Kurdî  ■  كوردی  ■  عربي
WED, 21 FEB 2024 15:44 Erbil, GMT +3
پارتی دیموکراتی کوردستان
ئازادی . دیموکراسی . دادپەروەری
 

ھەڵبژاردنی پارتی: ئەنجامێکی زۆر باش له‌ سنووری مادده‌ی 140 بەدەست دەھێنین
| KDP.info


ھەولێر-KDP.info- بڕیاردەری بەشی ھەڵبژاردنی پارتی دیموکراتی کوردستان، رایدەگەیەنێت، پارتی ئامادەکارییەکی باشی بۆ ھەڵبژاردنی ئەنجوومەنی پارێزگاکانی عێراق کردووە و پارتی دەیەوێت بەشدارییەکی کاریگەری ھەبێت، ھەروەھا گەشبینن و پێشیان وایە ئەنجامێکی زۆر باش بەدەست دەھێنن.

نیازی حەمە عەزیز، بڕیاردەری بەشی ھەڵبژاردنی پارتی دیموکراتی کوردستان، بە ماڵپەڕی فەرمیی پارتی دیموکراتی کوردستانی ‌راگەیاند: ھەڵمەتی بانگەشەی ھەڵبژاردن دوو ھەفتەی ماوە، بۆیە نزیکبوونەوەی وادەی ھەڵبژاردن بانگەشەی ھەڵبژاردنی چڕتر کردۆتەوە لەلایەن لایەنەکان، ئێمە لە ناوچەکانی ماددەی 140 بەشێوەیەکی چڕوپڕ چالاکیەکانی خۆمان پەرەپێداوە.

ناوبراو راشیگەیاند، ئێمە وەک پارتی دیموکراتی کوردستان ئامادەکاری تەواومان کردووە بۆ ھەڵبژاردنی ئەنجوومەنی پارێزگاکان، ھەروەھا کۆمەڵێک کۆبوونەوەی گرنگمان ئەنجامداوە، بۆ ئەوەی بتوانین بەشدارییەکەمان لە ھەڵبژاردن بەشدارییەکی کاریگەر بێت، ھاوکات ئامادەکاری تەواومان کردووە بۆ ڕۆژی دەنگدان واتا ئەو پێداویستیانەی کە پێویستە بۆ ھەڵبژاردن لە بەرنامەدان و راھێنان بە چاودێرانی سندووقەکانی دەنگدان و راھێنانمان بە کاندیدەکانیش بەردەوامە.

حەمە عەزیز جەختی لەوەکردەوە، ئەوەی پێویست بێت دەیکەن بۆ سەرکەوتن، ھەروەھا گەشبینن و پێشیان وایە ئەنجامێکی زۆر باش بەدەست دەھێنن بە تایبەت لە کەرکووک و نەینەوا.

نیازی ئاماژە بەوەش دەکات، بەرپرسی بەشی ھەڵبژاردنی پارتی بەردەوام چاودێری چالاکیەکان دەکات و بەرێزیان وەک ئەڵقەیەکی پەیوەندی لەنێوان لیژنەی باڵای ھەڵبژاردن لەسەر ئاستی مەکتەبی سیاسی لە پەیوەندی بەردەوام دایە بۆ جێبەجێکردنی ئەو رێنماییانەی کە لە لیژنەی باڵای پارتیمانەوە دەردەچێت.

وابڕیارە لە 18ـی کانوونی یەکەمی ئەمساڵ، ھەڵبژاردنی ئەنجوومەنی پارێزگاکانی عێراق (جگە لە پارێزگاکانی ھەرێمی کوردستان) بەڕێوەبچێت کە زیاتر لە 23 ملیۆن کەس مافی دەنگدانیان لەو ھەڵبژاردنە ھەیە.

 

ھەڵکەوت محەممەد




دوایین هەواڵەکان

د.موخلیس سەلیم: بڕیاری ڕاگرتنی پڕۆژەکان یەکەکانی کرێنشینان ناگرێتەوە

WEDNESDAY, 21 FEBRUARY 2024 15:02:30

شارەزایەکی وەبەرھێنان ئاماژەی بۆ ئەوە کرد، بڕیاری ڕاگرتنی مۆڵەتی پڕۆژەکانی نیشتەجێبوون بە مەبستی ڕێکخستنەوە کاریگەری لەسەر کەرتی خانووبەرە دەبێت و دەشڵێ: بڕیارەکە یەکەکانی کرێنشینان ناگرێتەوە و حکوومەت کار بۆ دروستکردنی ئەو ٢٠ ھەزار یەکەیە دەدات بۆ خەڵکی کرێنشین.

 
بەڕێوەبەری گشتی بازرگانی: لە ڕێگەی سەکۆی ئەلیکترۆنییەوە نرخی کەلوپەل دابەزێنین

WEDNESDAY, 21 FEBRUARY 2024 15:02:33

بەڕێوەبەری گشتی بازرگانی پێی وایە یەکێک لە ئەگەرەکانی بەرزبوونەوەی نرخی کەلوپەل بۆ گرانی نرخی دۆلار دەگەڕێتەوە، دەشڵێ: لە ھەوڵداین لە ڕێگەی سەکۆی ئەلیکترۆنییەوە نرخی کەلوپەل لە بازاڕەکانی ھەرێمی کوردستاندا دابەزێنین.

 
سەرۆكی هەرێمی كوردستان پەیامێكی بڵاوكردەوە

WEDNESDAY, 21 FEBRUARY 2024 12:02:15

ھەولێر-KDP.info- ئەمڕۆ چوارشەممە، 21-02-2024، لە رۆژی جیهانیی زمانی دایکدا، سەرۆکی هەرێمی کوردستان جه‌خت له‌ پاراستن و پێشخستنی زمانی کوردی و زمانى دایك بۆ هەموو پێكهاتەكان دەکاتەوە. 

 
ئەنجومەنی وەزیران پرسی ئەنجومەنی پارێزگاکانی هەرێم تاوتوێ دەکات

WEDNESDAY, 21 FEBRUARY 2024 10:02:21

ھەولێر-KDP.info- ئەمڕۆ چوارشەممە، ئەنجومەنی وەزیرانی هەرێمی كوردستان، بە سەرپەرشتیی مەسروور بارزانی، سەرۆكی حكوومەتی هەرێمی كوردستان و ئامادەبوونی قوباد تاڵەبانی، جێگری سەرۆكی حكوومەتی هەرێمی كوردستان، کۆدەبێتەوە.

 
پشتیوان سادق: ئاسۆی ئاییندەمان زۆر گەش و رووناکە

TUESDAY, 20 FEBRUARY 2024 22:02:51

ھەولێر-KDP.info- ئەمڕۆ سێشەممە، لە بارەگای مەکتەبی ڕێکخستنی پارێزگای هەولێر، بەسەرپەرشتی دکتۆر پشتیوان سادق ئەندامی مەکتەبی سیاسی و بەرپرسی مەکتەبی ڕێکخستنی پارێزگای هەولێر و بە ئامادەبوونی چیا هەرکی یاریدەدەری بەرپرسی مەکتەب، لەگەڵ بەرپرس و مامۆستایانی وەزارەتی خوێندنی باڵا کۆبونەوە. 

 


 
© 2023 Kurdistan Democratic Party, KDP

Contact