سەرۆك بارزانی پێشوازی لە خانەوادە و كەسوكاری شەهیدان و بریندارانی ڕووداوەكانی ئەم دوایەی كەركووك دەكات

دیمانە و وتارەکانی سەرۆک■ مەکتەبی سياسی ■ وتەبێژی فەرمی پارتی ■ دەزگاکانی پارتی ■ هەواڵی لقەکان ■ پەيوەندی گشتی

کوردستانی ■ عێراقی و نێوده‌وڵه‌تی ■ هەواڵەکانی سەرۆک

MON, 18 SEP 2023 14:34 | KDP.info

ڕۆژی دووشەممە 18ی ئەیلوولی 2023 لە سەلاحەددین سەرۆك مەسعود بارزانی پێشوازی لە خانەوادە و كەسوكاری شەهیدان و بریندارانی ڕووداوەكانی ئەم دوایەی كەركووك كرد.

لە دیدارەكەدا سەرۆك بارزانی پرسە و سەرەخۆشی و هاوخەمیی خۆی ئاراستەی خانەوادەی شەهیدان و برینداران كرد و جەختی لەوە كردەوە كە خوێنی ئەو ئازیزانە بەفیڕۆ ناچێت و پێویستە تاوانباران سزای یاسایی خۆیان وەربگرن. سەرۆك بارزانی ئاماژەشی بەوەدا خوێنی ئەو شەهیدانە و دەنگی ناڕەزاییتان پەیامێكی ڕوون بوو بۆ هەموو لایەك كە كورد گەلێكی زیندوو و هوشیارە و پێویستە سنوورێك بۆ ئەو زوڵم و ناهەقیە دابنرێت كە لەدژی هاووڵاتیانی كورد لە كەركووك دەكرێت. ئەوەشی بە ئامادەبوان ڕاگەیاند بەردەوامبوونی ئەو دۆخە ناسرووشتییەی لە كەركووك هەیە مانای ئەوە نیە كە دەستبەرداری ناسنامەی كەركووك دەبین چونكە كەركووك بۆ هەموو تاكێكی كورد ڕەمزێكی گەورەیە. سەرۆك بارزانی ئەوەشی دووپاتكردەوە كە كەركووك دەبێت بۆ هەمووان بێت و ببێتە نموونەی پێكەوەژیان و برایەتی و تەبایی و ئەو گرفتانەی كە ئێستا لە ئارادان بە خۆسەپاندن و توندوتیژی چارەسەر ناكرێت بەڵكو دەبێ بۆ چارەسەری كێشەكان زمانی عەقل و مەنتق بەكار بهێندرێت.

لە بەشێكی تری وتەكەیدا سەرۆك بارزانی هێمای بەوەدا كە بە قووڵی لە ئێش و ئازارەكانی هاووڵاتیانی كورد لە كەركووك تێدەگات و داواشی كرد كە بە هیچ شێوەیەك ڕێگە بە سەركەوتنی ئەو هەوڵە نامەسئولانە نەدرێت كە نیەتی ئەوەیان هەیە ناكۆكییە سیاسییەكانی لایەنەكان بكەنە ناكۆكیی و ململانێیی نەتەوەیی نێوان پێكهاتەكانی كەركووك.

دوایین هەواڵەکان

مەکتەبی سیاسی پارتی سەرەخۆشی لە بنەماڵەی خوالێخۆشبوو حاجی مەولود خدر ئاغای بناوی دەکات

THURSDAY, 28 SEPTEMBER 2023 13:09:38

ھەولێر-KDP.info- مەکتەبی سیاسی پارتی دیموکراتی کوردستان سەرەخۆشی لە خانەوادەی خوالێخۆشبوو حاجی مەولود خدر ئاغای بناوی دەکات.

سەرۆك بارزانی پێشوازی لە شاندێكی پەرلەمانی ڕۆمانیا دەكات

THURSDAY, 28 SEPTEMBER 2023 12:09:52

ھەولێر-KDP.info- ڕۆژی پێنجشەممە 28ی ئەیلوولی 2023 لە سەلاحەددین سەرۆك مەسعود بارزانی پێشوازی لە شاندێكی باڵای پەرلەمانی ڕۆمانیا بە سەرۆكایەتیی سێناتۆر تیتۆس کورلاتسیان سەرۆكی لیژنەی سیاسەتی دەرەوەی پەرلەمانی ڕۆمانیا كرد.

