Kurdî  ■  كوردی  ■  عربي
SAT, 9 DEC 2023 00:51 Erbil, GMT +3
پارتی دیموکراتی کوردستان
ئازادی . دیموکراسی . دادپەروەری
 

پارتی.. هیوای کەرکووکییەکان
| KDP.info


هاودەنگ فارووق

دوێنێ ڕێوڕەسمی پێشكەشكردنی بارەگەی سەركردایەتیی كەركووكی پارتی، بە زانكۆی كەركووك بەڕێوەچوو؛ بەمەش هەنگاوەكانی گەڕانەوەی پارتی و سەركردایەتیی كەركووك و لقی 3 بۆ كەركووك دەستی پێکرد. گەڕانەوەی پارتی بۆ كەركووك بۆ خستنە سەر ڕاستەڕێی پرۆسەی سیاسیی كەركووك و عێراق گرنگییەكی تایبەتی هەیە.

ئەو گەڕانەوەیە كە ساڵانێكە بووە بە داوایەكی جەماوەریی و داخوازییەكی سەرەكیی هاووڵاتیانی كوردی پارێزگەی كەركووك. ئێستەش ئەم هەنگاوە بە عەمەلی جێبەجێ دەكرێت بە ئاراستەی یارمەتیدانە بۆ ئاساییبوونەوەی یەكجارەكی دۆخی سیاسی و ئەمنیی كەركووك و تەواوی ناوچە كوردستانییەكانی دەرەوەی ئیدارەی هەرێمی كوردستان.

لە ڕاستیدا پرۆسەی سیاسی لەكەركووك و ناوچە كوردستانییەكانی دەرەوەی ئیدارەی هەرێم، خەلەلێكی گەورەی تێدا بوو، نائامادەیی پارتی وەك بڕبڕەی پشتی سیاسەت و حوكمڕانیی كورد، خۆی بۆخۆی بۆشاییەكی گەورەی سیاسی بوو كە تەنها بەپارتی پڕ دەكرایەوە. ئەوەش بۆ هەموو لایەنە كوردستانی و عێراقییەكان ڕوون و بەرچاوبوو.

لەلایەكی دیكەوە، هاووڵاتییانی كورد لە كەركووك، کە بێگومان، زۆرینەی هەرەزۆری دانیشتوانەکەین، وێڕای بوونی هەموو حزبەكانی دی، هەمیشە ئەم پرسیارەیان دەكرد: كەی كورد دەگەڕێتەوە بۆ كەركووك؟ ئەمە ئەو پرسیارە بوو كەبە تامەزرۆییەوە چاوەڕوانی وەڵامەكەی بوون، پارتی نەدەكرا چیتر وەڵامی ئەو پرسیارە دوابخات، بەڵكوو دەبوو چاوەڕوانییەكانی هەموو لایەك بۆ گێڕانی ڕۆڵی خۆی بێنێتە جێ.

بێگومان سروشتی فرەیی و پێكەوەژیانی پێكهاتەكانی كەركووك، وا دەخوازێت هەمووان بەشداربن، هەموو ڕێوشوێنەكانی سیاسی و كۆمەڵایەتی و فەرهەنگیش، ئەو پێدراوەیان كردبووە واقیعێكی بەرجەستە كە نەدەكرا بەبێ پارتی مۆزایكی دۆخە سیاسییەكە وەك ئەوەی هەمووان دەیخوازن، ڕابگیرێت.

پارتی بەم هەنگاوەی دەیەوێت، دیمەنی سیاسی لە كەركووك سەقامگیر و خەریتەی سیاسی لەو پارێزگا گرنگ و ستراتیجییە تۆكمە بكات. نەك هەمووان پێیان وابێت هێشتا كورد لەكەركووك بەشدار نییە. ئەوە ئەو وەڵامە چارەنوسسازەیە كە هەمووان بەدوایدا دەگەڕان.

