Kurdî  ■  كوردی  ■  عربي
SAT, 9 DEC 2023 01:49 Erbil, GMT +3
پارتی دیموکراتی کوردستان
ئازادی . دیموکراسی . دادپەروەری
 

کاندیدێکی پارتی: ئامانجمان ئاوەدانی کەرکووکە
| KDP.info


کەرکوک_KDP.info_ کاندیدی ژمارە 9ی لیستی 197ی پارتی دیموکراتی کوردستان بۆ ئەنجومەنی پارێزگای کەرکوک گوتی، پارێزگاری سەپێندراوی کەرکووک نووسراوی بۆ وەزارەتی بەرگری عێراق کردووە بۆ دابەشکردنی 330شوقە بۆشەهیدان، کە خەڵکی کەرکووک نییە.

ئاکۆ  سلێمان ناسراو بە رابەر، کاندیدی ژمارە 9ی لیستی 197ی پارتی دیموکراتی کوردستان بۆ ئەنجومەنی پارێزگای کەرکوک، بۆ ماڵپەڕی فەرمیی پارتی دیموکراتی کوردستان گوتی، پرۆسەی بانگەشەی هەڵبژاردن لە کەرکووک بەشێوەیەکی باش بەردەوامی هەیە لە لایەن کاندیدانی پارتی دیموکراتی کوردستان، چونکە کاندیدەکانی پارتی دیموکراتی کوردستان زۆر بەهێزن و لەهەموو بوارەکانی ژیان شارەزای باشیان هەیە و گەڕانەوەی پارتی گرنگی زۆری هەبوو، چونکە لەوەتەی پارتی گەڕاوەتەوە هیچ کێشە لە کەرکووک ڕووینەداوە و لەسەر رێنمایی سەرۆک بارزانیش پێویستە کار بۆ پێکەوەژیان ویەکتر قبولکردن بکەین و باشترین بەڵگەش بەخشینی بارەگای پارتی بوو لەلایەن سەرۆک بارزانی بە زانکۆی کەرکوک، بۆیە خەڵکێک دەیەوێت گرفت دروست بکات، بەڵام ئێمە قەت نامانەوێت بچێنە ناو هیچ کێشەیەکەوە و دەمانەوێت بەئارامی بانگەشە بەڕێوە بچێت و هیچ کاردانەوەمان نەبووە، لەبەر ئەوەی کەرکوک بێ پارتی وەک جەهەنەم وایە.
دەشڵێت، ئامانجی پارتی لەگەڕانەوە بۆ کەرکووک ئاشتی و پێکەوەژیان و ئاوەدانی شارەکەیە بۆ هەموو پێکهاتەکان بێ جیاوازی، چونکە دەمانەوێت لەرێگەی ئەنجومەنی پارێزگای کەرکوک خزمەت گوزاری بۆ خەڵکی شارەکە دابین بکەین و خزمەتی شارەکە بکەین، بۆیە ئێمە بەڵێن دەدەین  بەکردار جێبەجێی بکەین نەک بەڵێنی بێ کردار، چونکە پارتی هەمیشە کە بەڵێنێک بدات لەسەر بەڵێنەکەی خۆی دەبێت و جێ بەجێی دەکات، هەر بۆیە هەموو پێکهاتەکان بە بوونی پارتی دڵخۆشن کە دەزانن خزمەتیان دەکرێت.
ئاکۆ گوتیشی، پارێزگاری ئێستا بەردەوامە لەکارەکانی خۆی دژی خەڵکی کەرکوک و نووسراوی کردووە بۆ وەزارەتی بەرگری عێراق بۆ ئەوەی 330شوقە لەناوچە سەیادە بداتە شەهیدانی و ەزارەتی بەرگری عێراق کە خەڵکی کەرکوک نین بۆ ئەوەی تەعریبی زیاتر بکات و بیکاتە بانگەشە بۆ خۆی، بۆیە ئەوپارێزگارە جگە لە کاری سەقەت هیچی نەکردووە، هەر بۆیە مژدەی سەرکەوتن دەدەینە خەڵکی خۆمان و لەرێگەی ئەنجومەنی پارێزگای کەرکوک خزمەتیان دەکەین ودەستەڵاتەکانی ئەو پارێزگارە ڕەتدەکەینەوە.
بڵند ئیبراهیم
 




