Kurdî  ■  كوردی  ■  عربي
FRI, 19 JUL 2024 12:24 Erbil, GMT +3
پارتی دیموکراتی کوردستان
ئازادی . دیموکراسی . دادپەروەری
 

کەرکوک و پارتی دوانەی یەکێکن
| KDP.info


ئەسرین عاسی شوانی

هەر لە دوای ڕووداوەکانی 16ی ئۆکتۆبەرەوە، نیوەی خاکی کوردستان لەدەست درا، پارتی بڕیاری کشانەوەی لە کەرکوک داو، لەبەر ئەوەی ئێستاشی پێوە بێت، بە بۆچوونی پارتی و سەرکردایەتی کەرکوک داگیرکراوەو، پێویستە ئەو سیما داگیرکاری و عەسکەرتاریەتەی کە دیمۆگرافیای شارەکەی شێواندووە، پێداچونەوەی پێدا بکرێ، بەڵێ دوای نەمانی بنکە و بارەگاکانی پارتی لە شاری کەرکوک، بۆشاییەکی گەورەی سیاسی، دەروونی، باڵانسی هێز و کوردایەتی دروست بوو، چونکە پارتی بۆ هەمیشە وەک چۆن بارزانی نەمر چواندبوی بە دڵی کوردستان، لە سیاسەتی پارتی و تاک بەتاکی ئەندامان و لایەنگرانی ئەو حیزبە کەرکوک وەکو دڵ سەیر دەکرێ و بێ کەرکوک کوردستان جۆرێک لە ناتەواوی دەبینرێت، لەبەر ئەوەی زۆرجار سەرکردایەتی کورد لەگەڵ حکومەتەکانی عێراق لەسەر کەرکوک گفتوگۆکانیان بە بنبەست گەیشتووە، بۆیە پارتی بۆ ئەم قۆناغەی خەباتی سیاسی و مەدەنی خۆی بڕیاری گەرانەوەی بنکە و بارەگاکانی خۆی دایەوەو لە پێنجی مانگ لە مەراسیمێکی پڕ لە شکۆدا، بارەگای لقی سێی کردەوە لە شاری کەرکوک بەو دەسپێشخەرییەی کە کردی دڵی جەماوەری شاری کەرکوکی خۆش کرد وهیوا و ئاواتی بۆ جەماوەری شارەکە گەڕانەوە، چونکە خەڵکی شاری کەرکوک دوای نەمانی پارتی لە شارەکە بەهۆی خیانەتی 16ی ئۆکتۆبەر، هەستیان بە بۆشایی ئەمنی و سیاسی دەکرد، لەبەر ئەوەی دەیانزانی تاکە حیزب و هێز لە کوردستان هەر پارتیە کە چەند پەرۆشی خەڵکی شارەکەیە، بڕوای بە پێکەوە ژیانی پێکهاتەکان هەیە و خەبات دەکات بۆ کوردستانیەتی کەرکوک و دەسبەرداری مافەکانی خەڵکەکەی نابێت، بۆیە دوای بڕیاری گەڕانەوەی پارتی بۆ کەرکوک گڕوتینێکی کوردانە گەڕایەوە و خەڵکی بە بڕوابوون بەخۆیان لەگەڵ بەربژێرەکانی پارتی، بۆ ئەنجومەنی پارێزگای کەرکوک کەوتوونەتە بانگەشە و پەیمان نوێکردنەوە بۆ پارتی و بارزانی، کە من پێم وایە گەڕانەوەی پارتی گەڕانەوەی شکۆ و دادپەروەریە، گەڕانەوەی ئاشتی و سەقامگیری ئەمنیە، ستۆپ کردنیشە بەو نادادی و غەدر و داگیرکاری و سەرلەنوێ تەعریب کردنەوەی کەرکوک، لەبەر ئەوەی پارتی وەک هەمیشە پێشەنگ بووە لە داکۆکی لە کەرکوک و هەرواش دەمینێتەوە، بە گەڕانەوەی ئەمجارەشی کە دڵی خەڵکی شارەکەی پڕ لە جۆش و خرۆش کرد، لە هەڵبژاردنی پارێزگاکەش پشکی شێر بۆ کورد مسۆگەر دەکات و ئەوە بۆ دۆست و دوژمن دەسەلمێنێت کە کەرکوک و پارتی دوانەیەکی لێک دانەبڕاون و هیچ یەکێ لەو دووە بێ یەکتر هەڵناکەن.




