دهۆک-KDP.info- رێڤەبەرێ سکرێ دهۆکێ دیار کر کو د بەردەوامیا چێکرنا پرۆژێن بەنداڤێن نوی دا یێن کو ل سەر دەمێ کابینا نەهێ یا حکومەتا هەرێما کوردستانێ ل سنوورێ پارێزگەها دهۆکێ دهێنە چێکرن دەست بجهئینانا پرۆژێ بەنداڤا (سبنە دوو) هاتەکرن.
![](/grafik/uploaded/2023/325999549_1372878606884433_8138434282645267468_n__2023_01_24_h16m26s53__ER.jpg)
ئەندازیار فەرهاد محەمەد تاهر، رێڤەبەرێ بەنداڤا دهۆکێ بۆ ماڵپەرێ فەرمیێ پارتی دیموکراتی کوردستان دیار کر کو ب پشتەڤانیا جەنابێ سەرۆکێ حکومەتا هەرێما کوردستانێ و پارێزگەها دهۆکێ ب گوژمێ حەفت ملیار دیناران ل سەر بۆدجا حکومەتا هەرێما کوردستانێ دەست بجهئینانا پرۆژێ تمامکرنا بەنداڤا (سبنە دوو) ل سنوورێ قەزا ئامێدیێ یا ب سەر پارێزگەها دهۆکێ ڤە هاتەکرن و گۆت: "د شیانێن ڤێ بەنداڤێ دایە شەش ملیون مەترێن سێجا یێن ئاڤێ عمبار بکەت.
![](/grafik/uploaded/2023/326096098_5843963689031148_5605254712338447742_n__2023_01_24_h16m27s25__ER.jpg)
ناڤهاتی ئاماژە دا وێ چەندێ کو کار د چێکرنا ڤێ بەنداڤێ دا هەتا سالا 2014 ب رێژا 40% هاتبوو ئەنجامدان، بەلێ ژ بەر قەیرانا دارایی و ئەو کاودانێن ب سەر هەرێما کوردستانێ دا هاتین بۆ دەمێ چەندین سالان بۆ کار د چێکرنا ڤێ بەنداڤێ دا هاتبوو ڕاوەستاندن، بەلێ نوکە دووبارە دەست ب کارێ چێکرنا ڤێ بەنداڤێ هاتەکرن ڤە و ئەو د وێ باوەرێ دانە کو دێ ددەمێ خوە یێ دەستنیشانکری دا ب دووماهی هێت کەڤیتە د خزمەتا خەلکێ دەڤەرێ دا.
![](/grafik/uploaded/2023/325128327_563047825727487_4897301418469635368_n__2023_01_24_h16m27s51__ER.jpg)
رێوار محەمەد رەشید