Kurdî  ■  كوردی  ■  عربي
SAT, 12 JUL 2025 10:27 Erbil, GMT +3
پارتی دیموکراتی کوردستان
ئازادی . دیموکراسی . دادپەروەری
 

ب ڤان بڕیار و ره‌فتارا ئێراق دێ به‌ره‌ف تۆنێله‌كا تاری چیت
| KDP.info


كاڤین شیخ سعید*

بڕیارا دادگه‌ها فیدرالی سه‌باره‌ت هه‌لوه‌شاندنا هه‌می وان رێككه‌فتنێن دناڤبه‌را حكومه‌تا ئێراقى و هه‌رێما كوردستانێ دا هاتینه‌كرن و نه‌هنارتنا گوژمێ دووسه‌د ملیار دینارا ژ موچێ فه‌رمانبه‌رێن هه‌رێما كوردستانێ بڕیاره‌كا ناعادیلانه و سروشته‌كێ شوڤینیه‌تى پێڤه دیاره، پرانیا خه‌لكێ هه‌رێمى دژى ڤێ بڕیارا دادگه‌ها فیدرالی یه و شه‌رمزار دكه ن، به‌لكى زۆربه‌ی خه‌لكێ ئێراقێ و پارت و لایه‌نێن سیاسی ژی دژى ڤێ بڕیارێ نه و ده‌ستخوشیێ لێ ناكه‌ن.