دوایین هەواڵەکان

وەزیری پەروەردە و تەندروستی لەبارەی (ھەژماری من)ەوە زانیارى ده‌خه‌نه‌ڕوو

FRIDAY, 19 JULY 2024 11:07:46

ھەولێر-KDP.info- وەزیری تەندروستی حکوومەتی ھەرێم لەبارەی ھەژماری منەوە دەڵێت: جێگای خۆشحاڵیە کەوا زۆربەی پزیشکانی وەزارەتی تەندروستی خاوەنی ھەژماری منن، ھاوکات وەزیری پەروەردەی حکوومەتی ھەرێمیش دەڵێ، مافی مامۆستایان لە ھەژماری من گەرەنتی کراوە و بۆ مانگی حوزەیران زیاتر لە ٣٢ ھەزار مامۆستا لەڕێی ھەژماری منەوە مووچەکەیان وەرگرتووە.

 
هەڵمەتێک لە مزگەوتەکانەوە دەستپێدەکات

THURSDAY, 18 JULY 2024 22:07:41

هه‌ولێر-KDP.info- شاندێکی ناوەندی هاوبەشی هەماهەنگی قەیرانەکان لەسەر پرسی کۆچی نایاسایی، لەگەڵ وەزارەتی ئەوقاف و کاروباری ئایینی هەماهەنگی و کاری هاوبەش دەکەن.

 
هەولێر و بەغدا لەسەر چەند خاڵێک لە بواری باج ڕێککەوتن

THURSDAY, 18 JULY 2024 21:07:11

ھەولێر-KDP.info- وەزارەتی دارایی هەرێمی کوردستان دەڵێت، لەگەڵ لیژنەی باڵای ڕێکخستنەوەی باج لە حکوومەتی فیدڕاڵی لەسەر چەند خاڵێک ڕێککەوتوون کە دەبنە هۆی کارئاسانی بۆ ئەو کارگە و کۆمپانیا و بانکانەی لە هەرێمی کوردستان و عێراق کاردەکەن.

 

فازڵ میرانی پێشوازی لە كونسوڵی نوێی کۆماری توركیا له‌ هه‌ولێر كرد

THURSDAY, 18 JULY 2024 19:07:35

ھەولێر-KDP.info- به‌رپرسی ده‌سته‌ی كارگێری مه‌كته‌بی سیاسی پارتی پێشوازی له‌ كونسوڵی گشتی نوێی كۆماری توركیا له‌ هه‌ولێر كرد، لە دیدارەکەشدا جەخت له‌سه‌ر پته‌وتركردنی په‌یوه‌ندییه‌كانی نێوان توركیا و هه‌رێمی كوردستان كرایەوە و هیوایان خواست كه‌ ناوچه‌كه‌ ئارام و سه‌قامگیربێت.

 

بێ ڕەزامەندیی ژینگە هیچ پاڵاوگەیەک مۆڵەتی پێ نادرێت

THURSDAY, 18 JULY 2024 17:07:45

ھەولێر-KDP.info- بەڕێوەبەری فەرمانگەی کاروباری ھونەری لە دەستەی ژینگەی ھەرێمی کوردستان ڕایدەگەیەنێت، زۆرینەی پاڵاوگە نایاساییەكان داخراون و ھەر پاڵاوگەیەک بیەوێت دامەزرێت و مۆڵەت وەربگرێت، پێویستە ڕەزامەندی لە نۆ شوێن وەربگرێت، ئەگەر نا ناتوانێت مۆڵەتی پێ بدرێت.

 



 
© 2023 Kurdistan Democratic Party, KDP

Contact