Kurdî  ■  كوردی  ■  عربي
SAT, 9 DEC 2023 00:35 Erbil, GMT +3
پارتی دیموکراتی کوردستان
ئازادی . دیموکراسی . دادپەروەری
 

وه‌رگرتنه‌وه‌ی باره‌گاكانی پارتیمان له‌ كه‌ركووك
| KDP.info


سـەلام عەبدوڵڵا

دوێنێ له‌ كه‌ركووك به‌پێی بڕیارێكی سه‌ركوه‌زیرانی عێراق باره‌گاكانی پارتی دیموكراتی كوردستان ڕاده‌ستی پارتیمان كرانه‌وه‌ كه‌ له‌ شانزه‌ی ئۆكتۆبه‌ری 2017ه‌وه‌، له‌لایه‌ن سوپای عێراق و حه‌شدی شه‌عبییه‌وه‌ ده‌ستییان به‌سه‌رداگیراوه‌، له ‌ڕێوڕه‌سمێكدا كه‌ جێگری دووه‌می سه‌رۆكی ئه‌نجوومه‌نی نوێنه‌رانی عێراق به‌شداری تێداكرد و ئه‌و هه‌واڵه‌شی راگه‌یاند كه‌ له‌سه‌ر داوای سه‌رۆك بارزانی، مه‌كته‌بی ڕێكخستنی كه‌ركووك – گه‌رمیان پێشكه‌ش به‌ زانكۆی كه‌ركووك كرا.

كه‌ركووك كه‌ شارێكی دێرین و له‌نێو جه‌رگه‌ی هه‌رێمی كوردستاندایه‌، له‌گه‌ڵ ئه‌وه‌شدا به‌ شارێكی فره‌نه‌ته‌وه‌ و پێكهاته‌ و مه‌زهه‌ب و ئایینی جیا ناسراوه‌، هه‌رچه‌ند له‌ سه‌ره‌تای دروستبوونی ده‌وڵه‌تی عێراقه‌وه‌ هه‌وڵی گۆڕینی دیمۆگرافیای به‌ پاساوی جۆراوجۆر دراوه‌ كه‌ هه‌ندێكیان به‌ بڕیاری نا شه‌رعی و توندوتیژی دژی پێكهاته‌ی ره‌سه‌نی كورد و توركمانیش له‌ به‌رژه‌وه‌ندیی پێكهاته‌ی عه‌ره‌ب دراوه‌ و سه‌رژمێرییه‌كانی عێراق شاهێدی ئه‌و راستیه‌ن كه‌ هه‌وڵه‌كان هه‌مووی بۆ گۆڕینی ئه‌و رێژه‌یه‌‌ بوون كه‌ عه‌ره‌بی تێدا له‌و شاره‌ باڵاده‌ست بكه‌ن.

له‌ وڵاتی دیموكراتیدا، كه‌ یاسا تێیدا باڵاده‌سته‌ و ده‌سه‌ڵات له‌ خزمه‌ت پێكهاته‌كانیدایه‌، مه‌سه‌له‌ی زۆربوونی ژماره‌یه‌ك له‌ پێكهاته‌یه‌كی دیار هیچ كاریگه‌ری له‌سه‌ر پێكهاته‌كانی دیكه‌ نابێت یان بوونی ته‌نانه‌ت ژماره‌یه‌ك له‌ خه‌ڵكی بیانی له‌ شارێكدا هه‌رگیز نابێته‌ مایه‌ی مه‌ترسی و نیگه‌رانی بۆ دانیشتووانی، بۆ نموونه‌ له‌ شارێكی وه‌كو له‌نده‌ن، كه‌ پایته‌ختی ئینگلستانه‌ به‌پێی ئاماری ساڵی 2019، 8.982.000 بووه‌ و له‌وانه‌ 3.346.000 خه‌ڵكی بیانی بووه‌ له‌گه‌ڵ ئه‌وه‌شدا ئه‌و ژماره‌ زۆره‌ی بیانی هیچ كاریگه‌رییه‌كی نه‌رێنی، به‌ گشتی، بۆ شاره‌كه‌ نه‌بووه‌.

