پەیامێك لە سەرۆك بارزانییەوە بۆ ڕای گشتیی عێراق و كوردستان

دیمانە و وتارەکانی سەرۆک■ مەکتەبی سياسی ■ وتەبێژی فەرمی پارتی ■ دەزگاکانی پارتی ■ هەواڵی لقەکان ■ پەيوەندی گشتی

کوردستانی ■ عێراقی و نێوده‌وڵه‌تی ■ هەواڵەکانی سەرۆک

WED, 25 JAN 2023 17:33 | KDP.info

بەناوی خودای بەخشندە و میهرەبان

جێگەی داخە جارێكی تر دادگەی فیدڕاڵیی عێراق هەڵوێستێكی تری دوژمنكارانەی بەرانبەر هەرێمی كوردستان نیشان دا و، ڕێگری لەوە كرد ئەو بڕە پارەیە بۆ هەرێم بێت كە بڕیار بوو لە لایەن حكوومەتی فیدڕاڵەوە بۆ هەرێمی كوردستان بنێردرێت.

لێرەدا مەبەست بڕە پارە نیە بەڵكو، كێشە سەرەكییەكە پێشێلكردنی ماف و پڕەنسیبە. هەموو لایەك ئاگادارن كە بەشداریی ئێمە لە هاوپەیمانێتیی ئیدارەی دەوڵەت و پێكهێنانی حكوومەتی نوێی عێراق، لەسەر بنەمای بەرنامەیەكی ڕوون و تێروتەسەل بووە كە هەموو لایەنەكان ڕێككەوتنیان لەسەر كردووە. دابینكردنی بەشێك لە شایستە دارییەكانی هەرێمی كوردستانیش كە مافێكی ڕەوای خەڵكی كوردستانە، بەشێك بووە لەو بەرنامەیە و ڕێككەوتنی لەسەر كراوە. بۆیە بڕیارەكەی ئەمڕۆی دادگەی فیدڕاڵ، بەر لەوەی دژی هەرێمی كوردستان بێت، دژی پڕۆسەی سیاسی و دژی حكوومەتی عێراقی و دژی بەرنامەی خودی هاوپەیمانێتیی ئیدارەی دەوڵەتیشە.

جێگەی سەرسوڕمانە هەر كات كەشێكی ئیجابی لەنێوان هەرێم و بەغدا دروست بووبێت و دەرفەتێك بۆ چارەسەریی گرفتەكان هاتبێتە ئارا، دەستبەجێ دادگەی فیدڕاڵی كاری بۆ تێكدانی ئەو دەرفەتە كردووە و بە بڕیارێكی دوژمنكارانە دەرفەتەكەی لەبار بردووە و بووەتە هۆی ئاڵۆزتربوونی كێشەكان. دیارە ئەجیندایەكی گوماناوی جێبەجێ دەكات و جێگەی دادگەی شۆڕش (محكمة الثورة)ـی ڕژێمی پێشووی گرتووەتەوە.

لێرەدا داوا لە حكوومەتی عێراقی و لایەنە پێكهێنەرەكانی هاوپەیمانێتیی ئیدارەی دەوڵەت دەكەم هەڵوێستی خۆیان لەمەڕ ئەو پێشێلكاری و دژایەتیكردنە نیشان بدەن كە لەلایەن دادگەی فیدڕاڵی لە دژی بەرژەوەندییەكانی عێراق و هەرێمی كوردستان ئەنجام دەدرێت.

مسعود بارزانی
25ی كانوونی دووەمی 2023

دوایین هەواڵەکان

بە نوێنەرایەتی سەرۆک بارزانی، فەلاح حەسەن بەشداریی لە کۆنگرەی پارتی کەتائیبی لوبناندا کرد

SATURDAY, 04 FEBRUARY 2023 19:02:34

فەلاح حەسەن بە نوێنەرایەتیی سەرۆك بارزانی بەشداریی لە كۆنگرەی پارتی كەتائیبی لوبناندا كرد و لەلایەن سەرۆککۆماری پێشووی ئەو وڵاتەوە پێشوازیی لێ كرا.

