Kurdî  ■  كوردی  ■  عربي
TUE, 14 JAN 2025 06:12 Erbil, GMT +3
پارتی دیموکراتی کوردستان
ئازادی . دیموکراسی . دادپەروەری
 

دادوەر عەبدولڕەحمان زێباری، لەبەر ئەو هۆكارانە كشانەوەی خۆم لە دادگای باڵای فیدڕاڵی رادەگەیەنم
| KDP.info


ھەولێر-KDP.info- ئەمڕۆ سێشەممە 12ی ئاداری 2024، دادوەر عەبدولڕەحمان زێباری، ئەندامی دادگای فیدڕاڵیی عێراق، بە فەرمی دەست لەكار كێشانەوەی خۆی لە دادگاكە ڕاگەیاند.

كەمێك لەمەوبەر لە پرێس كۆنفرانسێكدا، دادوەر عەبدولڕەحمان زێباری، ئەندامی دادگای فیدڕاڵی، بە فەرمی كشانەوەی خۆی لە دادگای فیدڕاڵی ڕاگەیاند. هاوكات ئاماژەی بەوە كرد كە لە سێ ساڵەی كاركردنیدا وەك ئەندامی دادگاكە و لە كاتێكدا كە زیاتر لە سی ساڵ خزمەتی لە بواری دادوەری هەیە، هەوڵی داوە لە میانی كاركردنی لە دادگاكەدا بنەماكانی سیستەمی دیموكراسی لە دادگاكەدا بچەسپێنێت.

جەختیشی كردەوە كە دەستووری عێراق دەقێكی پیرۆزە و هەموو لایەنە سیاسییەكان و گەلی عێراقیش بەشدارییان لە نووسینەوەی كردووە، كە كەم تا زۆر مافی بە پێكهاتەكان داوە و پابەندبوون بەو دەستوورە گەرەنتیی یەكپارچەیی عێراق بووە، ”من نوێنەری هەرێمی كوردستان بووم و هیوادار بووم بەرگریكاری هەرێمی كوردستان بم، بەڵام دوای سێ ساڵ لە كاركردنم، گەیشتوومەتە ئەو بڕوایەی كە بە بەردەوامبوونم لە دادگا ناتوانم ئەو كارە بكەم كە دەست بەكار بووم.“

هەر لەو پرێس كۆنفرانسەدا دادوەر عەبدولڕەحمان زێباری باسی لە چەند خاڵێك كرد بەم شێوەیە:

یەكەم: لە میانی كاركردنم وەك دادوەر، هەستم بە گەڕانەوە بۆ سیستەمی مەركەزیەت لە بڕیارەكانی دادگای فیدڕاڵی كرد كە وڵات دەگەڕێنێتەوە بۆ مەركەزیەت. هەستم كرد دەسەڵاتی دەستووریی هەرێمەكان كەم دەكرێتەوە.

دووەم: دادگای فیدڕاڵی لە هەموو سیستەمەكاندا هاوسەنگی لە نێوان دەسەڵاتی ناوەند و دەسەڵاتی هەرێمەكان دەپارێزێت، بۆیە دادگاكە بە ناوی فیدڕاڵی ناوی لێندراوە و لە دەستووردا كۆمەڵێك ماددەی بۆ تەرخان كراوە، لە نێویشیاندا ماددەی ١١٩. بۆیە پێویستە دادگای فیدڕاڵی زیاتر دەسەڵاتی هەرێمەكان بپارێزێت نەك دەسەڵاتی ناوەند. بەڵام بەداخەوە لە دادگای فیدڕاڵی پێچەوانەكەیم بینی.

سێیەم: دەستووری هەمیشەیی عێراق یەكێكە لەو دەستوورانەی كە پێویستی بەوە هەیە كە ئەگەر هەموار بكرێتەوە، كۆمەڵێك ڕێكاری پێویستە. لەو دەستوورەدا مافەكانی پێكهاتەكان جێگە كراوەتەوە، بەڵام هەستم كردووە كە بڕیارەكانی دادگای فیدڕاڵی ئاراستەیەكە بەرەو هەمواركردنەوەی دەستوور.

