Kurdî  ■  كوردی  ■  عربي
SUN, 5 FEB 2023 07:19 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

بڕیارێکی حکوومەتی عێراق هەرێمی کوردستانیش دەگرێتەوە
| KDP.info


بەغدا -KDP.info- حکوومەتی عێراق بڕیاری داوە بەشەخۆراکی مانگانەی خاوەن پێداویستی تایبەت و چاودێریی کۆمەڵایەتی زیاد بکات، سەرۆکی فراکسیۆنی پارتی دیموکراتی کوردستانیش لە پەرلەمانی عێراق دەڵێت، کار دەکەین کە ئەو بڕیارە هەرێمی کوردستانیش بگرێتەوە و بە شێوەی مەبدەئی ڕەزامەندی دراوە کە لە عێراق لەم مانگە بۆیان زیاد دەکرێت.

دکتۆرە ڤیان سەبری، سەرۆکی فراکسیۆنی پارتی دیموکراتی کوردستان لە پەرلەمانی عێراق، بۆ ماڵپەڕی فەرمیی پارتی دیموکراتی کوردستان گوتی: ''ئێمە بە هەماهەنگی لەگەڵ هەردوو وەزارەتی کار و کاروباری کۆمەڵایەتی و بازرگانی لە هەردوو حکوومەتی عێراق و هەرێمی کوردستان کار دەکەین و لە هەوڵداین بۆ ئەوەی خاوەنپێداویستیی تایبەت و چاودێریی کۆمەڵایەتی لە هەرێمی کوردستان لەو پێشنیارەی حکوومەتی عێراق بۆ زیادکردنی بەشەخۆراکی مانگانەی هاووڵاتییان سوودمەند بن.''

دکتۆرە ڤیان سەبری گوتیشی: ''سەردانی وەزارەتی بازرگانی و کاروباری کۆمەڵایەتیی حکوومەتی عێراقمان کردووە و لەگەڵ وەزارەتی کاروباری کۆمەڵایەتی و وەزارەتی بازرگانیی حکوومەتی هەرێمیش لەسەر خەتین بۆ ئەوەی هەرێمی کوردستانیش بگرێتەوە و ڕەزامەندیی سەرەتاییش هەیە، چونکە ئەوانەی عێراق لەم مانگەوە بەشەخۆراکیان زیاد دەکرێت و کار دەکەین بۆ ئەوەی هەرێمی کوردستانیش بگرێتەوە.''

هەر لەم بارەیەوە، بەڕێوبەری گشتیی وەزارەتی بازرگانیی حکوومەتی هەرێمی کوردستان، نەوزاد شێخ کامیل، بۆ ماڵپەڕی فەرمیی پارتی دیموکراتی کوردستان گوتی: ''بڕیارە بەشەخۆراکی مانگانەی خاوەنپێداویستیی تایبەت و چاودێریی کۆمەڵایەتی زیاد بکرێت و ئەو بڕیارە هەرێمی کوردستانیش دەگرێتەوە.''

نەوزاد شێخ کامیل ڕوونیشی کردەوە: ''ئەو ماددانەی زیاد دەکرێن، لیترێک زەیت و یەک کیلۆ شەکر و کیلۆیەک ئاردی سفر و200 گرام دەرمان چا و250 گرام شیرە و ئێستا کار دەکەین لەگەڵ وەزارەتی کاروباری کۆمەڵایەتی بۆ ئەوەی لیستی ناوەکان ئامادە بکەین کە لای ئەوان ناوی هەموویان هەیە تاکوو لەو بڕیارە سوودمەند بن و ڕەوانەی بەغدا بکرێن و ئەو بڕیارە ئەوانیش بگرێتەوە.''

 

بڵند ئیبراهیم




دوایین هەواڵەکان

بە نوێنەرایەتی سەرۆک بارزانی، فەلاح حەسەن بەشداریی لە کۆنگرەی پارتی کەتائیبی لوبناندا کرد

SATURDAY, 04 FEBRUARY 2023 19:02:34

فەلاح حەسەن بە نوێنەرایەتیی سەرۆك بارزانی بەشداریی لە كۆنگرەی پارتی كەتائیبی لوبناندا كرد و لەلایەن سەرۆککۆماری پێشووی ئەو وڵاتەوە پێشوازیی لێ كرا.

 

پسپۆڕانی یاسایی: پێویستە ڕێگری لە بڕیارەکانی دادگای باڵای فیدراڵی دژ بە کورد بکرێت

SATURDAY, 04 FEBRUARY 2023 18:02:44

هەڵەبجە -KDP.info- دادگاى فیدراڵى پاش ئەوەى بڕیاری دا لەوەى حکوومەتى عێراق بۆى نییە ٤٠٠ ملیار دینار بۆ هەرێمى کوردستان بنێرێت، ناڕەزایی گەورەى بەدواى خۆیدا هێنا و بڕیارەکەى بە سیاسى و دژ بە بەرژەوەندیى گەلى کورد شرۆڤە کرا و یاساناسان دەڵێن، پێویستە ڕێگرى لە بڕیارەکانى ئەو دادگایە بکرێت لە ڕێگەى گوشارى نێودەوڵەتى و گۆڕانکارى لە یاساکە و زیادکردنى ئەندامەکانى.

 

زیرەک کەمال: سەرۆکی هەرێم لەگەڵ هەڵبژاردنە لە کاتی خۆیدا

SATURDAY, 04 FEBRUARY 2023 18:02:18

هەولێر -KDP.info- ڕاوێژکارێکی سەرۆکایەتیی هەرێمی کوردستان دەڵێت، سەرۆکی هەرێم لەگەڵ بەڕێوەچوونی پرۆسەی هەڵبژاردنە لە کاتی خۆیدا و فەرمانی هەرێمییش بۆ دیاریکردنی ڕۆژی هەڵبژاردن دەردەکات.

 

لەیلا عەبدولجەبار: بۆ نەهێشتنی گەندەڵی دەمانەوێ سوود لە ئەزموونی مالیزیا وەربگرین

SATURDAY, 04 FEBRUARY 2023 17:02:24

هەولێر -KDP.info- ئەندامێکی لیژنەی دەستپاکیی پەرلەمانی کوردستان ئاشکرای کرد، شاندێکی پەرلەمان سەردانی مالیزیا دەکات و دەیەوێت سوود لە ئەزموونی مالیزیا وەربگیرێت بۆ بنەبڕکردنی گەندەڵی.

 

نەخۆشخانەیەکی نوێی حکوومی لە شاری هەولێر کەوتە خزمەت هاووڵاتیان

SATURDAY, 04 FEBRUARY 2023 16:02:44

هەولێر-KDP.info- گوتەبێژی تەندروستیی هەولێر گوتی، نەخۆشخانەیەکی دیکەی حکوومی بۆ ئافرەتان و لەدایکبوون لە هەولێر کرایەوە کە خزمەت بە خەڵکی شاری هەولێر و دەورەبەری دەکات.

 



 
© 2023 Kurdistan Democratic Party, KDP

Contact