دوایین هەواڵەکان

سه‌رۆكى هه‌رێمى كوردستان به‌دواداچوون بۆ ڕووداوه‌ دڵته‌زێنه‌كه‌ى سۆران ده‌كات

SATURDAY, 09 DECEMBER 2023 00:12:28

ئیمشه‌و هه‌ینى 2023/12/8 به‌ڕێز نێچیرڤان بارزانى، سه‌رۆكى هه‌رێمى كوردستان له‌ په‌یوه‌ندییه‌كى ته‌له‌فۆنیدا له‌گه‌ڵ به‌ڕێز هەڵگورد نەجیب، سەرپەرشتیاری ئیدارەی سەربەخۆی سۆران، به‌دواداچوونى بۆ ڕووداوى ئاگركه‌وتنه‌وه‌ له‌ باڵاخانه‌یه‌كى سۆران كرد كه‌ له‌ ئه‌نجامدا ژماره‌یه‌ك له‌ نیشته‌حێبووانى گیانیان له‌ده‌ستدا و ژماره‌یه‌كى دیكه‌ش بریندار بوون.

 
پەیامێک لە سەرۆک بارزانییەوە

SATURDAY, 09 DECEMBER 2023 00:12:40

بەبیستنی هەواڵی ناخهەژێنی ئاگركەوتنەوە لە باڵاخانەیەكی نیشتەجێبوون لە شاری سۆران زۆر خەمبار بووم، كە بەداخەوە لەو ڕووداوەدا ژمارەیەك هاووڵاتی گیانیان لەدەستداوە و ژمارەیەكی تریش بریندار بوون. پرسە و سەرخۆشیی خۆم ئاراستەی بنەماڵە و كەسوكاری قوربانیانی ئەو كارەساتە دەكەم و خۆم بە هاوبەشی خەمیان دەزانم.

پەیامێک لە سەرۆک بارزانییەوە

SATURDAY, 09 DECEMBER 2023 00:12:24

هه‌ولێر-KDP.info- سەرۆک بارزانی لەبارەی رووداوی ئاگرکەوتنەوە لە باڵەخانەیەکی نیشتەجێبوونی سۆران پەیامێکی سەرەخۆشی بڵاوکردەوە.

 
هەڵگورد نەجیب: لیژنەیەک بۆ ئاشکراکردنی هۆکاری روداوەکە پێکدەهێنرێت

FRIDAY, 08 DECEMBER 2023 23:12:42

سۆران-KDP.info- سەرپەرشتیاری ئیدارەی سه‌ربه‌خۆی سۆران رایگەیاند، ئەو کەسانەی لە روداوی ئاگرکەوتنەوەکە گیانیان لەدەستداوە 10یان پیاون و 4یان ژنن دۆخی بریندارەکان لە ئێستادا جێگیرە، لیژنەیەکی تایبەت بە لێکۆڵینەوە لەسەر روداوەکەش پێکدەهێنرێت.

 
مەسروور بارزانی پەیوەندیی بە سەرپەرشتیاری ئیدارەی سەربەخۆی سۆرانەوە کرد

FRIDAY, 08 DECEMBER 2023 22:12:34

هه‌ولێر-KDP.info- سەرۆکی حکوهومەتی هەرێمی کوردستان لەبارەی رووداوی ئاگرکەوتنەوە لە باڵەخانەیەکی سۆران، پەیوەندی بە بەرپرسی ئیدارەی سەربەخۆی سۆران دەکات و دامەزراوە پەیوەندیدارەکانی حکوومەتی راسپارد کە هەرچی پێویستە بۆ هاوکاری و بەهاناوەچوونی لێقەوماوانی رووداوەکە بکەن.

 


 
© 2023 Kurdistan Democratic Party, KDP

Contact