Kurdî  ■  كوردی  ■  عربي
SUN, 26 MAY 2024 00:12 Erbil, GMT +3
پارتی دیموکراتی کوردستان
ئازادی . دیموکراسی . دادپەروەری
 

پلاسخارت: دەبێت هەرچی زووە مووچە بۆ هاووڵاتییانی هەرێم بنێردرێت
| KDP.info


نیویۆڕك-KDP.info- جنین پلاسخارت، نوێنەری تایبەتی سکرتێری گشتی نەتەوەیەکگرتووەکان لە عێراق، لە نێو كۆبوونەوەی ئەمڕۆی ئەنجوومەنی ئاسایش گوتارێكی پێشكەش كرد و تیایدا تیشكی خستە سەر دۆخی ئێستای عێراق و هەرێمی كوردستان و باسیشی لە شایستە داراییەكانی هاووڵاتیانی هەرێمی كوردستان كرد.

پلاسخارت رایگەیاند، هێرشە بەردەوامەکانی میلیشیاکان لە ناوچەکە واقیعێکی ناخۆشی دروستکردەوە، ئەگەر هێرشەکان بەردەوام بن ئەوا هەوڵی جددی عێراق بۆ ئەوەی لە رابردوو کردووەیەتی بۆ ئاشتی و سەقامگیری شکست پێدەهێنێت.

گوتیشی، ئەو گرووپە چەکدارانەی کە لە عێراقدا هەن لە دەرەوەی دەسەڵاتی دەوڵەتدان ئەمەش وایکردووە کاریگەری خراپی لەسەر دۆخی سیاسی و سەقامگیری ناوچەکە هەبێت.

پلاسخارت، ئاماژەی بەوەدا، گرووپە چەکدارەکان هێرشیان کردە سەر بنکەی ئەمەریکا لە ئوردن و سێ سەربازی ئەمەریکیان کوشت و چەندانی دیکەیان بریندار کرد.

نوێنەری تایبەتی سکرتێری گشتی نەتەوەیەکگرتووەکان لە عێراق، دەڵێت: "شۆک بووین بەو هێرشە مووشەکیانەی کە چەند هەفتەیەک پێش ئێستا ئێران کردیە سەر هەولێر، کە خەڵکێکی زۆر تێیدا کوژران، لە نێویشیاندا کچێکی بچووک هەبوو، عێراقیش بە شێوەیه‌کی توند سەرکۆنەی ئەو کارەی کردووە."

پلاسخارت، گوتیشی: "عێراق لە دۆخێکی ناهەمواردایە و رووبەڕووی چەندین ئالنگاری بووەتەوە، پێویستە هەموو هێرشەکان کۆتایین پێبهێندرێت و بوەستێندرێت."

نوێنەری تایبەتی سکرتێری گشتی نەتەوەیەکگرتووەکان لە عێراق، جەختی لەوەش کردەوە، یەکێک لەو خاڵە ئەرێنییەکان کە بینیمان لە ماوەی ئەم چەند مانگە لە عێراق کراوە، ئەویش چاکسازییە لەناو سیستەمی بانکی و دامەزراوەکانی دیکەی حکوومەتدا.

جنین پلاسخارت، ئاماژەی بەوەشکردەوە، مانگی داهاتوو عێراق دەبێتە یەکەم وڵات لە ناوچەکە کە یەکێک دەبێت لە ئەندامی رێکخراوی کرێکارانی جیهان کە ئەمەش کاریگەرییەکی زۆری دەبێت، ئەمەش وادەکات هەوڵەکان و دەرفەتەکانی بەردەم عێراق و کەرتی تایبەتی عێراق بەهێزتر بکرێت.

نوێنەری تایبەتی سکرتێری گشتی نەتەوەیەکگرتووەکان لە عێراق جەختی لەوەشکردەوە، پێویستە لە عێراق هێرشەکان کۆتایی پێبهێندرێت، بۆ ئەوەی خەڵكیکی زیاتر بتوانن توانەکانی خۆیان بۆ بەرەوپێشچوونی وڵاتەکە بەکاربهێنن.

