Kurdî  ■  كوردی  ■  عربي
THU, 25 APR 2024 00:42 Erbil, GMT +3
پارتی دیموکراتی کوردستان
ئازادی . دیموکراسی . دادپەروەری
 

پەیامی پیرۆزبایی مەکتەبی سیاسیی پارتی بە بۆنەی سەری ساڵی نوێی کوردی و جەژنی نەتەوەیی نەورۆزەوە
| KDP.info


هەموو ساڵێک گەلەکەمان لە (٢١ـی ئادار) یادی جەژنی نەتەوەیی نەورۆز و هاتنەوەی سەری ساڵی نوێی کوردی دەکاتەوە.

نەورۆز واتە هێما و کولتوور  و مێژوو و شیانی نەتەوەیی، واتە دەستپێکی ساڵێکی نوێ و گەشانەوە و بووژانەوەی سروشتی کوردستان. 
نەورۆز نیشانەی سەرکەوتنی هێزی ئازادیخواز و خێرە بەسەر هێزی ستەم و شەڕانگێزی، هەروەها هەوێنی نەسرەوتن و بەردەوامبوونە لە تێکۆشان و خەباتی ڕەوا و گیانی بەرخۆدان و ڕووبەڕوبوونەوەی ستەم و زۆرداری.

جەژنی نەورۆز وەک بۆنەیەکی نەتەوەیی و نیشتیمانی، دەرفەتێکە بۆ ڕێکخستنەوەی نێو ماڵی کوردستانی و هەماهەنگی زیاتر و لێکنزیکبوونەوەی هێز و لایەنە سیاسییەکان بۆ یەکخستنی هەڵوێست و گوتاری سیاسی و هەوڵدان بۆ چارەسەرکردنی کێشە  نێوخۆییەکان، لەوانەش پرسی هەڵبژاردن و یەکلاکردنەوەی پرسە چارەنووسسازەکان لەگەڵ حکومەتی عێراقی فیدراڵ، تایبەت ئەوانەی پەیوەستن بە ماف و شایستە یاسایی و دەستوورییەکانی هەرێمی کوردستان.

ئەم جەژنە پیرۆزە هاوکاتە لەگەڵ یادەکانی ڕاپەڕین و ڕۆژی ئازادکردنی شاری کەرکووکی دڵی کوردستان، بۆیە هەر لەو ڕۆژەدا پیرۆزباییەکی گەرم لە هاووڵاتییان و خەڵکی خۆڕاگر و سەربەرزی شاری کەرکووک دەکەین و هیوای سەرفرازی و ئاسوودەییان بۆ دەخوازین. 

لەم جەژنە نەتەوەییەماندا جەخت دەکەینەوە لە سەر بەدیهێنانی ماف و خواست و ئامانجەکانمان و باشترکردنی ژیان و گوزەرانی هاووڵاتیان و پاراستن و بەهێزکردنی ئەزموونی حوکمڕانی هەرێمی کوردستان و، ئومێدەوارین کوردستانییانی خۆشەویست لە ناوەوەی هەرێمی کوردستان و لە دەرەوە ئەم جەژنە نەتەوەییە بە ئارامی و خۆشی و شادی بەسەربەرن.

جەژنی نەتەوەیی نەورۆز و ساڵی ٢٧٢٣ی کوردی لە گەلی کورد و خانەوادە و کەسوکاری سەربەرزی شەهیدە نەمرەکان، لە هێزی پێشمەرگەی کوردستان و تەواوی چین و توێژەکان پیرۆز بێت.

کوردستانیش هەمیشە ئارام و ئاوەدان و شکۆدار بێت.

مەکتەبی سیاسیی
پارتی دیموکراتی کوردستان
٢٩ـی ڕەشەمەی ٢٧٢٣ـی کوردی
٢٠ـی ئاداری ٢٠٢٣ـی زاینی




دوایین هەواڵەکان

وەزارەتی ناوخۆ ئاگادارییەك ئاراستەی ئەو ئەفسەر و كارمەندانە دەكات

THURSDAY, 25 APRIL 2024 00:04:55

ھەولێر-KDP.info- وەزارەتی ناوخۆی حكوومەتی هەرێمی كوردستان ئاگادارییەك ئاراستەی ئەو ئەفسەر و كارمەندانە دەكات كە بی مۆڵەتی خوێندن بڕوانامەیان بەدەست هیناوە و تاوەكوو ئێستا بۆیان هەژمار نەكراوە.

 
ھەرێمی کوردستان بەشداری لە دیداری ئەبوزەبی بۆ وەبەرھێنان دەکات

WEDNESDAY, 24 APRIL 2024 19:04:39

ھەولێر -KDP.info- دەستەی گشتی وەبەرھێنان بەشداری لە سێزدەمین دیداری وەبەرھێنان لە ئەبوزەبی دەکات و سەرۆکی دەستەی گشتی وەبەرھێنانیش دەڵێ، ھەرێمی کوردستان بۆ جاری یەکەمە بەشداری لە دیدارەکە دەکات.

 
ئەنجومەنی وەزیران: بەپێی یاسا بەرکارە فیدڕاڵییەکان، بەشی بەغدا لە داهاتی نانەوتی هەرێم دەخرێتە سەر هەژماری وەزارەتی دارایی فیدراڵ

WEDNESDAY, 24 APRIL 2024 19:04:56

ھەولێر-KDP.info-  ئەمڕۆ چوارشەممە 24ی نیسانی 2024، بە سەرپەرشتی سەرۆک وەزیران مەسرور بارزانی، ئەنجومەنی وەزیرانی هەرێمی کوردستان کۆبووەوە.

 
مەحموود محەممەد: وەک پارتی لەگەڵ سیستەمی هەڵبژاردن و ڕێگریی لە بەشداریی پێکهاتەکان، کۆک نەبووین

WEDNESDAY, 24 APRIL 2024 18:04:37

مەحموود محەممەد: وەک پارتی لەگەڵ سیستەمی هەڵبژاردن و ڕێگریی لە بەشداریی پێکهاتەکان، کۆک نەبووین

 
راوێژکارێکی دەستەی ناوچە کوردستانییەکان: ھەڵبژاردنی ئەنجوومەنی پارێزگاکان کاریگەری ھەبووە"

WEDNESDAY, 24 APRIL 2024 17:04:54

ھەولێر-KDP.info- دوای ھەڵبژاردنی ئەنجوومەنی پارێزگاکان کرانەوەیەک ھەیە لەنێوان ھەرێم و بەغدا بۆ چارەسەرکردنی کێشەکانی ناوچە کوردستانییەکانی دەرەوەی ئیدارەی حکوومەتی ھەرێم و دەنگەکانی کورد لە کەرکووک و نەینەوا و خانەقین گۆڕانکاریان پەیداکردوە. 

 


 
© 2023 Kurdistan Democratic Party, KDP

Contact