پێتڤی بوو دادگه‌ها فیدرالی به‌ری بڕیاردانێ پێداچۆن تێدا كربا، ژبه‌ركو سزادانا خه‌لكێ هه‌رێما كوردستانێ بڤی شێوه‌یی خزمه‌تا ئێراقێ ناكه‌ت و ده‌وله‌تا ئێراقى بێی هه‌رێما كوردستانى دێ ده‌وله‌ته‌كا لاواز و بێ هێز و نه‌ئێكگرتی بیت، ئه‌و كه‌س و لایه‌نێن ل دادگه‌ها فیدرالی سكالا ل دژی هه‌رێمێ تۆمار كرین هه‌ستا نشتیمانی ل ده‌ف وان گه‌له‌ك لاواز و بێ قیمه‌ته. ئه‌گه‌ر ئه‌و كه‌س و لایه‌ن داخوازا دادوه‌ریا جڤاكی دكه‌ن ژبۆ به‌رژه‌وه‌ندیا گشتی یا ئێراقێ دڤیت بچاڤه‌كێ كێم ل وه‌لاتیێن هه‌رێما كوردستانێ نه‌نێرن، لێ یا دیاره وان هنده‌ك ئه‌جندایێت دیتر هه‌نه دخوازن حكومه‌تا هه‌رێما كوردستانێ لاواز و بێ قیمه‌ت بكه‌ن، یان ژی ئامانج پى هه‌لوه‌شاندنا قه‌وارا هه‌رێما كوردستانێیه، له‌ورا ژی پێتڤی یه دادگه‌ها فیدرالی بزانیت كو ژبه‌ر ڤان جوره بڕیار و سزادانا هه‌ڤوه‌لاتیێن كوردستانێ، دبیته سه‌ده‌ما وێ چه‌ندێ كو هه‌ڤوه‌لاتیێن هه‌رێما كوردستانێ شانازیێ ب ئێراقیبوونا خو نه‌كه‌ن و ئێراق پتر لبه‌ر چاڤێن وا سڤك و ره‌ش دبیت. د سه‌د سالێن بۆری دا كوردستان بهه‌ر ئاوایه‌كێ یا بوویه پارچه‌یه‌ك ژ وه‌لاتێ ئێراقێ، سه‌ر هندێ را كورد خودان جوگرافی و خاك و زمان و فه‌رهه‌نگ و كه‌لتوره‌كێ جودایه و تایبه‌تمه‌ندیا خو هه‌یه به‌لێ لڤان سه‌د سالێن بۆریدا و لسه‌ر هه‌می وان رژێمێن حوكمرانیا ئێراقێ كری هه‌ر ژ سه‌رده‌مێ پاشایه‌تی و هه‌تا نوكه هه‌میا زۆرداری یا دگه‌ل كوردا كری، هه‌می ئومێدا گه‌لێ كوردستانێ ئه‌و بوو پشتی ژنافچۆنا ده‌سته‌لاتداریا رژێما به‌عسا فاشست ژ زولم و سته‌مكاریێ قورتال بن و كه‌ڤنه دناڤ حوكمرانیه‌كا دادپه‌روه‌ردا، لێ مخابن خه‌لكێ هه‌رێمێ هه‌ست دكه‌ن كو هه‌مان عه‌قلیه‌تا شوفینی و زالماندا لسه‌ر حوكمرانیا ئێراقێ دا یا زاله ژبه‌ر ڤێ سیاسه‌تا دوو روی بڕیارێن ناڕه‌وا ل دژی هه‌رێمێ، پرانیا خه‌لكێ شانازیێ ب ئێراقی بوونا خو ناكه‌ن و هه‌ست دكه‌ن وه‌لاتیێن پله دوو بن، یا دیاره به‌رده‌وام دستور ل دژی هه‌رێما كوردستانێ دهێته‌ بن پێ كرن و دادگه‌ها فیدرالی بێده‌نگیێ دهه‌لبژێریت، راسته ئه‌م هه‌رێمه‌كا سه‌ربه‌خۆینه لێ گه‌له‌ك به‌ندێن ده‌ستوری هه‌نه دبه‌رژه‌وه‌ندیا حكومه‌تا هه‌رێمێ دا یێت هاتینه ڕاگرتن، ژوانا شایستێن دارایی و بودجه و موچێ هاوولاتیا، ده‌رنه‌كرنا یاسایا نه‌فت و گاز و نه‌هنارتنا به‌شێ بودجێ هێزێن پێشمه‌رگه‌ی ژ پاره و چه‌ك و پێداویستیێن سه‌ربازی كو پێشمه‌رگه ژی به‌شه‌كه‌ ژ مه‌نزوما به‌رگریا ئێراقى و جێبه‌جێ نه‌كرنا به‌ندا١٤٠ یا دستوری و نه‌هنارتنا به‌شێ داوده‌رمانا بۆ كه‌رتێ ساخله‌میا هه‌رێمێ و كه‌رتێ چاندنێ و جوتیارێن هه‌رێمێ و قه‌ره‌بوونه‌كرنا كه‌س و كارێن ئه‌نفالكریا و گه‌له‌ك بابه‌تێن دیتر دستوری نه و هه‌تا نوكه هه‌لاویستی ماینه كو ئه‌ڤه‌ هه‌می پێدڤی چاره‌سه‌ركرنێ نه و دڤێت حكومه‌تا فیدرال چه‌ند پێنگاڤه‌كا بێته پێش و نه‌رماتیێ ل به‌رامبه‌ری هه‌رێما كوردستانێ بكار بینیت و دووپات دكه‌م ئه‌ڤ بڕیارا دادگه‌ها فیدرال نه‌ تنێ دژی هه‌رێما كوردستانى یه!! هه‌مان ده‌م ئاسته‌نگ و گرێیه‌كا ئاسێ ل رێكا سه‌ركه‌فتنا كابینا حكومه‌تا به‌رێز محمد شیاع سودانی یه‌، له‌ورا ژی ئه‌م پشته‌ڤانیا هه‌لویستێ جه‌نابێ سه‌رۆك و مه‌رجه‌عێ كوردستانێ سه‌رۆك مه‌سعود بارزانی دكه‌ین كو پێدڤیه حكومه‌تا فیدرال ژی پێداچۆنه‌كێ دچاره‌سه‌ركرنا ڤێ كێشێ دا بكه‌ت و هه‌روه‌سا ئه‌و كه‌س و لایه‌نێن ئه‌ڤ سكالایه تۆماركری دڤێت بزانن چ سه‌ركه‌فتن ل برسی كرن و قوتكرنا موچێ خه‌لكی دا نینه، به‌لكی ژبۆ وان شه‌رم و كرێتیه‌كا مه‌زنه، حكومه‌تا هه‌رێما كوردستانى ژ ڤان جۆره گڤاشتن و بڕیارا ناچه‌میێت، جه‌نابێ سه‌رۆك بارزانی خودان هێز و ئیراده‌یه‌ك خورتتره ژ بو تێپه‌راندنا ڤێ قوناغێ و پویچكرنا هه‌می وان پیلانێن دژى حكومه‌تا هه‌رێما كوردستانێ دئێنه كرن.

