Kurdî  ■  كوردی  ■  عربي
FRI, 19 JUL 2024 11:56 Erbil, GMT +3
پارتی دیموکراتی کوردستان
ئازادی . دیموکراسی . دادپەروەری
 

لە ڕێگەی پارتی دیموکراتی کوردستانەوە دەمەوێ خزمەت بە ئێزدییەکان بکەم
| KDP.info


نەینەوا-KDP.info- ئێریڤان مەهدی، کاندیدی ژمارە ٢٣ لە لیستی ١٩٧ی پارتی دیموکراتی کوردستان بۆ ئەنجوومەنی پارێزگای نەینەوا رایگەیاند، ئەنجوومەنی پارێزگاکان، ئەنجوومەنی خزمەتگوزاریی تەشریعین، بۆیە ئامانجم لە خۆکاندیدکردنم، خزمەتکردنە بە ناوچە ئێزدینشینەکان و دەمەوێ ببمە دەنگی ئێزدییەکان و تەواوی پێکهاتەکانی دیکە.

ئێریڤان مەهدی، بۆ ماڵپەڕی فەرمیی پارتی دیموکراتی کوردستان گوتی: "چونکە زۆربەی ناوچە ئێزدینشینەکان دەکەونە ناوچە کێشەلەسەرەکان و ئەم ناوچانەش زۆر پەراوێز خراون لە هەموو ڕوویەکی خزمەتگوزارییەوە، بۆیە دەمەوێ لە ڕێگەی ئەم ئەنجوومەنەوە خزمەت بەم ناوچە ئێزدینشینانە بکەم".

ئێریڤان ڕوونیشی کردەوە: "لە ڕێگەی پارتی دیموکراتی کوردستانەوە، کە پارتێکە خزمەت بە هەموو پێکهاتە و ئایین و نەتەوەکان بە بێ جیاوازی دەکات، دەمەوێ خزمەت بە ئێزدییەکان بکەم، چونکە پەیڕەوانی ئەم ئایینە لە مێژوودا ڕووبەڕووی چەندین کۆمەڵکوژی و جینۆساید بوونەتەوە".

ناوبراو ئاماژەشی دا: "ئێستا ئێزدییەکان زیاتر لە هەموو کاتێک پێویستیان بە هاوکاری و ئاوەدانکردنەوەی ناوچەکانیانە، بۆیە دەمەوێ مافە زەوتکراوەکانی ئێزدییەکان بەدەست بهێنم".

ئێریڤان بە متمانەیەکی زۆرەوە دەڵێت: "دەخوازم ببمە دەنگی ئێزدییان و نوێنەرایەتیی خەڵکی خۆمان بکەم، ئەگەر متمانەی خەڵکم وەرگرت، دەنگی کچانی ئێزدی و هەموو ئەوانە دەبم کە خوێنیان بۆ ئەم خاکە بەخشیوە، هەروەها کار بۆ جێبەجێکردنی ڕێککەوتنی شنگال و گەڕانەوەی شەرعیەت بۆ شنگال دەکەین".

''خەڵک بڕوای تەواوی بە پارتی هەیە و پێشوازییەکی گەورەش لە کاندیدانی پارتی دەکەن، چونکە دەزانن لە ڕێگەی ئەم پارتەوە خزمەتگوزاری دەگاتە هەموو شوێنێک". ئێریڤان وای گوت.

 

کــــاروان بــــاعەدری

 




دوایین هەواڵەکان

وەزیری پەروەردە و تەندروستی لەبارەی (ھەژماری من)ەوە زانیارى ده‌خه‌نه‌ڕوو

FRIDAY, 19 JULY 2024 11:07:46

ھەولێر-KDP.info- وەزیری تەندروستی حکوومەتی ھەرێم لەبارەی ھەژماری منەوە دەڵێت: جێگای خۆشحاڵیە کەوا زۆربەی پزیشکانی وەزارەتی تەندروستی خاوەنی ھەژماری منن، ھاوکات وەزیری پەروەردەی حکوومەتی ھەرێمیش دەڵێ، مافی مامۆستایان لە ھەژماری من گەرەنتی کراوە و بۆ مانگی حوزەیران زیاتر لە ٣٢ ھەزار مامۆستا لەڕێی ھەژماری منەوە مووچەکەیان وەرگرتووە.

 
هەڵمەتێک لە مزگەوتەکانەوە دەستپێدەکات

THURSDAY, 18 JULY 2024 22:07:41

هه‌ولێر-KDP.info- شاندێکی ناوەندی هاوبەشی هەماهەنگی قەیرانەکان لەسەر پرسی کۆچی نایاسایی، لەگەڵ وەزارەتی ئەوقاف و کاروباری ئایینی هەماهەنگی و کاری هاوبەش دەکەن.

 
هەولێر و بەغدا لەسەر چەند خاڵێک لە بواری باج ڕێککەوتن

THURSDAY, 18 JULY 2024 21:07:11

ھەولێر-KDP.info- وەزارەتی دارایی هەرێمی کوردستان دەڵێت، لەگەڵ لیژنەی باڵای ڕێکخستنەوەی باج لە حکوومەتی فیدڕاڵی لەسەر چەند خاڵێک ڕێککەوتوون کە دەبنە هۆی کارئاسانی بۆ ئەو کارگە و کۆمپانیا و بانکانەی لە هەرێمی کوردستان و عێراق کاردەکەن.

 

فازڵ میرانی پێشوازی لە كونسوڵی نوێی کۆماری توركیا له‌ هه‌ولێر كرد

THURSDAY, 18 JULY 2024 19:07:35

ھەولێر-KDP.info- به‌رپرسی ده‌سته‌ی كارگێری مه‌كته‌بی سیاسی پارتی پێشوازی له‌ كونسوڵی گشتی نوێی كۆماری توركیا له‌ هه‌ولێر كرد، لە دیدارەکەشدا جەخت له‌سه‌ر پته‌وتركردنی په‌یوه‌ندییه‌كانی نێوان توركیا و هه‌رێمی كوردستان كرایەوە و هیوایان خواست كه‌ ناوچه‌كه‌ ئارام و سه‌قامگیربێت.

 

بێ ڕەزامەندیی ژینگە هیچ پاڵاوگەیەک مۆڵەتی پێ نادرێت

THURSDAY, 18 JULY 2024 17:07:45

ھەولێر-KDP.info- بەڕێوەبەری فەرمانگەی کاروباری ھونەری لە دەستەی ژینگەی ھەرێمی کوردستان ڕایدەگەیەنێت، زۆرینەی پاڵاوگە نایاساییەكان داخراون و ھەر پاڵاوگەیەک بیەوێت دامەزرێت و مۆڵەت وەربگرێت، پێویستە ڕەزامەندی لە نۆ شوێن وەربگرێت، ئەگەر نا ناتوانێت مۆڵەتی پێ بدرێت.

 



 
© 2023 Kurdistan Democratic Party, KDP

Contact