Kurdî  ■  كوردی  ■  عربي
SAT, 19 JUL 2025 01:48 Erbil, GMT +3
پارتی دیموکراتی کوردستان
ئازادی . دیموکراسی . دادپەروەری
 

بۆ کارەساتی شوبات چی بکەین باشە؟
| KDP.info


سالار عوسمان

بەر لە (٢٠) ساڵ، ڕووداوێکی جەرگبڕ هەموومانی هەژاند، مەبەستم لە هەموومان کورد و کوردستانییان و ئەوانەی مرۆڤدۆست و ژیاندۆستن، ئەو ڕووداوەش ڕووداوی کارەساتهێنی یەکی شوبات بوو، کە وێڕای ئەوەی تائەبەد برینێکی قووڵی لە ناخ و دڵ و ڕۆحماندا بەجێهێشت، پۆلێک ئەستێرەی کوردایەتی و کادیری تەکنۆکرات و شارەزا و دانا و زانای لێ بردین و، ئەوان شەهید بوون و ئێمەش بەدەم خەم و گریان و حوزنەوە سەرمان خستە سەر دڵسافی و بێکەسیی خۆمان و، دیسان تراژیدیایەک هەموومانی کۆکردەوە، وەک بڵێی ئەوە تەنیا تراژیدیایە کورد بەیەکەوە کۆدەکاتەوە و دەرەتانێکی تر نییە هەموومان پێکەوە بین!..

قەدەری ئێمەیە، ئێمەی کوردی بێدەوڵەتیی دونیاپشتتێکردووی لەنێوخۆدا ناتەبای پڕتراژیدیای کەوتوو بەسەر دەیان کارەساتدا، قەدەرێک، کە زۆرجار بەناچاری وامان لێدەکات بگەڕێینەوە بۆ پرسیارەکانی سەرەتا:

ـ ئەرێ ئێمەی کورد لەدەرەوەی ژیانین؟..

ـ ئێمە، کە ئەو مێژووە قووڵ و ئەو جوگرافیا فرەوان و ئەو قوربانییە زۆرەمان هەبێت، بۆ دەبێ بێلانە و خاکداگیرکراو و دەربەدەر بین و، شاربەشار و کۆ بەکۆ، خەمان لەکۆڵ نێین و، چیڕۆکی کوردی زامداری بێلانە و بێجێ هەر نەبڕێتەوە؟..

ـ ئەی ئێمە بەم هەموو تراژیدیایەوە بەرەو کوێ؟.

ـ چی بکەین باشە؟..

بۆ وەڵامی هەموو ئەم پرسیارانە:

ـ دەبێ مێژوو بخوێنینەوە و پەندی لێ وەربگرین، خوێندنەوە و پەندێک، تا بتوانین ئەمڕۆ ڕابگرین و بیپارێزین.

ـ دەبێ وێڕای ڕاگرتن و پاراستنی ئەمڕۆ، ئەمڕۆ پتەوتر بکەین، ئەمەش تەنیا بە تەبایی نێوخۆیی کوردان و کۆکردنەوەی پشتیوانانی دۆستان دەکرێت و، دەشبێ بە کارەکاندا بچینەوە و باشییەکانمان پتر بکەین و هەڵەکانمان چاک بکەینەوە، دڵی هەموو ئەو خەڵکانەش ئاشت بکەینەوە، کە بە هەر هۆ و هۆکارێک زوویرن و لێمان ڕەنجاون!..

ـ دەبێ بەیانی باشتر بکەین، باشتر بە سوودوەرگرتن لە خوێندەواریی، زانست، ڕۆشنبیری و عەدالەت، ئەو عەدالەتەی (ڕێبازی بارزانی) فێری کردووین و شەهیدەکانمان خوێنیان بۆ بەخشیوە، لەنێو ئەو شەهیدانەشدا شەهیدانی یەکی شوبات، کە لێرەوە، بە شانازییەوە یادیان دەکەینەوە و هەزاران دروود بۆ گیانی بێدار و بەرزهەڵکشاویان دەنێرین.




دوایین هەواڵەکان

سەرۆکی ھەرێمی کوردستان پیرۆزبایی لە یانەکانی دهۆک و زاخۆ دەکات

SATURDAY, 19 JULY 2025 00:07:00

ھەولێر-KDP.info- سەرۆکی ھەرێمی کوردستان پیرۆزبایی لە یانەکانی دھۆک و زاخۆ دەکات بەبۆنەی بەدەستھێنانی پلەی یەکەم و دووەمی جامی عێراق و دەڵێت، "ھەر ھەبن و ھەر سەرکەوتوو بن."

 
مەسروور بارزانی پیرۆزبایی لە یانەکانی تۆپی پێی دهۆک و زاخۆ دەکات

FRIDAY, 18 JULY 2025 23:07:15

ھەولێر-KDP.info- سەرۆکی حکوومەتی هەرێمی کوردستان، پیرۆزبایی لە یانەکانی تۆپی پێی دهۆک و زاخۆ کرد، بە بۆنەی بەدەستهێنانی پلەی یەکەم و دووەمی جامی عێراق.

 
گوتەبێژی حکوومەت بۆ KDP باسی جێبەجێکردنی ڕێککەوتنه‌كه‌ و ناردنی مووچە دەکات

FRIDAY, 18 JULY 2025 22:07:06

ھەولێر-KDP.info- گوتەبێژی حکوومەتی ھەرێمی کوردستان ڕایدەگەیەنێت، لە سەرەتای ئەم ھەفتەیەدا ڕێککەوتنی نێوان حکوومەتی ھەرێمی کوردستان و بەغدا دەکەوێتە بواری جێبەجێکردنەوە و بەغدا دەست بە ناردنی مووچەی مانگی پێنجی فەرمانبەران دەکات.

 
بارزانی خەونی نەتەوەیەك، کە بەرەو ڕوناکی هەنگاو دەنێت

FRIDAY, 18 JULY 2025 14:07:34

دکتۆر سامان سۆرانی 

 
هەڵگورد شێخ نەجیب بۆ KDP: دیزاینی ماستەرپلانی تازەی هاوینەهەواری بێخاڵ تەواوبووە

FRIDAY, 18 JULY 2025 11:07:42

ھەولێر-KDP.info- سەرپەرشتیاری ئیدارەی سەربەخۆی سۆران ڕایگه‌یاند، لە هاوینەهەواری بێخاڵ،‌ بنیادنانی ژێرخانێكی پته‌وی گه‌شتیاری له‌ده‌ڤه‌ره‌كه‌ ده‌ستپێده‌كات، بۆ ڕازیكردنی  كاسبكارانی بێخاڵیش حكوومه‌تی هه‌رێمی كوردستان پلانی هه‌یه‌.

 


 
© 2023 Kurdistan Democratic Party, KDP

Contact