 

 

* ئه‌نداما ئه‌نجوومه‌نێ نوێنه‌رێن ئێراقێ




دوایین هەواڵەکان

مەسروور بارزانی: پێشوازیی لە پرۆسەی ئاشتی و یەکەم هەنگاوی چەکدانانی پەکەکە دەکەم

FRIDAY, 11 JULY 2025 21:07:33

ھەولێر-KDP.info- سەرۆکی حکوومەتی ھەرێمی کوردستان، پێشوازی لە دەستپێکردنی پرۆسەی ئاشتی و یەکەم ھەنگاوی چەکدانانی ژمارەیەک چەکداری پەکەکە دەکات و ھیواخوازە ئەم ھەنگاوە ببێتە سەرەتای سەردەمێکی نوێی پێکەوەژیان و ئارامی لە ناوچەکەدا.

 
سەرۆکی ھەرێمی کوردستان ستایشى هه‌نگاوه‌كانى پرۆسه‌ى ئاشتى ده‌كات

FRIDAY, 11 JULY 2025 20:07:20

ھەولێر-KDP.info- ئێوارەی ئەمڕۆ ھەینی ٢٠٢٥/٧/١١ بەڕێز نێچیرڤان بارزانی، سەرۆکی ھەرێمی کوردستان، پێشوازیی لە شاندی سەرۆکایەتیی دەم پارتی و ژمارەیەک لە سیاسەتمدارانی کورد کرد کە ئەمڕۆ بەشدارییان لە ڕێوڕەسمی چەکدانانی گرووپێکی گەریللاکانی پەکەکەدا، کردبوو.

 
نوێنەری سەرۆک بارزانی بەشداری لە ڕۆژی نیشتمانی کۆماری میسر لە ھەولێر کرد

FRIDAY, 11 JULY 2025 19:07:00

ھەولێر-KDP.info- بە نوێنەرایەتی سەرۆک بارزانی، ھۆشیار زێباری، بەشداری لە ڕێوڕەسمی ڕۆژی نیشتمانی کۆماری میسر لە ھەولێر کرد.

سەرۆک بارزانی پێشوازی لە ژمارەیەک کەسایەتیی سیاسی و شاندی باڵای دەم پارتی دەکات

FRIDAY, 11 JULY 2025 19:07:00

ھەولێر-KDP.info- سەرۆك مەسعود بارزانی، پێشوازیی لە ژمارەیەک کەسایەتیی سیاسی و شاندی باڵای دەم پارتی كرد، لە دیدارەکەدا شاندی میوان دەستخۆشییان لە سەرۆک بارزانی کرد بۆ ڕۆڵی بەهێز و نەتەوەیی و ستراتیژیی لە پشتیوانیکردنی پڕۆسەی ئاشتی لە تورکیا.

 
سه‌رۆكى هه‌رێمى كوردستان داكۆكى له‌ سه‌رخستنى پرۆسه‌ى ئاشتى ده‌كاته‌وه‌

FRIDAY, 11 JULY 2025 14:07:27

ھەولێر-KDP.info- نێچیرڤان بارزانی، سەرۆکی هەرێمی کوردستان پێشوازی لە چەکدانانی پارتى كرێكارانى كوردستان (په‌كه‌كه‌) دەکات و داكۆكى له‌ سه‌رخستنى پرۆسه‌ى ئاشتى ده‌كاته‌وه‌.  

 


 
© 2023 Kurdistan Democratic Party, KDP

Contact