Kurdî  ■  كوردی  ■  عربي
SAT, 9 DEC 2023 01:50 Erbil, GMT +3
پارتی دیموکراتی کوردستان
ئازادی . دیموکراسی . دادپەروەری
 

''وڵاتان دیتنێکی تایبەتیان بۆ کوردستان هەیە''
| KDP.info


ئەمرۆ شاری دهۆک بووەتە مەڵبەند و کۆکراوەی سەرکردە سیاسییەکانی جیهان بۆ گفتووگۆکردن لە سەر ئاسایش و ئاشتی لە ناوچەکە، چوارەمین کۆڕبەندی  ئاشتی و ئاسایش لە ڕۆژهەڵاتی ناڤین بەڕێوەدەچیت و دوو ڕۆژ دەخایەنێت و سەرکردە سیاسییەکانی جیهان لەسەر ئاشتی ناوچەکە گفتوگۆ دەکەن، لەو بارەیەوە دڵشاد شەهاب، وتەبێژی سەرۆکایەتی هەرێمی کوردستان گوتی: بەیەکگەیشتنی ئەم بیرکردنەوە جیاوازانە و گفتوگۆکردن لەسەر ئایندەسازی و چۆنیەتی پارێزگاری و باشتکردنی سەقامگیری لە ڕۆژهەڵاتی ناڤین و هەڵبژاردنی هەرێمی کوردستان و بە تایبەتی شاری دهۆکی ڕەنگین بۆ ئەم کۆڕبەندە زۆر مانای گرنگی هەن بە تایبەتی لەم کاتە هەستیارەی جیهان بە گشتی و ڕۆژهەلاتی ناڤین بە تایبەتی پێیدا تێپتڕ دەبن.

دلشاد شەهاب ئاماژەیشیدا: هەڵبژاردنی هەرێم وەک فاکتەرێکی سەقامگیری و وەک شوێنێک هەرێمی کوردستان هەلبژێردرا و دەستپێشخەربووە باس لە سەقامگیری بکرێت، پێش ئەوەی مرۆڤ باسی سەقامگیری بکات دەبێت خۆی سەقامگیر بێت، هەرێمی کوردستان هەرێمێکی سەقامگیرە و سەرچاوەی سەقامگیرییە لە ناوچەکە، بە هەموو پێوەرەکان بە پێوەری ناوخۆیی لە سەر ئاستی عێراق، لەسەر ئاستی ناوچە و لە سەر ئاستی نێودەوڵەتی ئەو کەسانەی بەشداربوون و ئەو پەیامانەی پێشکێشکران تێڕوانینی باشن و دڵینام دەرئەنجامی باش دەبن و کاریگەری باش لەسەر پرۆسەی سیاسیی ناوچەکە بەجێدەهێڵن.

ئەوەیشی خستەڕوو: ڕاگرتنی ئەو باڵانسە و هاوسەنگی مامەڵەکردنی لایەنە ناکۆکەکان لە ناوچەکە بە گشتی و ئەو ناکۆکییانەی لە ناوچەکە هەبوونە هەرێمی کوردستان توانیویە سەرکەوتوانە مامەڵە لەگەڵ ئەو هاوکێشە دژبەیەکانە بکات کە لە ناوچەکەدا دەگوزەرێن، ئەو هێزانە زۆر ئەستەمە بەیەک بگەن بەڵام لە کوردستان بەیەک دەگەن.

لەبارەی پێگەی هەرێمی کوردستان و هاتنی سەرکردە سیاسییەکانی ناوچەکە گوتی: ئەو کۆبوونەوە و دیدارانەی لە هەرێمی کوردستان ڕێکدەخرێن مانا و مەخزای لە هەرێمێکی فیدراڵی پچووک زۆر گەورەترە، پێگەی هەرێم زۆر لەوە زیاتر و گەورەترە لەوەی سەیردەکرێت، بەداخەوە هەندێک جار لەسەر ئاستی ناوخۆی خودی هەریمی کوردستان و لە نێوخۆی عیراقدا سەیر دەکرێت، دیداری میبس نموونەیەکی ترە لە زیندەوویی هەرێمی کوردستان لە هاوکێشەکانی ناوچەکە لە سەر کاریگەری ڕووداوەکان، یەکەمین خاڵی سەرکەوتن و هەنگاوی دەستپێک پێداچوونەوەیە بە کێشەکانی نێوخۆی هەرێمی کوردستان و بەردەوامیدان لەسەر ئەو نەهجەی لەگەڵ عێراق هەیەتی بۆ چارەسەرکردنی کێشەکان و بەردەوامیدان و پەرەپێدانی پەیوەندییە دووقۆڵییەکانی لەگەڵ دراوسێیەکان، دیسانەوە ئەمەش پێناسەیەکی دیکەی هەرێمی کوردستانە و فاکتەرێکی بەهێزی سەقامگیری کوردستانە و فاکتەری دۆستایەتییە بۆ ولاتە دراوسێیەکانی، نەک نابێتە بەشێک لە گرفت بەڵکو دەبێتە سەرچاوەیەک بۆ کۆکردنەوەی ئاراستە دروستەکان.


