Kurdî  ■  كوردی  ■  عربي
FRI, 9 JUN 2023 03:09 Erbil, GMT +3
پارتی دیموکراتی کوردستان
ئازادی . دیموکراسی . دادپەروەری
 

"لە لۆزان کۆنفرانسێکی تایبەت بە سەدساڵەی پەیماننامەی لۆزان ئەنجام دەدرێ"
| KDP.info


هەولێر -KDP.info-بەرپرسی ناوەندی ڕەوەندی کوردستانی-سویسرا، دەڵێ، بە بۆنەی سەد ساڵەی پەیماننامەی لۆزان، ناوەندەکەیان بە هەماهەنگی کۆنفدراسیۆنی ڕەوەندی کوردستانی، هاوکات لەگەڵ شارەوانی لۆزان، هەڵدەستن بە ڕێکخستنی کۆنفرانسێکی تایبەت لەسەر ئەو پەیماننامەیە.

ئەندازیار سەیران کاکەوڵا، بەرپرسی ناوەندی ڕەوەندی کوردستانی-سویسرا، بە ماڵپەڕی فەرمیی پارتی دیموکراتی کوردستانی راگەیاند، ئەوان وەک ناوەندەکە، پڕۆژەی ئەنجامدانی کۆنفرانسێکیان لەسەر سەد ساڵەی پەیماننامەی لۆزان پێشکەش بە کۆنفدراسیۆنی ڕەوەندی کوردستانی کردووە، بە خۆشحاڵییەوە پەسەند کراوە و ئەوانیش بەو کارە هەستاون.

ئەوەشی خستەڕوو، کۆنفرانسەکە لە 27 و 28ی ئەم مانگە و، بە هەماهەنگی لەگەڵ هەریەکە لە کۆنفدراسیۆنی ڕەوەندی کوردستانی و،  شارەوانی لۆزان، بە ناونیشانی (سەدەیەک دوای پەیمانی لۆزان بۆچوون و دیدگاکان) بەڕێوەدەچێت.

بەرپرسی ناوەندی ڕەوەندی کوردستانی-سویسرا، باسی لەوەشکرد، کە لە کۆتایی کۆنفرانسەدا پرسیاری گەلی کوردستان لە ئامادەبووان و کۆمەڵگای نێودەوڵەتی و، بە تایبەت لەو وڵاتانەی بەشدار بوون لەو پەیماننامەیەدا دەکرێت، کە بەناوی (کۆنفرانسی ئاشتی جیهانی بۆ ڕۆژهەڵاتی ناوەڕاست) کراوە، ئایا بەڕاستی ئاشتی بۆ گەلانی ناوچەکە هێناوەتە ئاراوە، یا پێچەوانەکەی؟ بۆ ئەو مەبەستەش ئەوان هەستاون بە بانگهێشتکردنی، سیاسەتوانان و توێژەران و پسپۆڕانی كوردستانی و بیانی، ئەوەش لە پێناو ئاڵوگۆڕی دید و ڕەهەندە جیاوازەكانیان، تا لێكدانەوە بۆ كاریگەرییەكانی ڕێككەوتننامەكە لەسەر پرسی گەلی كوردستان لە ڕۆژهەڵاتی ناوەڕاستدا بكرێت.

وەک ئەندازیار سەیران روونی کردەوە، ئەو رێککەوتننامەیە، چەندین سنووری نێودەوڵەتی و ڕێككاری هەرێمایەتی پەیوەست بە خاكی سەپاندووە، كە تێیدا ڕەچاوی ویست و ئیرادە و مافە بنەڕەتییەكانی گەلانی ناوچەكەی تێدا نەكراوە و، سەرەكیترنیشیان گەلی كوردستانە، بۆیە لە بەستنی ئەو کۆنفرانسەیاندا، میكانیزمەكانی چۆنیەتی مامەڵەكردن لەگەڵ لێکەوتەکانی دەخرێنەڕوو.

