Kurdî  ■  كوردی  ■  عربي
SAT, 25 MAY 2024 22:35 Erbil, GMT +3
پارتی دیموکراتی کوردستان
ئازادی . دیموکراسی . دادپەروەری
 

کاندیدی ژمارە 10ی پارتی لە کەرکووک: لەم هەڵبژاردنە سەرکەوتنی گەورە بەدەستدێنین
| KDP.info


کەرکووک_kdp.INFO_  کاندیدی ژمارە 10ی پارتی دیموکراتی کوردستان لە لیستی 197ی پارتی بۆ ئەنجوومەنی پارێزگای کەرکووک گوتی: گەڕانەوەی پارتی دیموکراتی کوردستان لای هەموو خەڵک و پێکهاتەکان واتای گەڕانەوەی کوردە بۆ کەرکووک بۆیە لەم هەڵبژاردنە پارتی سەرکەوتنی گەورە بەدەست دێنێت.

دکتۆر محەمەد خورشید، کاندیدی ژمارە 10ی پارتی دیموکراتی کوردستان لە لیستی 197ی پاتی بۆ ئەنجوومەنی پارێزگای کەرکووک بۆ ماڵپەڕی فەرمیی پارتی دیموکراتی کوردستان گوتی: هەموو ڕێکارێکی پێویست لە لایەن کۆمسیۆن گیراوەتە بەر بۆ ئەنجامدانی هەڵبژاردنی ئەنجوومەنی پارێزگاکان و پێم وایە لەکاتی خۆی هەڵبژاردن دەکرێت، ئەوانەی هەوڵی ئەوە بدەن هەڵبژاردن دوابخرێت لە دۆڕان و شکەست دەترسێن و دەزانن سەرکەوتوو نابن و دەزانن جەماوەر سزایان دەدات، ئەگەر نا بوونی ئەنجوومەنی پارێزگا زۆر گرنگە بۆ ئەوەی چاودێری ئیدارەی پارێزگاکان بکات، پێم وایە لەکاتی خۆی هەڵبژاردن دەکرێت، چونکە پارتی دیموکراتی کوردستان بە کاندیدی بەهێز و بە گڕوتینێکی زۆرەوە خۆی بۆ هەڵبژاردن ئامادە کردووە و ئامادەین بۆ هەڵبژاردن.
دکتۆر محەمەد خورشید گوتیشی: گەڕانەوەی پارتی دیموکراتی کوردستان بۆ کەرکووک وای کردووە ترس لای خەڵکی نەیار و لایەنەکان دروستبێت بەوەی پارتی بەهێزە و خەڵک پشتگیری دەکات و دەنگی باش بەدەست دێنێت، چونکە هەموو هەوڵێک درا بۆ ئەوەی پارتی نەگەڕێتەوە بۆ کەرکووک و ترسێکی گەورەیان هەبوو، ئێستا گەڕاوەتەوە ترسەکەیان زیاتر بووە، چونکە دەزانن خەڵک پەرۆشی ئەوەبوو پارتی واتا کورد بگەڕێتەوە بۆ کەرکووک.
خورشید باسی لەوەش کرد: خەڵکی کەرکووک بە هەموو تاک و پێکهاتەکانەوە دڵخۆشن بە بوونی پارتی لە کەرکووک و دەزانن پارتی بە شۆکۆ و هێزەوە گەڕاوەتەوە بۆ کەرکووک، بۆیە دڵنیابن پارتی لەم هەڵبژاردنە سەرکەوتنی گەورە بەدەست دێنێت.

بڵند ئیبراهیم 




دوایین هەواڵەکان

بەیاننامەیەک لە مەکتەبی سیاسی پارتی دیموکراتی کوردستانەوە

SATURDAY, 25 MAY 2024 20:05:58

ھەولێر-KDP.info- بەبۆنەی ٤٨مین ساڵوەگەڕی بەرپابوونی شۆڕشی گوڵانی پێشکەوتنخواز، مەکتەبی سیاسیی پارتی دیموکراتی کوردستان بەیاننامەیەکی بڵاوکردەوە.

 
هەڵگیرسانی شۆڕشی گوڵان بەرز ڕاگیرا

SATURDAY, 25 MAY 2024 19:05:31

دهۆک -KDP.info- ئەمڕۆ بەبۆنەی 48مین ساڵوەگەڕی بەرپابوونی شۆڕشی گوڵانی پێشکەوتنخواز چەندین چالاکی بەڕێوەچوون و باس لە قۆناغی دەسپێکردنی شۆڕش کرا.

 
دەست بە دروستکردنی نەخۆشخانەی ١٠٠ تەختی باشیک کرا

SATURDAY, 25 MAY 2024 19:05:49

باشیک -KDP.info- ئەندامی ئەنجوومەنی پارێزگای مووسڵ لە فراکسیۆنی پارتی دیموکراتی کوردستان گوتی: دوای ھەوڵێکی زۆر، بە گوژمەی ٧٧ ملیار دینار دەست بە دروستکردنی نەخۆشخانەی ١٠٠ تەختی باشیک کرا.

 
پرسەنامەیەک لە سەرۆکوەزیرانی ھەرێمەوە

SATURDAY, 25 MAY 2024 18:05:25

ھەولێر-KDP.info-  بۆ كۆچی دوایی خوالێخۆشبوو (حەسەن مستەفا محیەدین)، مه‌سروور بارزانی سه‌رۆكوه‌زیرانی هه‌رێمی كوردستان، پرسه‌نامه‌یه‌كی بڵاوكرده‌وه‌ کە ئەمە دەقەکەیتی:

 
سەردانەکانی شاندی هەرێم بۆ بەغدا ئەنجامی باشی هەیە

SATURDAY, 25 MAY 2024 18:05:25

بەغدا-KDP.info-  هه‌وڵه‌كانی هه‌رێمی كوردستان به‌ئاراسته‌ی ڕێکكه‌وتن و تێکگه‌یشتن له‌گه‌ڵ به‌غدا ئه‌نجامی باشی هه‌یه‌، حكوومه‌تی هه‌رێمی كوردستان ئامانجی بوو گرفته‌كان له‌گه‌ڵ به‌غدا چاره‌ بكات، بۆ ئه‌م مه‌به‌سته‌ چه‌ندین شاندی كوردستان چونه‌ته‌ به‌غدا و گفتوگۆیان كردووه‌.

 


 
© 2023 Kurdistan Democratic Party, KDP

Contact