Kurdî  ■  كوردی  ■  عربي
TUE, 15 JUL 2025 23:25 Erbil, GMT +3
پارتی دیموکراتی کوردستان
ئازادی . دیموکراسی . دادپەروەری
 

مامۆستایەکی زانکۆ: گەڕانەوەی پارتی بۆ کەرکووک واتە گەڕانەوەی کورد
| KDP.info


کەرکوک_KDP.info_ ماموستایەکی زانکۆی کەرکوک دەڵێ، لە ماوەی شەش ساڵی ڕابردوو  تەعریبێکی زۆر کراوە،  بۆیە گرنگە جارێکی دیکە کورد دەستەڵات بگرێتەوە دەست بەتایبەت پارتی، چونکە هەمووان گەڕانەوەی پارتی بۆ کەرکوک بە گەرانەوەی کورد دەزانن و پرسە کوردیەکانیش هەمووی لەسەر پارتی حیساب دەکرێت ، هەر بۆیە پارتی لە کەرکووک قورسایەکی زۆری هەیە.

دکتۆر هەڵۆ محەمەد ساڵح، ماموستا لە کۆلیژی یاسا  لە زانکۆی کەرکوک، بۆ ماڵپەڕی فەرمیی پارتی یموکراتی کوردستان گوتی، دوای ڕووداوەکانی 16ی ئۆکتۆبەر گۆرانکاری زۆر لە کەرکوک ڕوویداوە نزیکەی 500 بۆ ملیۆنێک کەس خەڵک هێندراون بۆ کەرکوک و ئیدارەی کەرکوک هەموو کارێکیان بۆ کردووە لەپێدانی زەوی وگواستنەوەی ڕاژە و لەرێگەی مادەی140بۆیان کراوە، بۆیە کە ئەمە بۆ خەڵکێک بکەی هەموو شتێکت بۆ دەکات، بەڵام  کە پارتی گەرایەوە بۆ کەرکوک لەناو کەرکوک و دامودەزگا حکومیەکانیش هەمووی دڵخۆش بوون وپێیان وابوو کورد گەڕایەوە بۆ کەرکوک.

دکتۆر هەڵۆ محەمەد ساڵح  گوتیشی، گرنگە هاوڵاتیانی کورد هانبدرێت بچن دەنگ بدەن و کورد سەرکەوێت، چونکە لەوەتەی دەستەڵات لە دەست عەرەب دایە ئێستا لە هەموو دەستکەوتەکان پشکی شێر و زۆرینە بۆ ئەوانە لەدامەزراندن و هەموو بوارەکانی دیکە، بۆیە سەلمێندرا کە ئەوان دەستەڵتداربن هیچ بۆ کورد ناکەن، بۆیە گرنگە جارێکی دیکە دەستەڵات بۆ کورد بگەرێتەوە و پشتگیری لە کورد وکاندیدانی پارتی بکرێت.
دەشڵێت ، لە کەرکوک حیسابێکی تەواو جیاواز بۆ پارتی دەکرێت و هەر کادیرێکی پارتی بەقەدەر زیاتر لە10کادیری لایەنەکانی دیکە حیسابی بۆ دەکرێت، چونکە بیانەوێت کەسێک لە حیزبێک لادەن هەر پرسیشی پێناکەن، بەڵام بۆ لادانی بچووکترین بەرپرسی پارتی رای وەردەگرن و ناتوانن بێ پارتی هیچ بکەن، بۆیە پارتی بەجۆرێک بەهێزە گەڕانەوەی بۆ کەرکوک کاریگەری تەواوی دروستکردووە، بۆیە گەڕانەوەی پارتی لای هەمووان واتا کورد گەڕاوەتەوە بۆ کەرکوک، بۆیە هەر پرسێک پەیوەندی بە کوردەوە هەبێت لەسەر پارتی حیسابی بۆ دەکرێت وپارتیش بەرگری لێ دەکات.
بڵند ئیبراهیم 




دوایین هەواڵەکان

نێچیرڤان بارزانی سەرەخۆشی لە خانەوادەی مامۆستا زەڵمی دەکات

TUESDAY, 15 JULY 2025 20:07:44

ھەولێر-KDP.info- سەرۆکی ھەرێمی کوردستان بەبۆنەی کۆچی دوایی مەعسوومە عەبدولقادر، ھاوژینی د. مستەفا زەڵمی، سەرەخۆشیی ئاراستەی بنەماڵەکانیان دەکات.

سەرۆک فراکسیۆنەکان: کورد بە یەکگرتوویی دەتوانێ بە ھەموو مافەکانی بگات

TUESDAY, 15 JULY 2025 19:07:00

بەغدا -KDP.info- سەرۆکی فراکسیۆنی پارتی دیموکراتی کوردستان و یەکێتی نیشتمانی کوردستان جەخت دەکەنەوە، یەکھەڵوێستی کورد دەبێتە ھۆی بەهێزبوونی کورد بەرامبەر بەغدا، دەشتوانێ مافەکانی بەپێی یاسا و دەستوور بەدەستبێنێت و پارێزگاریش لە دەستکەوتەکان بکات.

سەرۆکی سەنتەری لێکۆڵینەوەی سیاسی لە عێراق: پێویستە حکوومەتی عێراق لەم ھێرشەی سەر کەرتی وزە بکۆڵێتەوە

TUESDAY, 15 JULY 2025 15:07:39

بەغدا -KDP.info- سەرۆکی سەنتەری لێکۆڵینەوەی سیاسی لە عێراق دەڵێت: "ئەو ھێرشانەی دەکرێنە سەر کەرتی وزە لە ھەرێمی کوردستان، بەھۆی ئەوەیە ھەرێمی کوردستان لەو بوارە زۆر پێشکەوتووە و چاویان بەو پێشکەوتنانە ھەڵنایەت".

 
ڕاگه‌یه‌نراوێک له‌ سه‌رۆکایه‌تیی هه‌رێمی کوردستانه‌وه‌

TUESDAY, 15 JULY 2025 13:07:16

ھەولێر-KDP.info- سه‌رۆکایه‌تیی هه‌رێمی کوردستان، به‌ توندى سه‌ركۆنه‌ى ئه‌و هێرشانە دەكات كە به‌ درۆن ده‌كرێنه‌ سه‌ر ژێرخان و ناوچه‌ جیاجیاكان له‌ هه‌رێمى كوردستان. 

 
پشتیوان سادق باسی لە دواین پێشهات و گۆڕانکارییەکانی ناوخۆ و ناوچەكە کرد

TUESDAY, 15 JULY 2025 13:07:08

ھەولێر-KDP.info- ئەمڕۆ سێشەممە ١٥ی تەمموزی ٢٠٢٥، پشتیوان سادق، ئەندامی مەکتەبی سیاسیی و بەرپرسی مەکتەبی ڕێکخستنی پارێزگای هەولێری پارتی دیموكراتی كوردستان، لە بارەگای مەکتەبی ڕێکخستنی هەولێر، لەگەڵ ژمارەیەک هەڤاڵ و کادیرانی لقەکانی سنووری پارێزگای هەولێر كۆبووه‌وه‌.

 


 
© 2023 Kurdistan Democratic Party, KDP

Contact