Kurdî  ■  كوردی  ■  عربي
WED, 21 FEB 2024 13:53 Erbil, GMT +3
پارتی دیموکراتی کوردستان
ئازادی . دیموکراسی . دادپەروەری
 

ئەمساڵ ژمارەیەک بەنداو لە ھەرێم دروست دەکرێن
| KDP.info


بەڕێوەبەری گشتی بەنداوەکان و کۆگاکردنی ئاو ئاماژەی بۆ ئەوە کرد: لەگەڵ بەغدا دانوستان دەکەین بۆ ئەوەی ئەو بەنداوانەی بڕیارە لەسەر بودجەی عێراق دروست بکرێن ئەمساڵ جێبەجێ بکرێن، دەشڵێ: بەھۆی بارانی ئەمساڵ ڕێژەیەکی زۆر ئاو لەنێو بەنداوەکان ھەیە. 

 

ڕەحمان خانی، بەڕێوەبەری گشتی بەنداوەکان  بە ماڵپەڕی فەرمیی پارتی دیموکراتی کوردستانی ڕاگەیاند: لەگەڵ حکوومەتی فیدڕاڵ دانوستان دەکەین بۆ دەستپێکردنی ئەو چوار بەنداوەی بڕیارە لەسەر بودجەی عێراق لە ھەرێمی کوردستان دروست بکرێن،  چونکە دروستکردنی ئەو بەنداوانە کاریگەرییان دەبێت لەسەر کەرتی ئاو و گەشت و گوزار و کشتوکاڵ، لە ھەرێم، ھەرچەندە بڕیاری دروستکردنی ئەو چوار بەنداوە دەرچووە، بەڵام ھێشتا نەچوونەتە بواری جێبەجێکردن. 

 

بەڕێوەبەری گشتی بەنداوەکان دەڵێت: وەک وەزارەتی کشتوکاڵ ھەموو ھەوڵێک دەدەین ئەمساڵ (٢٠٢٤) پڕۆژەی دروستکردنی بەنداوەکان لەلایەن بەغداوە بچێتە بواری جێبەجێکردن و پێشبینی دەکەم ئەمساڵ دەست بە دروستکردنیان بکرێت. 

 

ڕەحمان خانی ئاماژەی بۆ ئەوە کرد: بەپێی دواین داتای ئاماری باران بارینی ئەمساڵ ڕەوشی بەنداوەکان باشە و ژمارەیەک بەنداو سەرڕێژ بوونە، ھێشتا وەرزی بارانبارینی ئەمساڵ زۆریشی ماوە، پێشبینی دەکەین ڕێژەیەکی زۆرتری ئاو لەنێو بەنداوەکان کۆگا بکرێت کە بۆ مەبەستی جیاواز سوودی لێ وەردەگیرێت. 

 

قائید میرۆ




دوایین هەواڵەکان

سەرۆكی هەرێمی كوردستان پەیامێكی بڵاوكردەوە

WEDNESDAY, 21 FEBRUARY 2024 12:02:15

ھەولێر-KDP.info- ئەمڕۆ چوارشەممە، 21-02-2024، لە رۆژی جیهانیی زمانی دایکدا، سەرۆکی هەرێمی کوردستان جه‌خت له‌ پاراستن و پێشخستنی زمانی کوردی و زمانى دایك بۆ هەموو پێكهاتەكان دەکاتەوە. 

 
ئەنجومەنی وەزیران پرسی ئەنجومەنی پارێزگاکانی هەرێم تاوتوێ دەکات

WEDNESDAY, 21 FEBRUARY 2024 10:02:21

ھەولێر-KDP.info- ئەمڕۆ چوارشەممە، ئەنجومەنی وەزیرانی هەرێمی كوردستان، بە سەرپەرشتیی مەسروور بارزانی، سەرۆكی حكوومەتی هەرێمی كوردستان و ئامادەبوونی قوباد تاڵەبانی، جێگری سەرۆكی حكوومەتی هەرێمی كوردستان، کۆدەبێتەوە.

 
پشتیوان سادق: ئاسۆی ئاییندەمان زۆر گەش و رووناکە

TUESDAY, 20 FEBRUARY 2024 22:02:51

ھەولێر-KDP.info- ئەمڕۆ سێشەممە، لە بارەگای مەکتەبی ڕێکخستنی پارێزگای هەولێر، بەسەرپەرشتی دکتۆر پشتیوان سادق ئەندامی مەکتەبی سیاسی و بەرپرسی مەکتەبی ڕێکخستنی پارێزگای هەولێر و بە ئامادەبوونی چیا هەرکی یاریدەدەری بەرپرسی مەکتەب، لەگەڵ بەرپرس و مامۆستایانی وەزارەتی خوێندنی باڵا کۆبونەوە. 

 
سبه‌ی چەندین چالاکیی ئەکادیمی و کلتووری لەبارەی زمانی دایکەوە بەڕێوە دەچن

TUESDAY, 20 FEBRUARY 2024 21:02:45

ھەولێر-KDP.info- له‌ ڕۆژی جیهانیی زمانی دایكدا کە 21ی شوباتی هەر ساڵێکە، سبه‌ی چوارشه‌ممه‌ چەندین چالاکیی جۆراوجۆری ئەکادیمی و کلتووری لەبارەی زمانی دایکەوە لە هەرێمی کوردستان بەڕێوە دەچن.

 
سەفین دزەیی: پەیوەندییەكانمان لەگەڵ ژاپۆن توند و تۆڵ و بەهێزن

TUESDAY, 20 FEBRUARY 2024 20:02:44

ھەولێر-KDP.info- بەرپرسی فەرمانگەی پەیوەندییەکانی دەرەوەی هەرێمی کوردستان، ئاماژە بەوە دەکات، دەرفەتی وەبەرهێنان لە هەرێمی كوردستان لەبەردەم كۆمپانیا و وەبەرهێنەرە ژاپۆنییەكاندا هەیە و دەرگایان كراوەیە بۆ وەبەرهێنەرە ژاپۆنییەكان. دزەیی گوتیشی: پێكەوە لەگەڵ كۆمەڵگەی نێودەوڵەتی توانیمان داعش لەناوبەرین، بەڵام هێشتا کارەکە تەواو نەبووە و هەڕەشەی داعشیش ماوە.

 


 
© 2023 Kurdistan Democratic Party, KDP

Contact