Kurdî  ■  كوردی  ■  عربي
SAT, 9 DEC 2023 01:59 Erbil, GMT +3
پارتی دیموکراتی کوردستان
ئازادی . دیموکراسی . دادپەروەری
 

د. هەوار: خەڵک چاوی لە دهۆکە.. کۆڕبەندەکە مەسجێکی گەورەیە
| KDP.info


دهۆک-KDP.info- ئەمساڵ پارێزگای دهۆک باوەشی بۆ گەورەترین کۆڕبەندی ساڵ کردووەتەوە، کە چوارەمین گەڕی کۆڕبەندی ئاشتی و ئاسایشی ڕۆژهەڵاتی ناڤینە و زانکۆی ئەمریکی- کوردستان لە دهۆک لە ژێر دروشمی (نۆژەنکردنەوە و پێداچوونەوە و خۆڕاگریی پاشەڕۆژی ڕۆژهەڵاتی ناڤین) دەستی پێکردووە.

وەک هەمیشە دەستپێکردنی کۆڕبەندەکە بە چەندین وۆرکشۆپی تایبەت لە لایەن کەسانی شارەزای سیاسی لەسەر ئاستی جیهان دەربارەی ئاسایشی ناوچەکە و سیاسەت و گۆڕانی کەشوهەوا و بابەتە ستراتیژییەکان بەڕێوە دەچن.

لە کۆڕبەندەکەدا، زیاتر لە ٨٥٠ کەس لە ٥٠ وڵاتی جیاوازەوە بەشدارن و لەسەر پرسە جیاوازەکان گفتوگۆ دەکەن، تا ئێستاش ١١ وۆرکشۆپ بەڕێوە چوون و بڕیارە ئەمڕۆ و سبەی ١٨ پانێڵی جیاواز بەڕێوە بچن.

بە گوتەی شارەزایان، ئەم کۆڕبەندە دەبێتە پلاتفۆڕمێک بۆ گفتوگۆکردنی هەموو کێشە تایبەتەکان و سەرجەم سیاسەتمەدار و پسپۆڕ و رۆژنامەنووس و شارەزایانی هەموو بوارەکان لە دهۆک کۆدەبنەوە و باس لە پرسی ئاسایش و سیاسەت و ئابووریی ناوچەکە دەکەن.

لە کۆڕبەندەکەدا دۆخی نێوخۆیی هەرێمی کوردستان و پەیوەندییەکانی لەگەڵ عێراق و دۆخی تایبەتی عێراق و ناوچەکە گفتوگۆ دەکرێت و، هەروەها کاریگەریی دۆخەکە لەسەر جیهان و ڕووداوەکانی جیهانیش لەلایەن سیاسەتمەدارانی کورد و عێراق و جیهانەوە شرۆڤە دەکرێن.

لەو بارەیەوە، د. هەوار نێروەیی، مامۆستای زانستە سیاسییەکان لە زانکۆی دهۆک پێی وایە، ئەم کۆڕبەندە لەم کات و ساتەدا گرنگییەکی زۆری هەیە، لەبەر ئەوەی ئێستا ڕووداوە گرنگەکان لە جیهان و عێراقدا ڕوودەدەن و خەڵک چاوی لە دهۆکە.

نێروەیی دەشڵێ، هاتنی ئەم سەرکردانە بایەخەکەی لەوەدایە، کە بە چاوی خۆیان دەبینن هەرێمی کوردستان ئارامە و دواتر دەبێتە دەرفەتێک تا خەڵک زیاتر سەردانی ئەم ناوچەیە بکەن، کە جیۆپۆلەتیکی ئەم ناوچەیە گرنگە لەبەر ئەوەی هاوسنوورە لەگەڵ چەندین وڵاتی نێودەوڵەتی وەک عێراق، تورکیا و سووریا.

بە بۆچوونی ئەو، دهۆک لە مێژووی سیاسیی ناوچەکەدا گرنگییەکی گەورەی هەیە و ڕۆڵی گرنگی سیاسیی گێڕاوە و بانکێکی گەورەی پرۆسەی دەنگدان و ڕاکێشانی خەڵکە بۆ ئەم ناوچەیە لە رووی خزمەتگوزاری و وەبەرهێنان و ئاوەدانکردنەوەوە.

وەک د. هەوار نێروەیی بۆ ماڵپەڕی فەرمیی پارتی دیموکراتی کوردستان ئاماژەی دا، هاتنی ئەکادیمیسیەن و پسپۆڕ و سیاسەتمەداران بۆ گفتوگۆکردنی مژارە جیاوازەکان، دەبێتە سەردێڕی رۆژنامەوانیی نێودەوڵەتی و ئەمەش دەبیتە هۆی ئەوەی دهۆک وەک شارێکی گرنگی کۆکەرەوەی سیاسەتمەداران بناسرێت، کە ئەمەش هەنگاوێکە بۆ ئەوەی چاوی زیاتری سیاسەتمەداران لەسەر دهۆک بێت.