لەبارەی گۆڕانی کەشوهەوا لە عێراق، جنین پلاسخارت، رایگەیاند، عێراق وەک هەر دەوڵەتێکی دیکە لە جیهان رووبەڕووی ئالنگاری گۆڕانی کەشوهەوا بووەتەوە، حکوومەت هەندێک رێکاری پێوستی گرتووەتەبەر بۆ رووبەڕووبوونەوەی ئەو ئالنگارییە.

نوێنەری تایبەتی سکرتێری گشتی نەتەوەیەکگرتووەکان لە عێراق لە بارەی هەڵبژاردنی پەرەلەمانی کوردستان گوتی: هەڵبژاردنی پەرلەمانی کوردستان بۆ چەندین جارە دوابخرێت، ئێستا چاوەڕێی رێککەوتنێکی دیکەین دیاریبکرێت بۆ رۆژی هەڵبژاردن، هەروەها دواختسنی هەڵبژاردن باش نابێت بۆ هەرێمی کوردستان و بۆ سەقامگیری عێراق.

لەبارەی پشکی هەرێمی کوردستان لە بودجەی فیدراڵیدا ناوبراو ئاماژەی بەوەدا، دەبێت کێشەی مووچەی مووچەخۆرانی هەرێمی کوردستان چارەسەر بکرێت و دەبێت هەرچی زووە مووچە بۆ هاووڵاتییانی هەرێمی كوردستان بنێردرێت.




دوایین هەواڵەکان

سبەی بە سەرپەرشتیی سەرۆک بارزانی کۆمیتەی ناوەندیی پارتی کۆدەبێتەوە

SATURDAY, 25 MAY 2024 23:05:25

ھەولێر-KDP.info- بڕیارە سبەی کۆمیتەی ناوەندیی پارتی دیموکراتی کوردستان بە سەرپەرشتیی سەرۆک بارزانی کۆببێتەوە و بەرپرسێکی پارتیش دەڵێ، پرسی ھەڵبژاردن و گۆڕانکارییەکانی ناوچەکە و کوردستان، لە تەوەرەکانی کۆبوونەوەکە دەبن.

 
بەیاننامەیەک لە مەکتەبی سیاسی پارتی دیموکراتی کوردستانەوە

SATURDAY, 25 MAY 2024 20:05:58

ھەولێر-KDP.info- بەبۆنەی ٤٨مین ساڵوەگەڕی بەرپابوونی شۆڕشی گوڵانی پێشکەوتنخواز، مەکتەبی سیاسیی پارتی دیموکراتی کوردستان بەیاننامەیەکی بڵاوکردەوە.

 
هەڵگیرسانی شۆڕشی گوڵان بەرز ڕاگیرا

SATURDAY, 25 MAY 2024 19:05:31

دهۆک -KDP.info- ئەمڕۆ بەبۆنەی 48مین ساڵوەگەڕی بەرپابوونی شۆڕشی گوڵانی پێشکەوتنخواز چەندین چالاکی بەڕێوەچوون و باس لە قۆناغی دەسپێکردنی شۆڕش کرا.

 
دەست بە دروستکردنی نەخۆشخانەی ١٠٠ تەختی باشیک کرا

SATURDAY, 25 MAY 2024 19:05:49

باشیک -KDP.info- ئەندامی ئەنجوومەنی پارێزگای مووسڵ لە فراکسیۆنی پارتی دیموکراتی کوردستان گوتی: دوای ھەوڵێکی زۆر، بە گوژمەی ٧٧ ملیار دینار دەست بە دروستکردنی نەخۆشخانەی ١٠٠ تەختی باشیک کرا.

 
پرسەنامەیەک لە سەرۆکوەزیرانی ھەرێمەوە

SATURDAY, 25 MAY 2024 18:05:25

ھەولێر-KDP.info-  بۆ كۆچی دوایی خوالێخۆشبوو (حەسەن مستەفا محیەدین)، مه‌سروور بارزانی سه‌رۆكوه‌زیرانی هه‌رێمی كوردستان، پرسه‌نامه‌یه‌كی بڵاوكرده‌وه‌ کە ئەمە دەقەکەیتی:

 


 
© 2023 Kurdistan Democratic Party, KDP

Contact