Kurdî  ■  كوردی  ■  عربي
FRI, 11 JUL 2025 01:54 Erbil, GMT +3
پارتی دیموکراتی کوردستان
ئازادی . دیموکراسی . دادپەروەری
 

ڕیفراندۆم هەنگاوێكی مێژوویی بوێرانە بوو
| KDP.info


سه‌لام عه‌بدوڵڵا

لە 25/9/2017 گەلەكەمان، زۆرینەیەكی بەرچاو، لەو ڕۆژەدا دیواری ترس و دڵەڕاوكێی ڕووخاند و ڕووی كردە سندووقی دەنگدان بۆ یەكەمین جار، بڕیاری خۆی بە شێوازێكی شارستانیانە و دیموكراتیانەدا، دەنگی بە چاره‌نووسی خۆی دا كە تا ئەو ساتە ئاوا بە ئاشكراو بە بەرچاوی هەموو جیهانەوە، ئاشتیخوازنە، مۆڵەتی پێنەدرابوو.

ئەگەرچی دەوڵەتی عێراق كە بە بڕیاری هاوپەیمانانی براوەی جەنگی یەكەمی جیهانی و بە تایبەتی ئینگلیزەكان پێكهێنرا بوو، كە كورد نە بەشداری لەو پڕۆسەیەدا كردبوو نە ڕازیش بوو بەو دەوڵەتەی لەمەودوا ناونرا عێراق، چونكە كورد بە سەركردایەتی شێخ مەحمودی نەمر (1878 – 1956) لە هەوڵ و تەقەلای ڕۆنانی دەوڵەتێكی كوردی دا بوو كە لەمەو دواش هەر بە دەستی هێزو چەكی ئینگلیزەكان لە نێو برا، لەگەڵ ئەوەشدا، لەمەودوا، بە زۆرەملێ بەم عێراقەی ئێستاوە لكێنرا كە لە دامەزراندنییەوە، تا ئەمڕۆ كورد نەك نەبوو بە هاوبەشێك لەم دەوڵەتەدا و نەبووە خاوەنی مافە زەوتكراوەكانی لە ماوەی ئەم سەد ساڵەی مێژووی ئەم دەوڵەتە سەقەتەدا، بەڵكو لەو ڕۆژەوە دووچاری چەندین جۆر لە مامەڵەی خراپ و سەركوتكردن و زوڵم و ناهەقی بووەتەوە كە تا ئاستی بەكارهێنانی چەكە قەدەغەكراوەكان دژی، لە چەندین قۆناغدا، بەكارهێنراوە، ئەمە جگە لە هەوڵی كۆقڕكردنی گەلەكەی لە پرۆسەی بەدناوی ئەنفالەكاندا كەلەبەر چاوی هەموو جیهاندا دەرهەقی دەكرا و بەرامبەر ئەو تاوانە بێ وێنه‌یه‌ش تەنانەت لە دەوڵەتە ئیسلامییەكانیشەوە نووزەیەك لە بەرژەوەندیی ئەم گەلە ستەمدیده‌یه‌ نەبیسترا. 

ئێمەی گەلی كورد، لەم عێراقەدا، هەموو جۆرە، حكومڕانییەكمان، لەماوەی ئەم سەد ساڵەدا تاقی كردەوە، هیچ جیاوازییەكی بنەڕەتی و ئەرێنیمان لە غەیری ناهەقی بە شێوازی جۆراوجۆر نەدیت و هەر هەموویان لەسەر چەوساندنەوەو مافخورانمان دژایەتی مافەڕەواكانمان كۆك و ته‌باو هاوڕاو وەك یەك بوون، جا بە بۆردومان و هێزی سەربازی و چەكی كوشندە بووبێ یان بە بودجە و مووچە بڕین و بەردەوامی عەرەباندن و گۆڕینی دیموگرافی و شێواندنی مێژوومان بوو بێت. بۆیە هەر كە مۆڵەت ڕەخسا گەلەكەمان ئەو بڕیارە بوێرانەی لەم ڕۆژە پیرۆزەدا ڕۆژی ڕیفراندۆم، بە زۆرینەی دەنگ 92.7% بۆ سەربەخۆییدا.

دیارە ڕێژەیەكی یەكجار كەمیش كە 7.3% بە نەخێر دەنگی دژ بەم پرۆسە پیرۆزە دا چونكە ئەوەش ڕاستە كە لە نێوان هیچ نەتەوەیەكدا مەرج نییە سەد دەرسەدی بە ئاگاو بەهۆش خاوەن ئاوەز بێت.