گوتیشی: ''دهۆک شاری پێکەوەژیانە و دەرگای کردووەتەوە بۆ پسپۆڕ و شارەزایانی سیاسی تا گفتوگۆ لەسەر هەڕەشەکان لەسەر ئاسایش و ئاشتی بکەن، چونکە ئێستا گۆڕانکارییەکان لەسەر رۆژهەڵاتی ناڤین چڕ بوونەتەوە".

هەبوونی ئەم جۆرە کۆنفڕانسانە بە بڕوای د. هەوار، واتای سەقامگیربوونی هەرێمی کوردستانە و دەلالەتی ئەوەیە خەڵک متمانەی بە ئاسایشی هەرێمی کوردستانە، ئەمەش ئارامییەک دەداتە ئەو پێکەوەژیانە نەتەوەیی و ئایینییەی کە هەیە، بێگومان مەسجێکی گەورەشە بەوەی لە ڕووی تیۆرییەوە کوردستان ئەمنیەتی جودایە لە عێراق، چونکە دۆخی کوردستان سەقامگیرترە لە ناوچەکەدا.

 

کـــاروان بـــاعەدری

 




دوایین هەواڵەکان

سه‌رۆكى هه‌رێمى كوردستان به‌دواداچوون بۆ ڕووداوه‌ دڵته‌زێنه‌كه‌ى سۆران ده‌كات

SATURDAY, 09 DECEMBER 2023 00:12:28

ئیمشه‌و هه‌ینى 2023/12/8 به‌ڕێز نێچیرڤان بارزانى، سه‌رۆكى هه‌رێمى كوردستان له‌ په‌یوه‌ندییه‌كى ته‌له‌فۆنیدا له‌گه‌ڵ به‌ڕێز هەڵگورد نەجیب، سەرپەرشتیاری ئیدارەی سەربەخۆی سۆران، به‌دواداچوونى بۆ ڕووداوى ئاگركه‌وتنه‌وه‌ له‌ باڵاخانه‌یه‌كى سۆران كرد كه‌ له‌ ئه‌نجامدا ژماره‌یه‌ك له‌ نیشته‌حێبووانى گیانیان له‌ده‌ستدا و ژماره‌یه‌كى دیكه‌ش بریندار بوون.

 
پەیامێک لە سەرۆک بارزانییەوە

SATURDAY, 09 DECEMBER 2023 00:12:40

بەبیستنی هەواڵی ناخهەژێنی ئاگركەوتنەوە لە باڵاخانەیەكی نیشتەجێبوون لە شاری سۆران زۆر خەمبار بووم، كە بەداخەوە لەو ڕووداوەدا ژمارەیەك هاووڵاتی گیانیان لەدەستداوە و ژمارەیەكی تریش بریندار بوون. پرسە و سەرخۆشیی خۆم ئاراستەی بنەماڵە و كەسوكاری قوربانیانی ئەو كارەساتە دەكەم و خۆم بە هاوبەشی خەمیان دەزانم.

پەیامێک لە سەرۆک بارزانییەوە

SATURDAY, 09 DECEMBER 2023 00:12:24

هه‌ولێر-KDP.info- سەرۆک بارزانی لەبارەی رووداوی ئاگرکەوتنەوە لە باڵەخانەیەکی نیشتەجێبوونی سۆران پەیامێکی سەرەخۆشی بڵاوکردەوە.

 
هەڵگورد نەجیب: لیژنەیەک بۆ ئاشکراکردنی هۆکاری روداوەکە پێکدەهێنرێت

FRIDAY, 08 DECEMBER 2023 23:12:42

سۆران-KDP.info- سەرپەرشتیاری ئیدارەی سه‌ربه‌خۆی سۆران رایگەیاند، ئەو کەسانەی لە روداوی ئاگرکەوتنەوەکە گیانیان لەدەستداوە 10یان پیاون و 4یان ژنن دۆخی بریندارەکان لە ئێستادا جێگیرە، لیژنەیەکی تایبەت بە لێکۆڵینەوە لەسەر روداوەکەش پێکدەهێنرێت.

 
مەسروور بارزانی پەیوەندیی بە سەرپەرشتیاری ئیدارەی سەربەخۆی سۆرانەوە کرد

FRIDAY, 08 DECEMBER 2023 22:12:34

هه‌ولێر-KDP.info- سەرۆکی حکوهومەتی هەرێمی کوردستان لەبارەی رووداوی ئاگرکەوتنەوە لە باڵەخانەیەکی سۆران، پەیوەندی بە بەرپرسی ئیدارەی سەربەخۆی سۆران دەکات و دامەزراوە پەیوەندیدارەکانی حکوومەتی راسپارد کە هەرچی پێویستە بۆ هاوکاری و بەهاناوەچوونی لێقەوماوانی رووداوەکە بکەن.

 


 
© 2023 Kurdistan Democratic Party, KDP

Contact