پسپۆڕانی یاسایی: پێویستە ڕێگری لە بڕیارەکانی دادگای باڵای فیدراڵی دژ بە کورد بکرێت

SATURDAY, 04 FEBRUARY 2023 18:02:44

هەڵەبجە -KDP.info- دادگاى فیدراڵى پاش ئەوەى بڕیاری دا لەوەى حکوومەتى عێراق بۆى نییە ٤٠٠ ملیار دینار بۆ هەرێمى کوردستان بنێرێت، ناڕەزایی گەورەى بەدواى خۆیدا هێنا و بڕیارەکەى بە سیاسى و دژ بە بەرژەوەندیى گەلى کورد شرۆڤە کرا و یاساناسان دەڵێن، پێویستە ڕێگرى لە بڕیارەکانى ئەو دادگایە بکرێت لە ڕێگەى گوشارى نێودەوڵەتى و گۆڕانکارى لە یاساکە و زیادکردنى ئەندامەکانى.

زیرەک کەمال: سەرۆکی هەرێم لەگەڵ هەڵبژاردنە لە کاتی خۆیدا

SATURDAY, 04 FEBRUARY 2023 18:02:18

هەولێر -KDP.info- ڕاوێژکارێکی سەرۆکایەتیی هەرێمی کوردستان دەڵێت، سەرۆکی هەرێم لەگەڵ بەڕێوەچوونی پرۆسەی هەڵبژاردنە لە کاتی خۆیدا و فەرمانی هەرێمییش بۆ دیاریکردنی ڕۆژی هەڵبژاردن دەردەکات.

لەیلا عەبدولجەبار: بۆ نەهێشتنی گەندەڵی دەمانەوێ سوود لە ئەزموونی مالیزیا وەربگرین

SATURDAY, 04 FEBRUARY 2023 17:02:24

هەولێر -KDP.info- ئەندامێکی لیژنەی دەستپاکیی پەرلەمانی کوردستان ئاشکرای کرد، شاندێکی پەرلەمان سەردانی مالیزیا دەکات و دەیەوێت سوود لە ئەزموونی مالیزیا وەربگیرێت بۆ بنەبڕکردنی گەندەڵی.

نەخۆشخانەیەکی نوێی حکوومی لە شاری هەولێر کەوتە خزمەت هاووڵاتیان

SATURDAY, 04 FEBRUARY 2023 16:02:44

هەولێر-KDP.info- گوتەبێژی تەندروستیی هەولێر گوتی، نەخۆشخانەیەکی دیکەی حکوومی بۆ ئافرەتان و لەدایکبوون لە هەولێر کرایەوە کە خزمەت بە خەڵکی شاری هەولێر و دەورەبەری دەکات.

سبەی پارتی سەردانی چەند لایەنێکی سیاسی دەکات

عومەر بەکر، بەرپرسی پەیوەندییەکانی بەشی رۆشنبیری و راگەیاندنی پارتی دیموکراتی کوردستان لە لێدوانێکی تایبەت بۆ ماڵپەڕی فەرمی پارتی رایگەیاند، لە درێژەی سەردانەکانی پارتی دیموکراتی کوردستان بۆ لای پارت و لایەنە سیاسییەکانی کوردستان، وا بڕیارە سبەی چوارشەممە رێکەوتی ١ـی ٢ـی ٢٠٢٣ شاندێکی باڵای پارتیمان سەردانی (حزبی شیوعی کوردستان و پارتی سوسیالیست دیموکراتی کوردستان و حزبی زەحمەتکێشانی کوردستان و پارتی رەنجدەرانی کوردستان) بکات.

پارتی سەردانی یەکگرتوو و کۆمەڵ دەکات

عومەر بەکر، بەرپرسی پەیوەندییەکانی بەشی رۆشنبیری و راگەیاندنی پارتی دیموکراتی کوردستان لە لێدوانێکی تایبەت بۆ ماڵپەڕی فەرمی پارتی رایگەیاند، کە وا بڕیارە سبەی سێشەممە رێکەوتی ٣١ـی ١ـی ٢٠٢٣، لە درێژەی سەردانی پارتی دیموکراتی کوردستان بۆ لای لایەنە سیاسییەکانی ھەرێمی کوردستان، شاندێکی باڵای پارتی سەردانی یەکگرتوی ئیسلامی کوردستان و کۆمەڵی دادگەری کوردستان بکات.

سەرۆکی هەرێمی کوردستان دەستپێشخەریی هەیە

هەولێر-KDP.info- راوێژکاری سەرۆکی هەرێمی کوردستان رایگەیاند، سەرۆکی هەرێمی کوردستان دەستپێشخەریی هەیە، بۆ ئەوەی ناوماڵی کوردی یەک بخرێت و ئێستاش سەرقاڵی زەمینەسازییە، چونکە لە پێناو پاراستنی قەوارەی هەرێمی کوردستاندا، دۆستانمان داوای یەکڕیزیی ناوماڵی کوردی دەکەن.