Kurdî  ■  كوردی  ■  عربي
WED, 21 FEB 2024 14:16 Erbil, GMT +3
پارتی دیموکراتی کوردستان
ئازادی . دیموکراسی . دادپەروەری
 

دەتوانین دەنگی بەکۆمەڵمان گەورەتر بکەین
| KDP.info


زیــــــبا تـەهـــــــــــا

یه‌كێتی ئافره‌تانی كوردستان، رێكخراوێكه‌ هه‌میشه‌ له‌نوێبوونه‌وه‌ و گۆرانكارییدا، ئه‌مه‌ش له‌سۆنگه‌ی خۆگونجاندییه‌وه‌ سه‌رچاوه‌ ده‌گرێت كه‌ ده‌یه‌وێت له‌گه‌ڵ پێشهات و گۆڕانكارییه‌ چاوه‌رواننه‌كراوه‌كاندا، خۆی بگونجێنێت و پلان و نه‌خشه‌رێگه‌ی نوێی پێ بێت بۆ پێشكه‌وتن و په‌ره‌پێدانی توانا مرۆییه‌كانی ئافره‌تان.

لەکاتێکدا یه‌كێتیی ئافره‌تانی كوردستان نۆیه‌مین كۆنگره‌ی به‌سه‌ركه‌وتوویی ئه‌نجامدا، كه‌ ئافره‌تان و كۆمه‌ڵگه‌ به‌گشتی پێویستی به‌ توانا و هزری نوێ هه‌یه‌، و ده‌یه‌وێت به‌شێكی دانه‌بڕاوبێت له‌شه‌پۆلی نوێی خه‌باتی ئافره‌تان و ره‌وته‌ نوێخوازه‌كانی بزوتنه‌وه‌ی ئافره‌تان له‌ جیهان. هه‌وڵێکی دیکەی بەرچاوه‌ بۆ بره‌ودان به‌ پرسی یەکسانیی ره‌گه‌زی و نه‌هێشتنی جیاوازییه‌كان.

ده‌مه‌وێت لێره‌دا‌ تیشك بخه‌مه‌سه‌ر خاڵێكی جه‌وهه‌ری کۆنگرەی نۆیەمی یەکێتیی ئافرەتانی کوردستان، وەک بەڵگە لەسەر خۆبەخشی بێوچانمان بۆ دۆزی بەهێزکردنی ئافرەتان و پێشخستنی زیاتری یەکسانیی جێندەری لە کۆمەڵگەکەماندا دەخەمەبەرچاو. لە کۆنگرەدا زنجیرەیەک گفتوگۆ بەڕێوەچوون بەئامانجی چارەسەرکردنی ئەو پرسانەی ھێشتا رووبەڕووی ئافرەتان دەبنەوە لە ناوچەکەمان و تەنانەت جهیانیش. لە رێگەی ئەم گفتوگۆیانەوە، تێگەیشتنێکی قووڵتر لە ئاستەنگ و دەرفەتەکانی پێشەوە پەروەردە کرا، رێڕەوێک بۆ گۆڕانکارییەکی مانادار و بەردەوام داڕێژرا.

جگە لەمەش، کۆنگرەی نۆیەم سەکۆیەکی کراوەتر بۆ ئافرەتان لەسەرجەم کایە جیاوازەکان ده‌رەخسێنێت تا کۆببنەوە و ئەزموونەکانیان بەیەکەوە باس بکەن و پێوەندیی مانادار وەک بناغەیەک بۆ هاوکاری و هاوبەشیی داهاتوویان دروست بکەن، چونکە بە پەروەردەکردنی گیانی هاودەنگی و هاوکاری، دەتوانین دەنگی بەکۆمەڵمان گەورەتر بکەین و کاربکەین بۆ ئاییندەیەک کە هەموو ئافرەت و کچێک لە کوردستان دەرفەتی گەشەسەندن و گەیشتن بە توانای تەواوی خۆی هەبێت.

ئێستا کە ستافێكی نوێی سکرتاریەت دەستبەکاربووە، داوا لە هەر ئەندام و ئافرەتێک دەکەم بە بیرێکی کراوە و ئامادەیی گوێگرتن و فێربوون لە یەکتر گفتوگۆ بکەین، خاڵەھاوبەشەکان نزیکترمان بکاتەوە لە یەکتر، ئاشكرایه‌ كه‌ تەنھا لە رێگەی وەرگرتنی دیدگە و ئەزموونە جۆراوجۆرەکانمانەوە، دەتوانین بەڕاستی لە ئاڵۆزییەکانی ئەو پرسانەی کە لەبەردەستدان، تێبگەین و چارەسەری گشتگیر و کاریگەر پەرەپێ بدەین.