هه‌ر بۆیه‌ پێكهاته‌ ڕه‌سه‌نه‌كانی كه‌ركووك ده‌توانن وه‌ك ساڵانی پێش كوده‌تا سه‌ربازییه‌كانی عێراق، پێكه‌وه‌ به‌ هارمۆنی بژین و ژیانی ئاسایی خۆیان به‌ ئاسووده‌یی ده‌سته‌به‌ر بكه‌ن و بۆ ئه‌م مه‌به‌سته‌ش ئیدی ده‌بێت ده‌ست له‌و سیاسه‌ته‌ چه‌وته‌ كه‌ ته‌نها رق و كینه ‌و ماڵوێرانی لێ ده‌كه‌وێته‌وه‌ هه‌ڵبگیرێ و سیمای عه‌سكه‌رتارییه‌ت به‌ ته‌وێڵی ئه‌و شاره‌وه‌ نه‌هێڵرێ و پێكهاته‌كانی له‌ هه‌ڵبژاردنێكی ئازاد و پاك و رووندا نوێنه‌رانی ڕاسته‌قینه‌ی خۆیان بۆ ئه‌و شاره‌ هه‌ڵبژێرن و كۆتایی به‌م دۆخه‌ نه‌خوازراوه‌ی له‌ كه‌ركووك ده‌بینرێت بهێنن كه‌ له‌ به‌رژه‌وه‌ندیی هه‌مووانه‌ به‌تایبه‌تیش پێكهاته‌ ڕه‌سه‌نه‌كانی كه‌ركووك، هه‌روه‌ك مادده‌ی (140)ی ده‌ستوور كارا بكرێته‌وه‌ كه‌ ڕێگه‌خۆشكه‌ر ده‌بێت بۆ چاره‌سه‌رێكی هه‌میشه‌یی، هه‌ر بۆیه‌ به‌ دڵنیاییه‌وه‌ ده‌ڵێین وه‌رگرتنه‌وه‌ی باره‌گاكانی پارتیمان هه‌نگاوێكی زۆر به‌جێیه‌ له‌و هه‌وڵه‌دا.

 




دوایین هەواڵەکان

سه‌رۆكى هه‌رێمى كوردستان به‌دواداچوون بۆ ڕووداوه‌ دڵته‌زێنه‌كه‌ى سۆران ده‌كات

SATURDAY, 09 DECEMBER 2023 00:12:28

ئیمشه‌و هه‌ینى 2023/12/8 به‌ڕێز نێچیرڤان بارزانى، سه‌رۆكى هه‌رێمى كوردستان له‌ په‌یوه‌ندییه‌كى ته‌له‌فۆنیدا له‌گه‌ڵ به‌ڕێز هەڵگورد نەجیب، سەرپەرشتیاری ئیدارەی سەربەخۆی سۆران، به‌دواداچوونى بۆ ڕووداوى ئاگركه‌وتنه‌وه‌ له‌ باڵاخانه‌یه‌كى سۆران كرد كه‌ له‌ ئه‌نجامدا ژماره‌یه‌ك له‌ نیشته‌حێبووانى گیانیان له‌ده‌ستدا و ژماره‌یه‌كى دیكه‌ش بریندار بوون.

 
پەیامێک لە سەرۆک بارزانییەوە

SATURDAY, 09 DECEMBER 2023 00:12:40

بەبیستنی هەواڵی ناخهەژێنی ئاگركەوتنەوە لە باڵاخانەیەكی نیشتەجێبوون لە شاری سۆران زۆر خەمبار بووم، كە بەداخەوە لەو ڕووداوەدا ژمارەیەك هاووڵاتی گیانیان لەدەستداوە و ژمارەیەكی تریش بریندار بوون. پرسە و سەرخۆشیی خۆم ئاراستەی بنەماڵە و كەسوكاری قوربانیانی ئەو كارەساتە دەكەم و خۆم بە هاوبەشی خەمیان دەزانم.

پەیامێک لە سەرۆک بارزانییەوە

SATURDAY, 09 DECEMBER 2023 00:12:24

هه‌ولێر-KDP.info- سەرۆک بارزانی لەبارەی رووداوی ئاگرکەوتنەوە لە باڵەخانەیەکی نیشتەجێبوونی سۆران پەیامێکی سەرەخۆشی بڵاوکردەوە.

 
هەڵگورد نەجیب: لیژنەیەک بۆ ئاشکراکردنی هۆکاری روداوەکە پێکدەهێنرێت

FRIDAY, 08 DECEMBER 2023 23:12:42

سۆران-KDP.info- سەرپەرشتیاری ئیدارەی سه‌ربه‌خۆی سۆران رایگەیاند، ئەو کەسانەی لە روداوی ئاگرکەوتنەوەکە گیانیان لەدەستداوە 10یان پیاون و 4یان ژنن دۆخی بریندارەکان لە ئێستادا جێگیرە، لیژنەیەکی تایبەت بە لێکۆڵینەوە لەسەر روداوەکەش پێکدەهێنرێت.

 
مەسروور بارزانی پەیوەندیی بە سەرپەرشتیاری ئیدارەی سەربەخۆی سۆرانەوە کرد

FRIDAY, 08 DECEMBER 2023 22:12:34

هه‌ولێر-KDP.info- سەرۆکی حکوهومەتی هەرێمی کوردستان لەبارەی رووداوی ئاگرکەوتنەوە لە باڵەخانەیەکی سۆران، پەیوەندی بە بەرپرسی ئیدارەی سەربەخۆی سۆران دەکات و دامەزراوە پەیوەندیدارەکانی حکوومەتی راسپارد کە هەرچی پێویستە بۆ هاوکاری و بەهاناوەچوونی لێقەوماوانی رووداوەکە بکەن.

 


 
© 2023 Kurdistan Democratic Party, KDP

Contact