Kurdî  ■  كوردی  ■  عربي
THU, 25 APR 2024 01:10 Erbil, GMT +3
پارتی دیموکراتی کوردستان
ئازادی . دیموکراسی . دادپەروەری
 

نێچیرڤان بارزانى له‌گه‌ڵ شاندێكى باڵاى ئه‌ڵمانى كۆبووه‌وه‌
| KDP.info


هه‌ولێر-KDP.info- ئێواره‌ى ئه‌مڕۆ چوارشه‌ممه‌ 2023/1/25 به‌ڕێز نێچیرڤان بارزانى، سه‌رۆكى هه‌رێمى كوردستان، پێشوازى له‌ به‌ڕێز تۆبیاس لیندنه‌ر، وه‌زیرى ده‌وڵه‌ت له‌ وه‌زاره‌تى ده‌ره‌وه‌ى فیدراڵیى ئه‌ڵمانیا و شاندێكى باڵاى یاوه‌رى كرد.

له‌ كۆبوونه‌وه‌یه‌كدا به‌ڕێز لیندنه‌ر دووپاتى كرده‌وه‌ كه‌ ئه‌ڵمانیا به‌ بایه‌خه‌وه‌ له‌ په‌یوه‌ندییه‌كانى له‌گه‌ڵ عێراق و هه‌رێمى كوردستان ده‌ڕوانێت و خوازیاره‌ له‌ هه‌موو بواره‌كاندا بره‌و به‌ په‌یوه‌ندییه‌كانى له‌گه‌ڵ به‌غدا و هه‌ولێر بدات، به‌تایبه‌تیش له‌ بوارى ئابووریدا، هه‌ر له‌مباره‌یه‌وه‌ باسى له‌ دوایین سه‌ردانى سه‌رۆك وه‌زیرانى عێراقى فیدراڵ به‌ڕێز محه‌مه‌د شیاع ئه‌لسوودانى بۆ ئه‌ڵمانیا كرد. هه‌ردوولا جه‌ختیان له‌ گرنگیى سه‌قامگیریى سیاسى له‌ عێراق و هه‌رێمى كوردستان كرده‌وه‌ بۆ پێشكه‌وتن له‌ هه‌موو بواره‌كاندا.

سه‌رۆك نێچیرڤان بارزانى، سوپاس و پێزانینى هه‌رێمى كوردستانى بۆ ئه‌ڵمانیا دووپات كرده‌وه‌ بۆ هاوكارى و یارمه‌تیدانى هه‌رێمى كوردستان و عێراق له‌ شه‌ڕى دژى تیرۆر و به‌ره‌نگاربوونه‌وه‌ى داعشدا، هه‌روه‌ها بۆ ناساندنى كۆمه‌ڵكوژیى ئێزدییان به‌ جینۆساید له‌ په‌رله‌مانى ئه‌ڵمانیا. هه‌ردوولا هاوڕا بوون له‌سه‌ر ئه‌وه‌ى كه‌ هێشتا داعش مه‌ترسییه‌كى ڕاسته‌قینه‌یه‌ و هه‌ڕه‌شه‌ى جددى له‌ ئاسایشى عێراق و ناوچه‌كه‌ ده‌كات، بۆیه‌ عێراق و هه‌رێمى كوردستان هێشتا پێویستییان به‌ به‌رده‌وامیى ئه‌ركى هاوپه‌یمانیى نێوده‌وڵه‌تیى دژى داعشه‌.

په‌یوه‌ندییه‌كانى هه‌ولێر ـ به‌غدا و گفتوگۆى چاره‌سه‌ركردنى كێشه‌كانیان، دۆخى ناوخۆى هه‌رێمى كوردستان، په‌یوه‌ندییه‌كانى عێراق و هه‌رێمى كوردستان له‌گه‌ڵ وڵاتانى دراوسێ و ناوچه‌كه و‌ چه‌ند پرسێكى جێى بایه‌خى هاوبه‌ش، ته‌وه‌رێكى دیكه‌ى كۆبوونه‌وه‌كه‌ بوو.

 




دوایین هەواڵەکان

وەزارەتی ناوخۆ ئاگادارییەك ئاراستەی ئەو ئەفسەر و كارمەندانە دەكات

THURSDAY, 25 APRIL 2024 00:04:55

ھەولێر-KDP.info- وەزارەتی ناوخۆی حكوومەتی هەرێمی كوردستان ئاگادارییەك ئاراستەی ئەو ئەفسەر و كارمەندانە دەكات كە بی مۆڵەتی خوێندن بڕوانامەیان بەدەست هیناوە و تاوەكوو ئێستا بۆیان هەژمار نەكراوە.

 
ھەرێمی کوردستان بەشداری لە دیداری ئەبوزەبی بۆ وەبەرھێنان دەکات

WEDNESDAY, 24 APRIL 2024 19:04:39

ھەولێر -KDP.info- دەستەی گشتی وەبەرھێنان بەشداری لە سێزدەمین دیداری وەبەرھێنان لە ئەبوزەبی دەکات و سەرۆکی دەستەی گشتی وەبەرھێنانیش دەڵێ، ھەرێمی کوردستان بۆ جاری یەکەمە بەشداری لە دیدارەکە دەکات.

 
ئەنجومەنی وەزیران: بەپێی یاسا بەرکارە فیدڕاڵییەکان، بەشی بەغدا لە داهاتی نانەوتی هەرێم دەخرێتە سەر هەژماری وەزارەتی دارایی فیدراڵ

WEDNESDAY, 24 APRIL 2024 19:04:56

ھەولێر-KDP.info-  ئەمڕۆ چوارشەممە 24ی نیسانی 2024، بە سەرپەرشتی سەرۆک وەزیران مەسرور بارزانی، ئەنجومەنی وەزیرانی هەرێمی کوردستان کۆبووەوە.

 
مەحموود محەممەد: وەک پارتی لەگەڵ سیستەمی هەڵبژاردن و ڕێگریی لە بەشداریی پێکهاتەکان، کۆک نەبووین

WEDNESDAY, 24 APRIL 2024 18:04:37

مەحموود محەممەد: وەک پارتی لەگەڵ سیستەمی هەڵبژاردن و ڕێگریی لە بەشداریی پێکهاتەکان، کۆک نەبووین

 
راوێژکارێکی دەستەی ناوچە کوردستانییەکان: ھەڵبژاردنی ئەنجوومەنی پارێزگاکان کاریگەری ھەبووە"

WEDNESDAY, 24 APRIL 2024 17:04:54

ھەولێر-KDP.info- دوای ھەڵبژاردنی ئەنجوومەنی پارێزگاکان کرانەوەیەک ھەیە لەنێوان ھەرێم و بەغدا بۆ چارەسەرکردنی کێشەکانی ناوچە کوردستانییەکانی دەرەوەی ئیدارەی حکوومەتی ھەرێم و دەنگەکانی کورد لە کەرکووک و نەینەوا و خانەقین گۆڕانکاریان پەیداکردوە. 

 


 
© 2023 Kurdistan Democratic Party, KDP

Contact