ئەو، سوپاسی هەموو ئەو لایەنانەی کرد، کە بۆ سەرکەوتنی ئەو پڕۆژە نەتەوەیی و نیشتیمانییە، پاڵپشتی رێکخەرانی کۆنفەرانسەکەیان کردووە.

جێی باسە، ڕێككەوتننامەی لۆزان لە 24ی تەمموزی 1923، لە نێوان وڵاتە هاوپەیمانە براوەكانی جەنگی یەكەمی یەكەمی جیهانی و توركیادا واژۆ كرا، بە شێوەیەكی گشتگیر كاریگەری لەسەر وڵاتان و گەلانی ناوچەكە بەجێهشتووە، هەربۆیە كاریگەرییەكانی بەردەوامن و سەرنج و هەڵسەنگاندن و گفتوگۆكردنیش لەبارەیەوە بەردەوامن.

 

خێڵان بەختیار

 




دوایین هەواڵەکان

سه‌رۆكى هه‌رێمى كوردستان له‌گه‌ڵ باڵیۆزى ئه‌مه‌ریكا كۆبووه‌وه‌

THURSDAY, 08 JUNE 2023 21:06:13

ئێواره‌ى ئه‌مڕۆ پێنجشه‌ممه‌ 8/6/2023 به‌ڕێز نێچیرڤان بارزانى، سه‌رۆكى هه‌رێمى كوردستان، پێشوازى له‌ خاتوو ئالینا ڕۆمانۆوسكى، باڵیۆزى ئه‌مه‌ریكا له‌ عێراق كرد.

دڵشاد شهاب": کۆمسیۆنی عێراق ئامادەیە بۆ بەڕێوەبردنی هەڵبژاردنی هەرێم"

THURSDAY, 08 JUNE 2023 18:06:13

گوتەبێژی سەرۆکایەتی هەرێمی کوردستان ئاشکرایکرد، شاندێکی سەرۆکایەتی هەرێم سەردانی بەغدای کردووە، لەبارەی پرسی هەڵبژادنی هەرێمی کوردستان، کۆمسیۆنی باڵای هەڵبژاردنەکانی عێراق ئامادەیی خۆی دەربڕیوە بۆ بەڕێوەبردنی هەڵبژاردن.

 
قایمقامی باتۆفا": لە ئایندەیەکی نزیک دەست دەکرێت بە دروستکردنی نەخۆشخانەی باتۆفا"

THURSDAY, 08 JUNE 2023 17:06:32

بڕیارە لە ئایندەیەکی نزیکدا لە قەزای باتۆفە دەست بکرێت بە دروستکردنی نەخۆشخانەیەکی گشتی، قایمقامی قەزاکەش دەڵێ: بە دروستکردنی نەخۆشخانەکە ھاووڵاتیان لە خزمەت گوزاری تەندروستی سوودمەند دەبن.

 
سەرۆکی حکومەتی هەرێمی کوردستان پێشوازی لە باڵیۆزی ئەمەریکا لە عێراق دەکات

THURSDAY, 08 JUNE 2023 17:06:03

ئەمڕۆ پێنجشەممە 6/8، مەسرور بارزانی سەرۆکی حکومەتی هەرێمی کوردستان ، پێشوازی لە ئەلینا رۆمەناوسکی باڵیۆزی ئەمەریکا لە عێراق کرد .

سەرۆك بارزانی پێشوازیی لە ژمارەیەك لە هونەرمەندانی كوردستان دەكات

THURSDAY, 08 JUNE 2023 17:06:14

ڕۆژی پێنجشەممە 8ی حوزەیرانی 2023 لە سەلاحەددین سەرۆك مەسعود بارزانی پێشوازی لە ژمارەیەك لە هونەرمەندانی كوردستان كرد.

 


 
© 2023 Kurdistan Democratic Party, KDP

Contact