سه‌رۆكى هه‌رێمى كوردستان له‌گه‌ڵ شاندێكى ڕۆمانى كۆبووه‌وه‌

THURSDAY, 28 SEPTEMBER 2023 12:09:48

ھەولێر-KDP.info- به‌ڕێز نێچیرڤان بارزانى، سه‌رۆكى هه‌رێمى كوردستان پێشوازى له‌ شاندێكى ئه‌نجومه‌نى پیرانى ڕۆمانیا به‌ سه‌رۆكایه‌تیى به‌ڕێز سیناتۆر تیتوس كۆرلاتسیان سه‌رۆكى كۆمیته‌ى سیاسه‌تى ده‌ره‌وه‌ى سیناتى ڕۆمانیا كرد كه‌ له‌ ژماره‌یه‌ك له‌ سیناتۆران و باڵیۆزى ڕۆمانیا له‌ عێراق و دیپلۆماتكاران و به‌رپرسى نووسینگه‌ى كونسولگه‌رییان له‌ هه‌ولێر پێكهاتبوو.

پرسەنامەی بەشی ڕۆشنبیری و ڕاگەیاندنی پارتی بۆ بەڕێز (ئەرکان حەمید)

THURSDAY, 28 SEPTEMBER 2023 11:09:13

بە خەمگینییەوە هەواڵی کۆچی دوایی کاکە (رەنج)ی کوڕتانمان بیست، بەو کۆستەوە پرسە و سەرەخۆشیی خۆمان ئاراستەی ئێوە و کەسوکار و بنەماڵە بەڕێزەکەتان دەکەین و خۆمان بە هاوبەشیی خەمتان دەزانین.

په‌یامی پیرۆزبایی بەشی ڕۆشنبیری و ڕاگەیاندنی پارتی بە بۆنەی (60)ەمین ساڵیادی دامەزراندنی ئێزگەی دەنگی کوردستان

THURSDAY, 28 SEPTEMBER 2023 10:09:27

پیرۆزبایی بەشی ڕۆشنبیری و ڕاگەیاندنی پارتی دیموکراتی کوردستان بە بۆنەی (60)ەمین ساڵیادی دامەزراندنی ئێزگەی دەنگی کوردستان

بەڕێزان/ بەڕێوەبەر و ستافی بەڕێوەبردن و هونەرکاران لە ئێزگەی دەنگی کوردستان..

کۆمسیۆن: لەم مانگە دەرگای تۆمارکردنی کاندید، لیست و هاوپەیمانی بۆ پەرلەمانی کوردستان دەکرێتەوە

دهۆک_KDP.info_ بەرپرسی ئۆفیسی دهۆکی کۆمسیۆنی باڵای سەربەخۆی هەڵبژاردنەکانی عێراق ئاشکرایکرد، ئامادەکارییەکانی هەڵبژاردنی پەرلەمانی کوردستان دەست پێدەکەین و لەم مانگەش دەرگای تۆمارکردنی کاندید، لیست و هاوپەیمانی دەکرێتەوە.

ڕاگه‌یاندراوێك له‌ مه‌كته‌بی سیاسیی پارتی دیموكراتی كوردستانه‌وه‌

هاووڵاتیانی خۆڕاگری كوردستان…
مه‌كته‌بی سیاسیی یه‌كێتیی نیشتمانیی كوردستان، له‌ ڕێكه‌وتی 30ی 8ی 2023 به‌یاننامه‌یه‌كی دورودرێژی بێ ناوه‌رۆك و، دور له‌ ڕاستی و پڕ چه‌واشه‌كاری به‌ بۆنه‌ی 31ی ئاب بڵاوكردۆته‌وه‌. ڕووداوی 31ی ئابی ساڵی 1996 خاڵێكی وه‌رچه‌رخان بوو له‌ مێژووی خه‌باتی گه‌له‌كه‌مان و له‌ سایه‌ی ده‌رئه‌نجامه‌كانیدا هه‌رێمی كوردستان به‌ره‌و ئاراسته‌ی نیشتیمانی و ئاوه‌دانكردنه‌وه‌ و سه‌قامگیری هه‌نگاوی نا.

مەحموود محەمەد: ئێمە لە رووی تەکنیکی و سیاسیی و ئیداریی، ئامادەکاریمان بۆ ئەنجامدانی ھەڵبژاردن لە ھەرێم کردووە

هەولێر-KDP.info- مەحموود محەمەد ئەندامی دەستەی کارگێڕی و گوتەبێژی فەرمیی پارتی دیموکراتی کوردستان، لە چاوپێکەوتنێکیدا لەگەڵ دەنگی ئەمەریکا، وەڵامی چەند پرسیارێکی لەسەر عێراق و هەرێمی کوردستان و پەیوەندییەکانی پارتی و لایەنەکان و هەڵبژاردن داوەتەوە کە ئەمەی خوارەوە دەقی دیمانەکەیە: