Kurdî  ■  كوردی  ■  عربي
FRI, 11 JUL 2025 01:39 Erbil, GMT +3
پارتی دیموکراتی کوردستان
ئازادی . دیموکراسی . دادپەروەری
 

سەربەست مەنمی: كوردستان دیالۆگ لە سلێمانی بۆ ئەم ئامانجانە کاردەکات
| KDP.info


هەولێر-KDP.info-  ستافی "کوردستان دیالۆگ" وەک ڕێکخراوێکی کولتووری بە باکگراوند نەتەوەیی و نیشتمانی، لە تەمەنی چوارەمین ساڵی كاركردنیدا، خۆیان به‌ خۆشحاڵ ده‌زانن كه‌ خزمه‌تیان به‌ هزری نیشتمانی و نه‌ته‌وایه‌تی كردووه‌ له‌ كوردستان و چه‌ندین پرۆژه‌ی کولتووری و سیاسی و فكرییان جێبه‌جێ كردووه‌.

له‌ لێدوانێكی تایبه‌تدا بۆ ماڵپەڕی فه‌رمیی پارتی دیموكرتی كوردستان، سه‌ربه‌ست مه‌نمی، سه‌رۆكی ڕێكخراوی كوردستان دیالۆگ ڕایگه‌یاند‌: ''ئێمه‌ له‌ 1/9/2019ـوه‌ دامه‌زراوین، لە تەمەنی کاری ڕێکخراوەیماندا به‌ ئیمكاناتێكی سنورداره‌وه‌ به‌ڵام به‌ خۆشه‌ویستی بۆ وڵات و بیری نیشتمانی و کولتوور و كورده‌وارییه‌وه‌، كۆمه‌ڵێك پرۆژه‌مان جێبه‌جێ كردوون كه‌ خۆی بینیوه‌ته‌وه‌ له‌ (٩٥) چالاکیی کولتووری و چاپکردنی (١٤) کتێبمان به‌ ئه‌ستۆ گرتووه‌ و بەردەوامین له‌سه‌ر چاپكردنی كتێبی زیاتر بۆ نووسه‌ران و ڕۆشنبیران و توێژه‌ر و مامۆستایانی زانكۆ، ئه‌و كتێبانه‌ی چاپمان كردوون له‌سه‌ر ئه‌ده‌بیات و مێژوو و ناسیۆنالیزمی كوردی بوون و په‌یوه‌ندییان به‌ بیری نه‌ته‌وه‌یی و نیشتمانی و ئه‌ده‌ب و هونه‌ری نیشتمانییه‌وه‌ هه‌بووه،‌‌ هه‌روه‌ها جگه‌ له‌ چاپكردنی كتێب ئێمه‌ خاوەنی دوو پرۆژەی درێژخایەنین كه‌ بریتین له‌ پرۆژەی (کوردستان دەخوێنێتەوە بۆ بەکولتوورکردنی خوێندنەوە) و پرۆژەی (پەرەپێدانی دیالۆگی نیشتمانی)، دیاره‌ ئێمه‌ به‌پێی زرووف و توانامان بۆ ساڵی نوێ پرۆژەیەکی درێژخایەن تر بۆ چالاکییەکانمان زیاد دەکەین كه‌ بریتی ده‌بێت له‌ پرۆژەی (تواناسازیی گەنجانی کوردستان) بۆ ئه‌وەی گه‌نجان خوازیاری كاركردنن له‌سه‌ر بواری ئه‌ده‌ب و کولتوور و نووسین و له‌ كاره‌ جیاوازه‌كانی بواری کولتووردا ده‌یانه‌وێت خزمه‌ت بكه‌ن، ئێمه‌ ویستوومانه‌ سه‌كۆیه‌ك بین و ناوه‌ندێك بین بۆ كۆكردنه‌وه‌یان و یارمه‌تیدانیان له‌م بوارانه‌دا و له‌گه‌ڵ كه‌سایه‌تییه‌ سیاسی و نه‌ته‌وه‌یی و كۆمه‌ڵایه‌تییه‌كان خزمه‌تی كوردستان بكه‌ین و ئێمه‌ ڕێكخراوێكی کولتووری و ڕۆشنبیریی گشتین به‌ باكگراوه‌ندێكی نه‌ته‌وه‌یی و نیشتمانییه‌وه‌ بۆ خزمه‌تكردن به‌ به‌ها باڵا نیشتمانی و كوردستانییه‌كان كار ده‌كه‌ین و له‌ بۆنه‌ نه‌ته‌وه‌ییه‌كانی وه‌ك ڕۆژی ئاڵای كوردستان، ساڵرۆژی دامه‌زرانی كۆماری كوردستان، له‌ ڕۆژی له‌دایكبوونی بارزانیی نه‌مر و له‌ نه‌ورۆزدا چالاكیمان هه‌بووه‌ و به‌رده‌وامیش ده‌بین.''

سه‌ربه‌ست مه‌نمی هه‌روه‌ها ڕایگه‌یاند: ''بەشێکی تر لە چالاکییەکانمان بۆ ڕێزلێنان لە نووسەران و ئەدیبان و ھونەرمەندانی نیشتمانپەروەر و ھاوبەشیکردنی بەھرەمەندانی گه‌نج و لاوانی کوردستان ده‌بێت و هاوكات كارمان كردووه‌ له‌سه‌ر ئه‌نجامدانی دەیان پانێڵ و دیبەیت و سیمینار و گفتوگۆی نیشتمانی و ئەنجامدانی دیداری ئەدەبی و ھونەری وه‌ك دیداری (ھەمیشە نوێبوونەوەی گۆران) و دیداری (حەسیب قەرەداخی).''

سەڵاح جەلال




دوایین هەواڵەکان

سبه‌ی هەرێمی کوردستان میوانداری بەڕێوەچوونی پرۆسەیەکی گرینگ و چارەنوسساز دەکات

THURSDAY, 10 JULY 2025 21:07:18

ھەولێر-KDP.info- گوتەبێژی سەرۆکایەتیی هەرێمی هەرێمی کوردستان دەڵێت، هەموو ئاسانکارییەک کراوە بۆ بەڕێوەچوونی ڕێوڕەسمی چەکدانانی ژمارەیەک چەکداری پەکەکە ده‌شڵێت، هەرێمی کوردستان میوانداری ئه‌م پرۆسە گرنگه‌ دەکات.

 
کۆمپانیا کەنەدییەکان دەیانەوێت لە ھەرێمی کوردستان کار بکەن

THURSDAY, 10 JULY 2025 18:07:10

ھەولێر-KDP.info- سەرۆکی دەستەی وەبەرھێنان لە ھەرێمی کوردستان دەڵێت "پەیوەندی نێوان ھەرێمی کوردستان و کەنەدا زۆر باشە و کۆمپانیا کەنەدییەکان دەیانەوێت بێن لە ھەرێمی کوردستان کار بکەن، ئێمەش وەکو حکوومەتی ھەرێمی کوردستان ھاوکاری و ئاسانکاری تەواویان بۆ دەکەین." 

 
شانده‌كه‌ی پەرلەمانتارانی دەم پارتی ئەمشەو لە هەولێر دەمێننەوه‌

THURSDAY, 10 JULY 2025 15:07:27

ھەولێر-KDP.info- بۆ بەشداربوون لە رێوڕەسمی چەکدانانی گرووپێکی پارتی کرێکارانی کوردستان (پەکەکە)، شاندێکی پەرلەمانتارانی دەم پارتی و کەسایەتییەکانی باکووری کوردستان گەیشتنە هەرێمی کوردستان. 

 
ڕوونكردنەوەیەك لە وەزارەتی ناوخۆی حكوومەتی هەرێمی كوردستانەوە

THURSDAY, 10 JULY 2025 13:07:31

ھەولێر-KDP.info- وەزارەتی ناوخۆی هەرێمی کوردستان بڵاویکردەوە، لە ئەنجامی ناکۆکیی نێوان چەند کەسێک لە سەر کێشەی زەوی و زار، گرژی و نائارامی لە ناوچەی خەباتی سەر بە پارێزگای هەولێر دروست بوو کە بە داخەوە بووە هۆکاری زیانی گیانی و ماددی.

 
بزانه‌ کابینەی نۆیه‌م لە سنووری هەر چوار پارێزگادا چی له‌ بواری ڕێگەوباندا كردووه‌

THURSDAY, 10 JULY 2025 13:07:19

ھەولێر-KDP.info- لە ماوەی کارکردنی کابینەی نۆیەمی حکوومەتی هەرێمی کوردستان، بە سەرۆکایەتی مەسروور بارزانی تەنیا لە کەرتی ڕێگه‌وباندا لە سنووری هەر چوار پارێزگاکە و هەر چوار ئیدارە سەربەخۆکەی هەرێم، بە درێژایی 2681 کیلۆمەتر ڕێگه‌ دروستکراوە، لە پێناو بەهێزکردنی ژێرخانی ڕێگەوبان و ئاسانی هاتوچۆی هاووڵاتیان و بەستنەوەی ناوچەکان بە یەکتری.

 


 
© 2023 Kurdistan Democratic Party, KDP

Contact