Kurdî  ■  كوردی  ■  عربي
WED, 21 FEB 2024 14:58 Erbil, GMT +3
پارتی دیموکراتی کوردستان
ئازادی . دیموکراسی . دادپەروەری
 

جەنجاڵیی حزبی
| KDP.info


فازڵ میرانی

نەبوونی حزبایەتی، یان بوونی بە شێوەی كەم و زۆر، بەڵگەی یەكلاكەرەوە نییە بۆ سەركەوتنی ئەزموونێكی سیاسی. ڕێگەدان بە كاری حزبایەتی، بەبێ هەبوونی ئاتاجێكی هەقیقی بۆ بوونی حزبەكان، زیانە خێرا و دوور مەوداكەی كەمتر نییە بەسەر كۆمەڵگەوە لە قەدەغەكردنی فرەیی بە بڕیارێكی شموولی لە دەستەڵاتێكەوە، كە یاسا و میللەتی خستووەتە ژێر ڕكێفی خۆیەوە.

من و زۆر كەسی تر گومانمان لەو واقیعە نییە، كە زۆر لە عەقڵییەتەكان دەكۆشن حزبایەتی بكەن بە پەیژە و ژیانی تایبەتی خۆیانی پێ بەڕێ بكەن، هەڵبەت بە پێچەوانەی یاساكانەوە. ئاشكرایە قەبارەی كاریگەری كردار و بانگەشەی نیزامی پێشوو، یان هاووێنەكانیان، بەسەر ڕەفتار و ئەدای چەندان چین و دەستەوە ماوە، هەروەها بەسەر بەشێك لەوانەی لە بەرەی ئۆپۆزسیۆنەوە كار دەكەن، ئەمە واقیعێكی تاڵ و ئازاربەخشە بۆ ئەوانەی ناتوانن، یان نایەنەوێت لە مانای حوكم و ئەمانەتەكەی تێبگەن.

ئەگەر من سەركۆنەكردنی خۆم بۆ حزبی تازە هەڵتۆقیو پاتە بكەمەوە، كە پڕوپاگەندەكانی ڕێك كۆپی دەستەڵاتی كۆنە، كە عێراقییەكان لە دەستی ناڵاندوویانە، ئەوە سەرزەنشت و هۆشداری بەولاتر دەزانم ڕووبەڕووی كەسانێك بكرێنەوە، كە بڕیاردانیان بە میرات گرتووە، خەڵكیان وا تێگەیاندووە دەوڵەت بە هەموو شتێكەوە حەڵاڵی خۆیانە، هەڵبەت ئەوانەی جیاوازیی نێوان حزبایەتی ڕەسەن و سنوورەكانی، هەروەها نێوانی چاودێری و گەشەی بەرژەوەندیی تاك ناكەن.

خەڵك چاو و گوێیان هەیە، ڕابردوویان زۆری بەسەردا نەچووە، هەرچەند زۆرینەشیان لە گۆڕانكاری بەرهەمدار بێ ئومێد بوون، لێ ناكرێ لە رێگەی ئەو هۆكارانەی لە مێشكی نەوەی هاوچەرخ بنجی گرتووە، كۆنتڕۆڵ بكرێن. هێزەكە لە هاندان و هەڵنانی حزبی، یان لەتبوون و كەرتبوون، یان لە فكرەی دروستكردنی جووڵانەوەیەك دایە تاكوو ببێتە پردێك بۆ گەیشتن بە خواست و ئارەزووەكانیان،نەك بەدیهێنانی ماف.

ئەو حزبایەتییەی ئێمە كارمان لەسەر كرد و كاری لەسەر دەكەین بە شێوەیەكی سروشتی لە دایك بووە، لە سایەی سیستەمێكدا بۆ حوكمڕانیی نەشیاو بووە، ڕەنگە بۆ سەركردایەتیی چەند گرووپێكی دیاریكراوی خۆیان بۆ كاتێكی دیاریكراو گونجاو بووبێت، هەر بۆیە ئێمە بە فكر و ئەدا ڕووبەڕووی ئەوە دەبووینەوە، كە كارمان بۆ ڕاستكردنەوەی زۆربەی ئەو سیاسەتانە دەكرد، كە تاوان و بەدكارییان دەرهەق بە هاووڵاتیی عێراقی و خەڵكی تریش دەكرد. بۆیە هەر تەنیا جوینەوەی فكری سەربازی و سیاسی و هاوشێوەكانیان، ئەوانەی عێراقیان بەرەو لێواری ئاگر برد، تاوانە. نغرۆبوون لە هەڵە و پەڵە، لە چارەسەری ناشیاو، ڕێژەی هەژاری زیاتر كرد، خەڵكی لاڕێ كرد و بەرەو تاوان و دواكەوتوویی پەلكێشی كردن.