لە کۆتاییدا، دڵنیاین ئەنجامی کۆنگرەی نۆیەمی یەکێتیی ئافرەتانی کوردستان وەک بنەمایەک دەبێت بۆ گۆڕانکاریی ئەرێنی و زەمینە بۆ ئاییندەیەکی گەشاوەتر و دادپەروەرانەتر بۆ ئافرەتان لە هەرێمەکەمان خۆش دەکات. با پێکەوەش ئەم دەرفەتە بقۆزینەوە بۆ بزوێنەری پێشکەوتنی مانادار و دروستکردنی کۆمەڵگەیەک کە ماف و کەرامەتی هەموو ئافرەتێک بپارێزرێت و رێزی لێ بگیرێت، و بەوپەڕی خۆشحاڵیشەوە چاوەڕێی ده‌بین لەگەڵ هەموو تاكێك بەشداری گفتوگۆی بەرهەمدار و سودبه‌خش بكه‌ین تا پێكه‌وه‌ هه‌نگاوێكی نوێ له‌پێناو خزمه‌تی خاك و نیشتمانمان بنێین و به‌شێكی سه‌ره‌كی بین له‌سه‌ركه‌وتن و گۆرانكارییه‌ ئه‌رێنیەکانی كۆمه‌ڵگه‌كه‌ماندا.

 

*سکرتێری یەکێتی ئافرەتانی کوردستان




دوایین هەواڵەکان

سەرۆكی هەرێمی كوردستان پەیامێكی بڵاوكردەوە

WEDNESDAY, 21 FEBRUARY 2024 12:02:15

ھەولێر-KDP.info- ئەمڕۆ چوارشەممە، 21-02-2024، لە رۆژی جیهانیی زمانی دایکدا، سەرۆکی هەرێمی کوردستان جه‌خت له‌ پاراستن و پێشخستنی زمانی کوردی و زمانى دایك بۆ هەموو پێكهاتەكان دەکاتەوە. 

 
ئەنجومەنی وەزیران پرسی ئەنجومەنی پارێزگاکانی هەرێم تاوتوێ دەکات

WEDNESDAY, 21 FEBRUARY 2024 10:02:21

ھەولێر-KDP.info- ئەمڕۆ چوارشەممە، ئەنجومەنی وەزیرانی هەرێمی كوردستان، بە سەرپەرشتیی مەسروور بارزانی، سەرۆكی حكوومەتی هەرێمی كوردستان و ئامادەبوونی قوباد تاڵەبانی، جێگری سەرۆكی حكوومەتی هەرێمی كوردستان، کۆدەبێتەوە.

 
پشتیوان سادق: ئاسۆی ئاییندەمان زۆر گەش و رووناکە

TUESDAY, 20 FEBRUARY 2024 22:02:51

ھەولێر-KDP.info- ئەمڕۆ سێشەممە، لە بارەگای مەکتەبی ڕێکخستنی پارێزگای هەولێر، بەسەرپەرشتی دکتۆر پشتیوان سادق ئەندامی مەکتەبی سیاسی و بەرپرسی مەکتەبی ڕێکخستنی پارێزگای هەولێر و بە ئامادەبوونی چیا هەرکی یاریدەدەری بەرپرسی مەکتەب، لەگەڵ بەرپرس و مامۆستایانی وەزارەتی خوێندنی باڵا کۆبونەوە. 

 
سبه‌ی چەندین چالاکیی ئەکادیمی و کلتووری لەبارەی زمانی دایکەوە بەڕێوە دەچن

TUESDAY, 20 FEBRUARY 2024 21:02:45

ھەولێر-KDP.info- له‌ ڕۆژی جیهانیی زمانی دایكدا کە 21ی شوباتی هەر ساڵێکە، سبه‌ی چوارشه‌ممه‌ چەندین چالاکیی جۆراوجۆری ئەکادیمی و کلتووری لەبارەی زمانی دایکەوە لە هەرێمی کوردستان بەڕێوە دەچن.

 
سەفین دزەیی: پەیوەندییەكانمان لەگەڵ ژاپۆن توند و تۆڵ و بەهێزن

TUESDAY, 20 FEBRUARY 2024 20:02:44

ھەولێر-KDP.info- بەرپرسی فەرمانگەی پەیوەندییەکانی دەرەوەی هەرێمی کوردستان، ئاماژە بەوە دەکات، دەرفەتی وەبەرهێنان لە هەرێمی كوردستان لەبەردەم كۆمپانیا و وەبەرهێنەرە ژاپۆنییەكاندا هەیە و دەرگایان كراوەیە بۆ وەبەرهێنەرە ژاپۆنییەكان. دزەیی گوتیشی: پێكەوە لەگەڵ كۆمەڵگەی نێودەوڵەتی توانیمان داعش لەناوبەرین، بەڵام هێشتا کارەکە تەواو نەبووە و هەڕەشەی داعشیش ماوە.

 


 
© 2023 Kurdistan Democratic Party, KDP

Contact