بۆیە ئەو ڕۆژە‌ لە دیرۆكی نەتەوەكەماندا، بە ڕۆژێكی مێژوویی و بڕیارێكی گەلێك بوێرانە و گرنگ لە قەڵەم دەدرێ، هەر بۆیە هەتا ئەم گەلە زیندووە بە هەموو ئامانجەكانی خۆی دەگات و دەوڵەتی سەربەخۆی خۆی وەك هەموو گەلانی دی بنیات دەنێت، ڕۆژی ڕیفراندۆم بە شاڕۆژی مێژوویی خۆی و بەشانازییه‌وه به‌رامبه‌ر هه‌موو جیهان، پێناسە دەكات.

 




دوایین هەواڵەکان

سبه‌ی هەرێمی کوردستان میوانداری بەڕێوەچوونی پرۆسەیەکی گرینگ و چارەنوسساز دەکات

THURSDAY, 10 JULY 2025 21:07:18

ھەولێر-KDP.info- گوتەبێژی سەرۆکایەتیی هەرێمی هەرێمی کوردستان دەڵێت، هەموو ئاسانکارییەک کراوە بۆ بەڕێوەچوونی ڕێوڕەسمی چەکدانانی ژمارەیەک چەکداری پەکەکە ده‌شڵێت، هەرێمی کوردستان میوانداری ئه‌م پرۆسە گرنگه‌ دەکات.

 
کۆمپانیا کەنەدییەکان دەیانەوێت لە ھەرێمی کوردستان کار بکەن

THURSDAY, 10 JULY 2025 18:07:10

ھەولێر-KDP.info- سەرۆکی دەستەی وەبەرھێنان لە ھەرێمی کوردستان دەڵێت "پەیوەندی نێوان ھەرێمی کوردستان و کەنەدا زۆر باشە و کۆمپانیا کەنەدییەکان دەیانەوێت بێن لە ھەرێمی کوردستان کار بکەن، ئێمەش وەکو حکوومەتی ھەرێمی کوردستان ھاوکاری و ئاسانکاری تەواویان بۆ دەکەین." 

 
شانده‌كه‌ی پەرلەمانتارانی دەم پارتی ئەمشەو لە هەولێر دەمێننەوه‌

THURSDAY, 10 JULY 2025 15:07:27

ھەولێر-KDP.info- بۆ بەشداربوون لە رێوڕەسمی چەکدانانی گرووپێکی پارتی کرێکارانی کوردستان (پەکەکە)، شاندێکی پەرلەمانتارانی دەم پارتی و کەسایەتییەکانی باکووری کوردستان گەیشتنە هەرێمی کوردستان. 

 
ڕوونكردنەوەیەك لە وەزارەتی ناوخۆی حكوومەتی هەرێمی كوردستانەوە

THURSDAY, 10 JULY 2025 13:07:31

ھەولێر-KDP.info- وەزارەتی ناوخۆی هەرێمی کوردستان بڵاویکردەوە، لە ئەنجامی ناکۆکیی نێوان چەند کەسێک لە سەر کێشەی زەوی و زار، گرژی و نائارامی لە ناوچەی خەباتی سەر بە پارێزگای هەولێر دروست بوو کە بە داخەوە بووە هۆکاری زیانی گیانی و ماددی.

 
بزانه‌ کابینەی نۆیه‌م لە سنووری هەر چوار پارێزگادا چی له‌ بواری ڕێگەوباندا كردووه‌

THURSDAY, 10 JULY 2025 13:07:19

ھەولێر-KDP.info- لە ماوەی کارکردنی کابینەی نۆیەمی حکوومەتی هەرێمی کوردستان، بە سەرۆکایەتی مەسروور بارزانی تەنیا لە کەرتی ڕێگه‌وباندا لە سنووری هەر چوار پارێزگاکە و هەر چوار ئیدارە سەربەخۆکەی هەرێم، بە درێژایی 2681 کیلۆمەتر ڕێگه‌ دروستکراوە، لە پێناو بەهێزکردنی ژێرخانی ڕێگەوبان و ئاسانی هاتوچۆی هاووڵاتیان و بەستنەوەی ناوچەکان بە یەکتری.

 


 
© 2023 Kurdistan Democratic Party, KDP

Contact