ئەوەتە داڕمانی دراو بەردەوامە، فرتوفێڵ و بەدكاری، نەمانی بەرپرسیاریی ئەدەبی و سیاسی لە كەسانی پاڵێوراو و كاربەدەستانی نێو جومگەكانی دەوڵەت، كە بە كەیفی خۆیان تەراتێن دەكەن، بەپێی یاسا ئەوان تەوانبارن.

لێپرسینەوەی میللی و دەستووری و جێبەجێكردن ئەگەر بۆ سنوورداركردنی ئەم دیاردەیە پەلە نەكەن، ئەوە جەردی حیسابات نەك هەر بەرفراوان دەبێت، بەڵكو نەوەیەكی بەتاڵ بەرهەم دێت، ئامادەیە لەگەڵ ئەوانەی دیكە پێكدابژێت و بەریەك بكەوێت، ئاخر كەسانێك نامەیەكی ژەهراوییان پێداوە وا بۆیان وێنا كردووە، كە دەستەڵات خاوەنداریەتییە، نەك بەرپرسیارییەت.




دوایین هەواڵەکان

سەرۆكی هەرێمی كوردستان پەیامێكی بڵاوكردەوە

WEDNESDAY, 21 FEBRUARY 2024 12:02:15

ھەولێر-KDP.info- ئەمڕۆ چوارشەممە، 21-02-2024، لە رۆژی جیهانیی زمانی دایکدا، سەرۆکی هەرێمی کوردستان جه‌خت له‌ پاراستن و پێشخستنی زمانی کوردی و زمانى دایك بۆ هەموو پێكهاتەكان دەکاتەوە. 

 
ئەنجومەنی وەزیران پرسی ئەنجومەنی پارێزگاکانی هەرێم تاوتوێ دەکات

WEDNESDAY, 21 FEBRUARY 2024 10:02:21

ھەولێر-KDP.info- ئەمڕۆ چوارشەممە، ئەنجومەنی وەزیرانی هەرێمی كوردستان، بە سەرپەرشتیی مەسروور بارزانی، سەرۆكی حكوومەتی هەرێمی كوردستان و ئامادەبوونی قوباد تاڵەبانی، جێگری سەرۆكی حكوومەتی هەرێمی كوردستان، کۆدەبێتەوە.

 
پشتیوان سادق: ئاسۆی ئاییندەمان زۆر گەش و رووناکە

TUESDAY, 20 FEBRUARY 2024 22:02:51

ھەولێر-KDP.info- ئەمڕۆ سێشەممە، لە بارەگای مەکتەبی ڕێکخستنی پارێزگای هەولێر، بەسەرپەرشتی دکتۆر پشتیوان سادق ئەندامی مەکتەبی سیاسی و بەرپرسی مەکتەبی ڕێکخستنی پارێزگای هەولێر و بە ئامادەبوونی چیا هەرکی یاریدەدەری بەرپرسی مەکتەب، لەگەڵ بەرپرس و مامۆستایانی وەزارەتی خوێندنی باڵا کۆبونەوە. 

 
سبه‌ی چەندین چالاکیی ئەکادیمی و کلتووری لەبارەی زمانی دایکەوە بەڕێوە دەچن

TUESDAY, 20 FEBRUARY 2024 21:02:45

ھەولێر-KDP.info- له‌ ڕۆژی جیهانیی زمانی دایكدا کە 21ی شوباتی هەر ساڵێکە، سبه‌ی چوارشه‌ممه‌ چەندین چالاکیی جۆراوجۆری ئەکادیمی و کلتووری لەبارەی زمانی دایکەوە لە هەرێمی کوردستان بەڕێوە دەچن.

 
سەفین دزەیی: پەیوەندییەكانمان لەگەڵ ژاپۆن توند و تۆڵ و بەهێزن

TUESDAY, 20 FEBRUARY 2024 20:02:44

ھەولێر-KDP.info- بەرپرسی فەرمانگەی پەیوەندییەکانی دەرەوەی هەرێمی کوردستان، ئاماژە بەوە دەکات، دەرفەتی وەبەرهێنان لە هەرێمی كوردستان لەبەردەم كۆمپانیا و وەبەرهێنەرە ژاپۆنییەكاندا هەیە و دەرگایان كراوەیە بۆ وەبەرهێنەرە ژاپۆنییەكان. دزەیی گوتیشی: پێكەوە لەگەڵ كۆمەڵگەی نێودەوڵەتی توانیمان داعش لەناوبەرین، بەڵام هێشتا کارەکە تەواو نەبووە و هەڕەشەی داعشیش ماوە.

 


 
© 2023 Kurdistan Democratic Party, KDP

Contact