Kurdî  ■  كوردی  ■  عربي
WED, 21 FEB 2024 15:36 Erbil, GMT +3
پارتی دیموکراتی کوردستان
ئازادی . دیموکراسی . دادپەروەری
 

پسپۆرێکی دارایی: خەڵکی عێراق ترسیان لە ئابووری وڵاتەکەیان ھەیە
| KDP.info


پسپۆرێکی دارایی پێی وایە خەڵکی عێراق ترسیان لە ئابووری وڵاتەکەیان ھەیە، نرخی دۆلاریش تا نزیک دەبینەوە لە سەری ساڵ بەرز دەبێتەوە، دەشڵێ: ئەگەر ڕێگری لە چوونە دەرەوەی دۆلار نەکرێت عێراق توانای کۆنتڕۆڵکردنی دۆلاری نابێت.

پرۆفیسۆر خالید حەیدەر، پسپۆری دارایی بە ماڵپەڕی فەرمیی پارتی دیموکراتی کوردستانی ڕاگەیاند: چەندین ھۆکار ھەن بۆ رزبوونەوەی نرخی دۆلار بەرامبەر بە دیناری عێراق، لەوانەش ھەبوونی قەبارەیەکی زۆری گەندەڵی لە عێراق و خراپ ئیدارەدانی داھاتی عێراق، چونکە دەستەڵاتدارانی عێراق بەشێوەیەکی زانستی مامەڵە بە داھاتی عێراقەوە ناکەن، ھۆکارێکی دیکەی بەرزبوونەوەی نرخی دۆلار بۆ بڕیاری بەرپرسانی ئێستای بانکی ناوەندی دەگەڕێتەوە کە بڕیارە ساڵی ئایندە ھەموو مامەڵەیەکی ناوخۆ بکرێتە دینار، ھاووڵاتییانی عێراقیش گومان و ترسیان لە ئابووری وڵاتی خۆیان ھەیە.

ئەو پسپۆرەی دارایی گوتی: تا لە ساڵی نوێ نزیک ببینەوە نرخی دۆلار بەرەو بەرزبوونەوە دەچێت، چونکە خەڵکێکی زۆر لە عێراق پێویستییان بە دۆلار ھەیە و ترسیان لەوەیە ساڵی داھاتوو دۆلاریان دەست نەکەوێت، لەبەر ئەوەی داھاتی عێراق بەدۆلارە و ھاوردەکردنی کەلوپەلیش ھەر بەدۆلارە، جیاوازی زۆر لە نرخی فەرمیی و بازاڕ ھەیە ئەوە گومانی پەیداکردوە لەسەر دۆلار.

پرۆفیسۆر خالید حەیدەر ئاماژەی بۆ ئەوەکرد: بە چەند ھەنگاوێک عێراق دەتوانێت نرخی دۆلار کۆنتڕۆڵ بکات لەوانەش، ساڵی داھاتوو مامەڵەی ناوخۆ ھەمووی بە دینار بەڕێوەببات و ئیدارەیەکی باشتری سەروەت و سامانی عێراق بکرێت، ڕێگری لە دەرچوونی دۆلار بۆ دەرەوە بکرێت و حەواڵەی دۆلار لە ڕێگەی سەکۆی ئەلیکترۆنییەوە بێت، بە پێچەوانەوە عێراق توانای کۆنتڕۆڵکردنی ڕەوشەکەی نییە.

قائید میرۆ
 




دوایین هەواڵەکان

د.موخلیس سەلیم: بڕیاری ڕاگرتنی پڕۆژەکان یەکەکانی کرێنشینان ناگرێتەوە

WEDNESDAY, 21 FEBRUARY 2024 15:02:30

شارەزایەکی وەبەرھێنان ئاماژەی بۆ ئەوە کرد، بڕیاری ڕاگرتنی مۆڵەتی پڕۆژەکانی نیشتەجێبوون بە مەبستی ڕێکخستنەوە کاریگەری لەسەر کەرتی خانووبەرە دەبێت و دەشڵێ: بڕیارەکە یەکەکانی کرێنشینان ناگرێتەوە و حکوومەت کار بۆ دروستکردنی ئەو ٢٠ ھەزار یەکەیە دەدات بۆ خەڵکی کرێنشین.

 
بەڕێوەبەری گشتی بازرگانی: لە ڕێگەی سەکۆی ئەلیکترۆنییەوە نرخی کەلوپەل دابەزێنین

WEDNESDAY, 21 FEBRUARY 2024 15:02:33

بەڕێوەبەری گشتی بازرگانی پێی وایە یەکێک لە ئەگەرەکانی بەرزبوونەوەی نرخی کەلوپەل بۆ گرانی نرخی دۆلار دەگەڕێتەوە، دەشڵێ: لە ھەوڵداین لە ڕێگەی سەکۆی ئەلیکترۆنییەوە نرخی کەلوپەل لە بازاڕەکانی ھەرێمی کوردستاندا دابەزێنین.

 
سەرۆكی هەرێمی كوردستان پەیامێكی بڵاوكردەوە

WEDNESDAY, 21 FEBRUARY 2024 12:02:15

ھەولێر-KDP.info- ئەمڕۆ چوارشەممە، 21-02-2024، لە رۆژی جیهانیی زمانی دایکدا، سەرۆکی هەرێمی کوردستان جه‌خت له‌ پاراستن و پێشخستنی زمانی کوردی و زمانى دایك بۆ هەموو پێكهاتەكان دەکاتەوە. 

 
ئەنجومەنی وەزیران پرسی ئەنجومەنی پارێزگاکانی هەرێم تاوتوێ دەکات

WEDNESDAY, 21 FEBRUARY 2024 10:02:21

ھەولێر-KDP.info- ئەمڕۆ چوارشەممە، ئەنجومەنی وەزیرانی هەرێمی كوردستان، بە سەرپەرشتیی مەسروور بارزانی، سەرۆكی حكوومەتی هەرێمی كوردستان و ئامادەبوونی قوباد تاڵەبانی، جێگری سەرۆكی حكوومەتی هەرێمی كوردستان، کۆدەبێتەوە.

 
پشتیوان سادق: ئاسۆی ئاییندەمان زۆر گەش و رووناکە

TUESDAY, 20 FEBRUARY 2024 22:02:51

ھەولێر-KDP.info- ئەمڕۆ سێشەممە، لە بارەگای مەکتەبی ڕێکخستنی پارێزگای هەولێر، بەسەرپەرشتی دکتۆر پشتیوان سادق ئەندامی مەکتەبی سیاسی و بەرپرسی مەکتەبی ڕێکخستنی پارێزگای هەولێر و بە ئامادەبوونی چیا هەرکی یاریدەدەری بەرپرسی مەکتەب، لەگەڵ بەرپرس و مامۆستایانی وەزارەتی خوێندنی باڵا کۆبونەوە. 

 


 
© 2023 Kurdistan Democratic Party, KDP

Contact