Kurdî  ■  كوردی  ■  عربي
WED, 21 FEB 2024 14:04 Erbil, GMT +3
پارتی دیموکراتی کوردستان
ئازادی . دیموکراسی . دادپەروەری
 

فازڵ میرانی پێشوازی لە کونسوڵی گشتی ئەڵمانیا لە ھەولێر کرد
| KDP.info


ھەولێر-KDP.info- بەرپرسی دەستەی کارگێڕی مەکتەبی سیاسی پارتی دیموکراتی کوردستان، پێشوازی لە کونسوڵی گشتی ئەڵمانیا لە ھەولێر کرد، ھەر لە دیدارەکەدا میرانی بە کونسوڵی ئەڵمانی وت کە کێشەی ھەرێم لەگەڵ بەغدا کێشەی بیرکردنەوەی دەسەڵاتدارانە لە بەغدا نەک کەسەکان و ھەوڵدەدەن لە جێبەجێکردنی بڕگەکانی دەستوور خۆیان بدزنەوە.

 

 

لە بارەگای مەکتەبی سیاسی لە پیرمام، فازڵ میرانی، بەرپرسی دەستەی کارگێڕی مەکتەبی سیاسی پارتی، پێشوازی لە (کلاوس سترایشەر) کونسوڵی گشتی ئەڵمانیا لە ھەولێر و شاندی یاوەری کرد.

 

لە دانیشتنێک دا فازڵ میرانی وێرای بەخێرھێنانی شاندی میوان تیشکی خستەسەر ڕەوشی ئەمڕۆی ھەرێمی کوردستان بەتایبەتی و عێراقی فیدڕاڵ بە گشتی.

 

میرانی دووپاتی کرد کە کێشەی ھەرێم لەگەڵ بەغدا کێشەی بیرکردنەوەی دەسەڵاتدارانە لە بەغدا نەک کەسەکان و ھەوڵدەدەن لە جێبەجێکردنی بڕگەکانی دەستوور خۆیان بدزنەوە و ئارەزوومەندانە جێبەجێی بکەن.

 

ھەروەھا میرانی ئاماژەی بەوە کرد کە ناوچەکە لە دۆخێکی خراپ تێپەڕدەبێت و ھەموو لایەک دەبێت زۆر ژیرانە ھەڵسوکەوت لەگەڵ ڕووداوەکان بکەن و بەرژەوەندی باڵای گەلی خۆی بپارێزێ و لە سەرووی ھەموو بەرژەوەندییەکان بێت.

 

ھاوکات فازڵ میرانی دووپاتی کرد کە پەیوەندییەکان لە نێوان گەل و حکوومەتی ئەڵمانیا و گەل و حکوومەتی ھەرێمی کوردستان زۆر بەھێزن و حکوومەت و گەلی ئەڵمانیا درێغیان نەکردووە لە ھاوکاریکردنی ھەرێمی کوردستان لە ھەموو ڕوویەکەوەو ئەمە جێگای سوپاسگوزاریە و پتەوکردنی ئەم پەیوەندیانە ئەرکی ھەموومانە.

 

لەلای خۆیەوە (کلاوس سترایشەر) کونسوڵی گشتی ئەڵمانیا لە ھەولێر سوپاسی مەکتەبی سیاسی کرد بۆ ڕەخساندنی ئەم دیدارەو خۆشحاڵی خۆی دەربڕی لە کارکردنی لە ھەرێمی کوردستان و بەو پێشکەوتنەی کە ھەرێمی کوردستان بەخۆیەوە دەبینێت سەرەڕای ئاستەنگەکان و قەیرانەکان و ھیوای خواست ھەرێمی کوردستان ھەر لە پێشکەوتن دا بێت.




دوایین هەواڵەکان

سەرۆكی هەرێمی كوردستان پەیامێكی بڵاوكردەوە

WEDNESDAY, 21 FEBRUARY 2024 12:02:15

ھەولێر-KDP.info- ئەمڕۆ چوارشەممە، 21-02-2024، لە رۆژی جیهانیی زمانی دایکدا، سەرۆکی هەرێمی کوردستان جه‌خت له‌ پاراستن و پێشخستنی زمانی کوردی و زمانى دایك بۆ هەموو پێكهاتەكان دەکاتەوە. 

 
ئەنجومەنی وەزیران پرسی ئەنجومەنی پارێزگاکانی هەرێم تاوتوێ دەکات

WEDNESDAY, 21 FEBRUARY 2024 10:02:21

ھەولێر-KDP.info- ئەمڕۆ چوارشەممە، ئەنجومەنی وەزیرانی هەرێمی كوردستان، بە سەرپەرشتیی مەسروور بارزانی، سەرۆكی حكوومەتی هەرێمی كوردستان و ئامادەبوونی قوباد تاڵەبانی، جێگری سەرۆكی حكوومەتی هەرێمی كوردستان، کۆدەبێتەوە.

 
پشتیوان سادق: ئاسۆی ئاییندەمان زۆر گەش و رووناکە

TUESDAY, 20 FEBRUARY 2024 22:02:51

ھەولێر-KDP.info- ئەمڕۆ سێشەممە، لە بارەگای مەکتەبی ڕێکخستنی پارێزگای هەولێر، بەسەرپەرشتی دکتۆر پشتیوان سادق ئەندامی مەکتەبی سیاسی و بەرپرسی مەکتەبی ڕێکخستنی پارێزگای هەولێر و بە ئامادەبوونی چیا هەرکی یاریدەدەری بەرپرسی مەکتەب، لەگەڵ بەرپرس و مامۆستایانی وەزارەتی خوێندنی باڵا کۆبونەوە. 

 
سبه‌ی چەندین چالاکیی ئەکادیمی و کلتووری لەبارەی زمانی دایکەوە بەڕێوە دەچن

TUESDAY, 20 FEBRUARY 2024 21:02:45

ھەولێر-KDP.info- له‌ ڕۆژی جیهانیی زمانی دایكدا کە 21ی شوباتی هەر ساڵێکە، سبه‌ی چوارشه‌ممه‌ چەندین چالاکیی جۆراوجۆری ئەکادیمی و کلتووری لەبارەی زمانی دایکەوە لە هەرێمی کوردستان بەڕێوە دەچن.

 
سەفین دزەیی: پەیوەندییەكانمان لەگەڵ ژاپۆن توند و تۆڵ و بەهێزن

TUESDAY, 20 FEBRUARY 2024 20:02:44

ھەولێر-KDP.info- بەرپرسی فەرمانگەی پەیوەندییەکانی دەرەوەی هەرێمی کوردستان، ئاماژە بەوە دەکات، دەرفەتی وەبەرهێنان لە هەرێمی كوردستان لەبەردەم كۆمپانیا و وەبەرهێنەرە ژاپۆنییەكاندا هەیە و دەرگایان كراوەیە بۆ وەبەرهێنەرە ژاپۆنییەكان. دزەیی گوتیشی: پێكەوە لەگەڵ كۆمەڵگەی نێودەوڵەتی توانیمان داعش لەناوبەرین، بەڵام هێشتا کارەکە تەواو نەبووە و هەڕەشەی داعشیش ماوە.

 


 
© 2023 Kurdistan Democratic Party, KDP

Contact