لەئێستاوە كورد بەشدار و ئامادەیە و دەیەوێت ستراتیجیی كوردایەتی لەناو چوارچێوەی هەمەڕەنگی كەركووكدا بباتە پێشەوە. دەستی پێكهاتەكان بگرێت بۆ پێكەوەژیانی زیاتر و پرۆژەی گرنگتر بۆ دەوڵەمەندكردنی فەرهەنگی سیاسیی ئەو شارە و دروستكردنی دۆخێكی نوێ كە تیایدا هەموو ئامانجەكانی خەڵكی شارەكە لەپێشكەوتن و پێكەوەژیان و خۆشگوزەرانی و ئۆقرەیی سیاسیدا بەدی بێت.

 




دوایین هەواڵەکان

سه‌رۆكى هه‌رێمى كوردستان به‌دواداچوون بۆ ڕووداوه‌ دڵته‌زێنه‌كه‌ى سۆران ده‌كات

SATURDAY, 09 DECEMBER 2023 00:12:28

ئیمشه‌و هه‌ینى 2023/12/8 به‌ڕێز نێچیرڤان بارزانى، سه‌رۆكى هه‌رێمى كوردستان له‌ په‌یوه‌ندییه‌كى ته‌له‌فۆنیدا له‌گه‌ڵ به‌ڕێز هەڵگورد نەجیب، سەرپەرشتیاری ئیدارەی سەربەخۆی سۆران، به‌دواداچوونى بۆ ڕووداوى ئاگركه‌وتنه‌وه‌ له‌ باڵاخانه‌یه‌كى سۆران كرد كه‌ له‌ ئه‌نجامدا ژماره‌یه‌ك له‌ نیشته‌حێبووانى گیانیان له‌ده‌ستدا و ژماره‌یه‌كى دیكه‌ش بریندار بوون.

 
پەیامێک لە سەرۆک بارزانییەوە

SATURDAY, 09 DECEMBER 2023 00:12:40

بەبیستنی هەواڵی ناخهەژێنی ئاگركەوتنەوە لە باڵاخانەیەكی نیشتەجێبوون لە شاری سۆران زۆر خەمبار بووم، كە بەداخەوە لەو ڕووداوەدا ژمارەیەك هاووڵاتی گیانیان لەدەستداوە و ژمارەیەكی تریش بریندار بوون. پرسە و سەرخۆشیی خۆم ئاراستەی بنەماڵە و كەسوكاری قوربانیانی ئەو كارەساتە دەكەم و خۆم بە هاوبەشی خەمیان دەزانم.

پەیامێک لە سەرۆک بارزانییەوە

SATURDAY, 09 DECEMBER 2023 00:12:24

هه‌ولێر-KDP.info- سەرۆک بارزانی لەبارەی رووداوی ئاگرکەوتنەوە لە باڵەخانەیەکی نیشتەجێبوونی سۆران پەیامێکی سەرەخۆشی بڵاوکردەوە.

 
هەڵگورد نەجیب: لیژنەیەک بۆ ئاشکراکردنی هۆکاری روداوەکە پێکدەهێنرێت

FRIDAY, 08 DECEMBER 2023 23:12:42

سۆران-KDP.info- سەرپەرشتیاری ئیدارەی سه‌ربه‌خۆی سۆران رایگەیاند، ئەو کەسانەی لە روداوی ئاگرکەوتنەوەکە گیانیان لەدەستداوە 10یان پیاون و 4یان ژنن دۆخی بریندارەکان لە ئێستادا جێگیرە، لیژنەیەکی تایبەت بە لێکۆڵینەوە لەسەر روداوەکەش پێکدەهێنرێت.

 
مەسروور بارزانی پەیوەندیی بە سەرپەرشتیاری ئیدارەی سەربەخۆی سۆرانەوە کرد

FRIDAY, 08 DECEMBER 2023 22:12:34

هه‌ولێر-KDP.info- سەرۆکی حکوهومەتی هەرێمی کوردستان لەبارەی رووداوی ئاگرکەوتنەوە لە باڵەخانەیەکی سۆران، پەیوەندی بە بەرپرسی ئیدارەی سەربەخۆی سۆران دەکات و دامەزراوە پەیوەندیدارەکانی حکوومەتی راسپارد کە هەرچی پێویستە بۆ هاوکاری و بەهاناوەچوونی لێقەوماوانی رووداوەکە بکەن.

 


 
© 2023 Kurdistan Democratic Party, KDP

Contact