کـــاروان بـــاعەدری




دوایین هەواڵەکان

سه‌رۆكى هه‌رێمى كوردستان به‌دواداچوون بۆ ڕووداوه‌ دڵته‌زێنه‌كه‌ى سۆران ده‌كات

SATURDAY, 09 DECEMBER 2023 00:12:28

ئیمشه‌و هه‌ینى 2023/12/8 به‌ڕێز نێچیرڤان بارزانى، سه‌رۆكى هه‌رێمى كوردستان له‌ په‌یوه‌ندییه‌كى ته‌له‌فۆنیدا له‌گه‌ڵ به‌ڕێز هەڵگورد نەجیب، سەرپەرشتیاری ئیدارەی سەربەخۆی سۆران، به‌دواداچوونى بۆ ڕووداوى ئاگركه‌وتنه‌وه‌ له‌ باڵاخانه‌یه‌كى سۆران كرد كه‌ له‌ ئه‌نجامدا ژماره‌یه‌ك له‌ نیشته‌حێبووانى گیانیان له‌ده‌ستدا و ژماره‌یه‌كى دیكه‌ش بریندار بوون.

 
پەیامێک لە سەرۆک بارزانییەوە

SATURDAY, 09 DECEMBER 2023 00:12:40

بەبیستنی هەواڵی ناخهەژێنی ئاگركەوتنەوە لە باڵاخانەیەكی نیشتەجێبوون لە شاری سۆران زۆر خەمبار بووم، كە بەداخەوە لەو ڕووداوەدا ژمارەیەك هاووڵاتی گیانیان لەدەستداوە و ژمارەیەكی تریش بریندار بوون. پرسە و سەرخۆشیی خۆم ئاراستەی بنەماڵە و كەسوكاری قوربانیانی ئەو كارەساتە دەكەم و خۆم بە هاوبەشی خەمیان دەزانم.

پەیامێک لە سەرۆک بارزانییەوە

SATURDAY, 09 DECEMBER 2023 00:12:24

هه‌ولێر-KDP.info- سەرۆک بارزانی لەبارەی رووداوی ئاگرکەوتنەوە لە باڵەخانەیەکی نیشتەجێبوونی سۆران پەیامێکی سەرەخۆشی بڵاوکردەوە.

 
هەڵگورد نەجیب: لیژنەیەک بۆ ئاشکراکردنی هۆکاری روداوەکە پێکدەهێنرێت

FRIDAY, 08 DECEMBER 2023 23:12:42

سۆران-KDP.info- سەرپەرشتیاری ئیدارەی سه‌ربه‌خۆی سۆران رایگەیاند، ئەو کەسانەی لە روداوی ئاگرکەوتنەوەکە گیانیان لەدەستداوە 10یان پیاون و 4یان ژنن دۆخی بریندارەکان لە ئێستادا جێگیرە، لیژنەیەکی تایبەت بە لێکۆڵینەوە لەسەر روداوەکەش پێکدەهێنرێت.

 
مەسروور بارزانی پەیوەندیی بە سەرپەرشتیاری ئیدارەی سەربەخۆی سۆرانەوە کرد

FRIDAY, 08 DECEMBER 2023 22:12:34

هه‌ولێر-KDP.info- سەرۆکی حکوهومەتی هەرێمی کوردستان لەبارەی رووداوی ئاگرکەوتنەوە لە باڵەخانەیەکی سۆران، پەیوەندی بە بەرپرسی ئیدارەی سەربەخۆی سۆران دەکات و دامەزراوە پەیوەندیدارەکانی حکوومەتی راسپارد کە هەرچی پێویستە بۆ هاوکاری و بەهاناوەچوونی لێقەوماوانی رووداوەکە بکەن.

 


 
© 2023 Kurdistan Democratic Party, KDP

Contact