چوارەم: لەبەر ئەوەی یاسای دادگای فیدڕاڵی بەپێی ماددە ٩٢ی دەستوور دەرنەچووە، ئەو دادگایەی ئێستای عێراق بەپێی یاسایەكەوە دروستكراوە كە پێش نووسینەوەی دەستوور دەركراوە، تەنیا دوو نوێنەری بۆ هەرێمی كوردستان لەو دادگایە هەبوون، بەڵام لەبەر ئەوەی بڕیارەكان بە زۆرینە دەردەكران، بۆیە نەماندەتوانی كاریگەری لەسەر بڕیارەكان بكەین.

لە كۆتاییشدا رای گەیاند: ”من لەبەر هەموو ئەو هۆكارانە، لە ڕوانگەی هەستكردنم بە بەرپرسیارێتی بەرامبەر بە گەلی هەرێمی كوردستان بە تەواوی پێكهاتەكانیەوە و لەبەردەم دامەزراوەكانی و قەوارە دەستوورییەكەی، كشانەوەی خۆم لە ئەندامێتیی دادگای باڵای فیدڕاڵی رادەگەیەنم، چونكە بەهۆی ئەو هۆكارانەوە نەمتوانیوە ئەو ئامانجانەم وەدی بهێنم كە لەپێناویدا لە دادگاكە دەست بەكار بووم و بەهۆی گۆڕانی ئاراستەكانی دادگاكە.“

عەبدولڕەحمان سلێمان زێباری، لە دایكبووی ١٩٧٢ی دهۆكە، دكتۆرای لە یاسای دەستووری هەیە، لە ٢٠٢١ەوە ئەندامی دادگای باڵای فیدڕاڵیی عێراقە.




دوایین هەواڵەکان

دڵشاد شەھاب: لە بەغدا پەیامی هەرێمی کوردستان بۆ هەموو لایەنەکان ڕوونکراوەتەوە

TUESDAY, 14 JANUARY 2025 00:01:40

بەغدا-KDP.info- وتەبێژی سەرۆکایەتی هەرێمی کوردستان دەڵێت، لە بەغدا بۆ هەموو لایەنەکان ڕوونکراوەتەوە حکوومەتی هەرێمی کوردستان پابەندییەکانی بە شەفافییەتەوە جێبەجێ کردووە.

 
نوێنەری سەرۆك بارزانی لەگەڵ مەزڵوم عەبدی كۆبووەوە

MONDAY, 13 JANUARY 2025 23:01:28

سووریا-KDP.info- ئەمڕۆ دووشەممە لە پارێزگای حەسەكەی سووریا، نوێنەری سەرۆك بارزانی لەگەڵ فەرماندەی گشتی هێزەكانی سووریای دیموكرات (هەسەدە) كۆبووەوە.

 
سەرۆکی هەرێمی کوردستان لەگەڵ ئەمینداری گشتیی عەسائیبی ئەهلی حەق كۆبووه‌وه‌

MONDAY, 13 JANUARY 2025 23:01:27

بەغدا-KDP.info- هه‌ر له‌ به‌غدا ئێواره‌ى ئه‌مڕۆ دووشه‌ممه‌ 2025/1/13، نێچیرڤان بارزانی، سه‌رۆكى هه‌رێمى كوردستان، لەگەڵ قەیس ئه‌لخەزعەلی، ئەمینداری گشتیی عەسائیبی ئەهلی حەق، کۆبووەوە.

 

نێچیرڤان بارزانی له‌گه‌ڵ شێخ خەمیس خەنجەر کۆبووەوە

MONDAY, 13 JANUARY 2025 23:01:54

بەغدا-KDP.info- ئێوارەی ئەمڕۆ دووشەممە ٢٠٢٥/١/١٣ لە بەغدا نێچیرڤان بارزانی، سەرۆکی ھەرێمی کوردستان لەگەڵ شێخ خەمیس خەنجەر، سەرۆکی ھاوپەیمانیی سیادە، کۆبووەوە.

 
مەکتەبی سیاسیی پرسەنامەیەک ئاراستەی خانەوادەی (سەردار حاجی حوسێن کانی پانکەیی) دەکات

MONDAY, 13 JANUARY 2025 22:01:35

ھەولێر-KDP.info- مەکتەبی سیاسیی پارتی دیموکراتی کوردستان، بۆ کۆچی دوایی (سەردار حاجی حوسێن کانی پانکەیی)، پرسەنامەیەک ئاراستەی ھەڤاڵی بەڕێز (سۆران حاجی حوسێن) دەکات.

 



 
© 2023 Kurdistan Democratic Party, KDP

Contact