Kurdî  ■  كوردی  ■  عربي
WED, 24 JUL 2024 18:29 Erbil, GMT +3
پارتی دیموکراتی کوردستان
ئازادی . دیموکراسی . دادپەروەری
 

وەزارەتی پەروەردە: کاردەکەین بۆ ئەوەی لەسەر جەم قوتابخانەکان یەک دەوام هەبێت
| KDP.info


هەولێر_KDP.info_ لە کابینەی نۆیەمی حکومەتی هەرێمی کوردستان زیاتر لە هەزار و600قوتابخانەی تازە دروستکراون ونوژەنکراونەتەوە وپرۆسەکەش بەردەوامە ، بریکاری وەزارەتی پەروەردەی  حکومەتی هەرێمی کوردستانیش دەڵێت ، ئامانجی ئێمە ئەوەیە لە هەموو قوتابخانەکان تەنها یەک دەوام بکرێت.

بریکاری وەزارەتی پەروەردەی حکومەتی هەرێمی کوردستان، دکتۆر سەیوان فەرەج بۆ ماڵپەڕی فەرمیی پارتی دیموکراتی کوردستان گوت ، حکومەتی هەرێمی کوردستان لە کابینەی نۆیەم گرنگیەکی تایبەتی بە کەرتی پەروەردە ودروستکردنی قوتابخانەی تازە داوە وئێمەش سەرژمێریەکمان کردووە لە هەرێمی کوردستان چەند قوتابخانەمان پێویستە وچەندی نوژەنبکرێتەوە و چەندی ژووری تازەی بۆ دروست بکرێت  و بەخۆشحاڵیەوە هەنگاوی باش نراوە و بەردەوامیش لەگەڵ حکومەت لەسەر خەتین بۆ چارەسەر کردنی کێشەی کەمی بینا لە هەرێمی کوردستان بۆ قوتابخانەکان.
دکتۆر سەیوان فەرەج گوتیشی، نەک تەنیا لەگەڵ حکوومەت بگرە لەگەڵ کەرتی تایبەت و سەرمایەدارانیش لەسەر خەتین، ئامانجی ئێمە ئەوەیە دەوامی قوتابخانەکان لەهەرێمی کوردستان بکرێتە یەک دەوامی، بۆ ئەوەی بتواندرێت چاڵاکی زیاتر ئەنجامبدرێت، بۆیە بەردەوام کاری لەسەر دەکەین و هەوڵدەدەین کێشەی کەمی بینا چارەسەر بێت و دەوامی قوتابخانەکان بکرێنە یەک دەوامی و هەنگاوی باشیش نراوە و بەردەوام  قوتابخانەی تازە لە هەرێمی کوردستان دەکرێنەوە.
بەپێی ئامارێکی وەزارەتی پەروەردەی حکومەتی هەرێمی کوردستان لەکابینەی نۆیەمی حکومەتی هەرێمی کوردستان 109قوتابخانە دروست کراون و کارەکانی تەواو بوونە و کەوتۆتە خزمەت قوتابیان و چەندین قوتابخانەی دیکەش لە بواری جێ بەجێکردن دان و لەم کابینەیە هەزار و 511قوتابخانە نوژەنکراونەتەوە و461ژووری نوێ دروستکراون و رەزامەندی 348ژووری تازە هەیە ، بۆ ئەوەی دەست بەدروستکردنی بکرێت.
بڵند ئیبراهیم




دوایین هەواڵەکان

سه‌رۆكى دیوان پێشوازى له‌ پارێزگارى پارتى شه‌مس كرد

WEDNESDAY, 24 JULY 2024 16:07:59

ھەولێر-KDP.info-  نیوه‌ڕۆى ئه‌مڕۆ چوارشەممە ٢٤/٧/٢٠٢٤ به‌ڕێز فه‌وزى هه‌ریرى، سه‌رۆكى دیوانى سه‌رۆكایه‌تیى هه‌رێمى كوردستان، پێشوازى له‌ به‌ڕێز زه‌ید ئه‌لتاله‌قانى، پارێزگارى پارتى شه‌مشى عێراقى كرد.

 
وەزیری ناوخۆ ئیمزای لەسەر هەمواری رێنمایی پلەبەرزکردنەوەی ئەفسەرانی هێزەکانی ئاسایشی ناوخۆ کرد

WEDNESDAY, 24 JULY 2024 15:07:09

ھەولێر-KDP.info-  وەزیری ناوخۆی هەرێمی کوردستان واژووی لەسەر هەمواری رێنمایی پلەبەرزکردنەوەی ئەفسەرانی هێزەکانی ئاسایشی ناوخۆ کرد.

 
بەرپرسی لقی ١٦: ئەو پڕۆژانە لە ماوەیەکی نزیکدا دەکەونە بواری جێبەجێکردنەوە

WEDNESDAY, 24 JULY 2024 12:07:41

ھەولێر-KDP.info- بەرپرسی لقی ١٦ی پارتی دیموکراتی کوردستان ڕایگەیاند، وەکو لقی ١٦ی پارتی لە سنووری دەوروبەری ھەولێر، ھەمیشە پردێکی بەھێز دەبین بۆ گەیاندنی داواکاریی خەڵکی خۆمان و خۆشمان بە پارێزەری خەڵک دەزانین، ھەر بۆیە داواکاریی خەڵک بە حکوومەت دەگەیەنین و حکوومەتیش بەپێی توانا داواکاریی خەڵکی خۆمان جێبەجێ دەکات و خزمەتگوزارییان پێشکەش دەکات.

 
عه‌لی حوسێن: هه‌ر كاتێك پێویست بێت كۆبوونه‌وه‌ له‌گه‌ڵ یه‌كێتی ده‌كرێت

WEDNESDAY, 24 JULY 2024 11:07:23

سلێمانی-KDP.info- عه‌لی حوسێن، به‌رپرسی ئه‌نجوومه‌نی سه‌ركردایه‌تیی سلێمانی - هه‌ڵه‌بجه - ڕاپەڕینی‌ پارتی دیموكراتی كوردستان ئاماژه‌ به‌وه‌ ده‌كات، كه‌ پارێزگاری كه‌ركووك به‌بێ ڕێككه‌وتن له‌گه‌ڵ پێكهاته‌كانی دیكه‌ی شاره‌كه‌ دانانرێت، پارتیش له‌ گفتوگۆدایه‌ و ده‌یه‌وێت ئه‌و پرسه‌ چاره‌سه‌ر بكرێت.

 
پۆلیسی هەولێر بۆ KDP: دەستمان بەسەر سەدان پارچە چەکدا گرتووە

WEDNESDAY, 24 JULY 2024 10:07:58

هەولێر-KDP.info- بەڕێوەبەرایەتیی پۆلیسی پارێزگای هەولێر ڕایدەگەیەنێت، هەڵمەتی دەستبەسەرداگرتنی چەکی بێ مۆڵەت و نایاسایی و قەدەغەکراو بەردەوامە و لەو چوارچێوەیەشدا بە فەرمانی سەرۆکی حکوومەتی هەرێمی کوردستان، دەستیان بەسەر سەدان پارچە چەکدا گرتووە و چەندین تۆمەتباریشیان دەستگیر کردووە.

 


 
© 2023 Kurdistan Democratic Party, KDP

Contact