە دیداری ئەبوزەبی بۆ وەبەرھێنان دەکات

WEDNESDAY, 24 APRIL 2024 19:04:39

ھەولێر -KDP.info- دەستەی گشتی وەبەرھێنان بەشداری لە سێزدەمین دیداری وەبەرھێنان لە ئەبوزەبی دەکات و سەرۆکی دەستەی گشتی وەبەرھێنانیش دەڵێ، ھەرێمی کوردستان بۆ جاری یەکەمە بەشداری لە دیدارەکە دەکات.

 
ئەنجومەنی وەزیران: بەپێی یاسا بەرکارە فیدڕاڵییەکان، بەشی بەغدا لە داهاتی نانەوتی هەرێم دەخرێتە سەر هەژماری وەزارەتی دارایی فیدراڵ

WEDNESDAY, 24 APRIL 2024 19:04:56

ھەولێر-KDP.info-  ئەمڕۆ چوارشەممە 24ی نیسانی 2024، بە سەرپەرشتی سەرۆک وەزیران مەسرور بارزانی، ئەنجومەنی وەزیرانی هەرێمی کوردستان کۆبووەوە.

 
مەحموود محەممەد: وەک پارتی لەگەڵ سیستەمی هەڵبژاردن و ڕێگریی لە بەشداریی پێکهاتەکان، کۆک نەبووین

WEDNESDAY, 24 APRIL 2024 18:04:37

مەحموود محەممەد: وەک پارتی لەگەڵ سیستەمی هەڵبژاردن و ڕێگریی لە بەشداریی پێکهاتەکان، کۆک نەبووین

 
راوێژکارێکی دەستەی ناوچە کوردستانییەکان: ھەڵبژاردنی ئەنجوومەنی پارێزگاکان کاریگەری ھەبووە"

WEDNESDAY, 24 APRIL 2024 17:04:54

ھەولێر-KDP.info- دوای ھەڵبژاردنی ئەنجوومەنی پارێزگاکان کرانەوەیەک ھەیە لەنێوان ھەرێم و بەغدا بۆ چارەسەرکردنی کێشەکانی ناوچە کوردستانییەکانی دەرەوەی ئیدارەی حکوومەتی ھەرێم و دەنگەکانی کورد لە کەرکووک و نەینەوا و خانەقین گۆڕانکاریان پەیداکردوە. 

 


 
© 2023 Kurdistan Democratic Party, KDP

Contact