Kurdî  ■  كوردی  ■  عربي
FRI, 19 JUL 2024 12:23 Erbil, GMT +3
پارتی دیموکراتی کوردستان
ئازادی . دیموکراسی . دادپەروەری
 

دەستەی گەشتوگوزار: ئەمساڵ گەشتیاری زستانە بۆ ھەرێمی کوردستان زیادیکردووە
| KDP.info


ھەولێر _KDP.info_ بەڕێوەبەری ڕاگەیاندن  و پەیوەندییەکانی دەستەی گەشتوگوزاری ھەرێمی کوردستان گوتی: ئەمساڵ بەھۆی دانانی پلانێکی باش  و تۆکمە و ھاتنی بەفرێکی باش لە ھەرێمی کوردستان و ئەنجامدانی چەندین چالاکی ژمارەیەکی زۆری گەشتیاری زستانە لە ناوخۆی عێراق و دەرەوەش سەردانی ھەرێمی کوردستانیان کردووە. 

ئیبراھیم عەبدولمەجید، بەڕێوەبەری ڕاگەیاندن و پەیوەندییەکانی دەستەی گەشتوگوزاری ھەرێمی کوردستان، بۆ ماڵپەڕی فەرمیی پارتی دیموکراتی کوردستان گوتی، ئەمساڵ بۆ  وەرزی  زستان لە تەواوی بەڕێوەبەرایەتییە گشتییەکانمان ئامادەکاری تەواومان ئەنجامدابوو بۆ ئەوەی چالاکی تایبەت بە گەشتوگوزاری زستانە ئەنجام بدەین، چونکە لە پلانی ھەشت ساڵەی خۆمان دایە گرنگی بە گەشتوگوزاری زستانە بدەین، بۆیە پێش دوو ڕۆژ فستیڤاڵی خلیسکێنەی سەر بەفر بە بەشداری تیمی ناوخۆیی و نێودەوڵەتی ئەنجامدرا، ئەمەش بووە جێی سەرنج ڕاکێشانی گەشتیارێکی زۆر. 

ئیبراھیم عەبدولمەجید گوتیشی: جگە لەوەش خزمەتگوزاری گەشتیاری لە ھەموو شوێنەکان دابینکراوە، بۆیە ئەمساڵ بەراورد بەساڵی ڕابردوو گەشتیارێکی زۆری زستانە لەنڵوخۆی عێراق و دەرەوە ھاتوون بۆ ھەرێمی کوردستان، بۆیە ئێمە زیاتر فۆکسمان لەسەر جۆری ئەنجامدانی چالاکی زستانەیە لە ناوچە جیاجیاکانی ھەرێمی کوردستان، ئەمەش وای کردووە ڕێژەی گەشتیاران بۆ ئەم وەرزە بەراورد بەساڵی ڕابردوو زیاتربێت، چونکە ئەمساڵ ھەم کەش  و ھەوا گونجاو بوو ھەم بەفرێکی باش باریوە، لە هەموو بەڕێوەبەرایەتییەکانیشمان پلانی باش و تۆکمەش دانرابوو، پلانیشمان وایە ھەرچوار وەرز گەشتیارمان ھەبیت، تاوەکو بەفر ھەبێت گەشتیاریش دەبێت، ئەوە جگە لە چالاکی دیکەی جیاواز لە نماییشەکانی ناو بەفر. 

 

بڵند ئیبراھیم




دوایین هەواڵەکان

وەزیری پەروەردە و تەندروستی لەبارەی (ھەژماری من)ەوە زانیارى ده‌خه‌نه‌ڕوو

FRIDAY, 19 JULY 2024 11:07:46

ھەولێر-KDP.info- وەزیری تەندروستی حکوومەتی ھەرێم لەبارەی ھەژماری منەوە دەڵێت: جێگای خۆشحاڵیە کەوا زۆربەی پزیشکانی وەزارەتی تەندروستی خاوەنی ھەژماری منن، ھاوکات وەزیری پەروەردەی حکوومەتی ھەرێمیش دەڵێ، مافی مامۆستایان لە ھەژماری من گەرەنتی کراوە و بۆ مانگی حوزەیران زیاتر لە ٣٢ ھەزار مامۆستا لەڕێی ھەژماری منەوە مووچەکەیان وەرگرتووە.

 
هەڵمەتێک لە مزگەوتەکانەوە دەستپێدەکات

THURSDAY, 18 JULY 2024 22:07:41

هه‌ولێر-KDP.info- شاندێکی ناوەندی هاوبەشی هەماهەنگی قەیرانەکان لەسەر پرسی کۆچی نایاسایی، لەگەڵ وەزارەتی ئەوقاف و کاروباری ئایینی هەماهەنگی و کاری هاوبەش دەکەن.

 
هەولێر و بەغدا لەسەر چەند خاڵێک لە بواری باج ڕێککەوتن

THURSDAY, 18 JULY 2024 21:07:11

ھەولێر-KDP.info- وەزارەتی دارایی هەرێمی کوردستان دەڵێت، لەگەڵ لیژنەی باڵای ڕێکخستنەوەی باج لە حکوومەتی فیدڕاڵی لەسەر چەند خاڵێک ڕێککەوتوون کە دەبنە هۆی کارئاسانی بۆ ئەو کارگە و کۆمپانیا و بانکانەی لە هەرێمی کوردستان و عێراق کاردەکەن.

 

فازڵ میرانی پێشوازی لە كونسوڵی نوێی کۆماری توركیا له‌ هه‌ولێر كرد

THURSDAY, 18 JULY 2024 19:07:35

ھەولێر-KDP.info- به‌رپرسی ده‌سته‌ی كارگێری مه‌كته‌بی سیاسی پارتی پێشوازی له‌ كونسوڵی گشتی نوێی كۆماری توركیا له‌ هه‌ولێر كرد، لە دیدارەکەشدا جەخت له‌سه‌ر پته‌وتركردنی په‌یوه‌ندییه‌كانی نێوان توركیا و هه‌رێمی كوردستان كرایەوە و هیوایان خواست كه‌ ناوچه‌كه‌ ئارام و سه‌قامگیربێت.

 

بێ ڕەزامەندیی ژینگە هیچ پاڵاوگەیەک مۆڵەتی پێ نادرێت

THURSDAY, 18 JULY 2024 17:07:45

ھەولێر-KDP.info- بەڕێوەبەری فەرمانگەی کاروباری ھونەری لە دەستەی ژینگەی ھەرێمی کوردستان ڕایدەگەیەنێت، زۆرینەی پاڵاوگە نایاساییەكان داخراون و ھەر پاڵاوگەیەک بیەوێت دامەزرێت و مۆڵەت وەربگرێت، پێویستە ڕەزامەندی لە نۆ شوێن وەربگرێت، ئەگەر نا ناتوانێت مۆڵەتی پێ بدرێت.

 



 
© 2023 Kurdistan Democratic Party, KDP

Contact