Kurdî  ■  كوردی  ■  عربي
SAT, 17 MAY 2025 00:04 Erbil, GMT +3
پارتی دیموکراتی کوردستان
ئازادی . دیموکراسی . دادپەروەری
 

حکوومەتی هەرێمی کوردستان ئامادەییی دەربڕێوە بەپێی دەستوور کێشەی نەوت و غاز چارەسەر بکرێت
| KDP.info


هەولێر -KDP.info- ڕاوێژکارێکی سەرۆکی حکوومەتی هەرێمی کوردستان گوتی، ناکرێت 96%ی داهاتی عێراق لەسەر نەوت بێت و یاسای نەوت و غاز نەبێت و هۆکاری سەرەکیی کێشەی نەوت و غاز، نەبوونی یاسای نەوت و غازە، هەربۆیە حکوومەتی هەرێم و سەرۆکی حکوومەت ئامادەییان دەربڕێوە بەپێی دەستوور ئەو کێشەیە چارەسەر بکرێت و مافی خەڵکی عێراق و هەرێمی کوردستانیش پارێزراو بێت.

 

ڕاوێژکاری سەرۆکی حکوومەتی هەرێمی کوردستان، دکتۆر بێوار خنسی، بۆ ماڵپەڕی فەرمیی پارتی دیموکراتی کوردستان گوتی: ''یاسای نەوت و غاز یەکێکە لە کێشەکانی نێوان هەرێمی کوردستان و عێراق بەپێی ماددە یاساییەکانی عێراق پەیوەندیی بە نەوت و غازەوە هەیە پێویستە لە ساڵی 2007وە یاسای نەوت و غاز دەربچێت و سیاسەتێکی گشتی بۆ ئیدارەدانی کەرتی نەوت لە هەموو بوارێکدا لە دەرهێنان و هەڵکۆڵین و گەڕان و فرۆشتن و هەناردەکردن و دابەشکردنی داهات، هەموو باس کرابووایە، بەڵام بەداخەوە دەوڵەتێک 96% داهاتی لەسەر نەوت بێت و بێ یاسا بێت، ئەمە وای کرد کێشە لە نێوان هەرێم و بەغدا و پارێزگاکان دروست بکات، بۆیە کابینەی نوێ هاتووە باس لەوە دەکات کە پێویستە لە ماوەی شەش مانگدا کێشەی نەوت و غاز چارەسەر بکەن لە هەموو عێراق، کە کێشەکانی نێوان هەرێم و عێراق و پارێزگاکان چارەسەر دەکرێت، بۆیە باشترین ڕێگا دانانی یاسای نەوت و غازە بۆ چارەسەرکردنی کێشەکان.

 

دکتۆر بێوار خنسی گوتیشی: پێویستە ئێمە هۆشیار و ئاگادار بین کە سێ ڕەشنووسی یاسای نەوت و غاز لە عێراق هەیە و یەکێک هی ساڵی 2007ـە کە ئەوەیان تا ڕادەیەک لەگەڵ هەرێمی کوردستان دەگونجێت و لەگەڵ دەستووریش، بۆیە کاتی خۆیشی سەرۆک بارزانی باسی لەوە کرد ئەگەر ئەو یاسایە دەربچێت دەبێتە ڕێگایەکی زۆر باش بۆ ئیدارەدانی نەوت لە عێراق و ئەگەریش جێبەجێ نەکرێت خۆمان ئیدارەی نەوتی خۆمان دەکەین، بۆیە لەسەر ئەو بنەمایە هەرێم کار لە کەرتی نەوت دەکات و دوو ڕەشنووسی دیکە هی وەزارەتی نەوت و لیژنەی نەوت و غازی پەرلەمانی عێراقە، پێشتر ئامادە کرابوو کە ئەو سێ ڕەشنووسە جیاوازن، بۆیە پێویستە حکوومەتی هەرێم بەجددی کاری لەسەر بکات و کار لەسەر ڕەشنووسی نەوت و غازی یەکەم بکات کە باس لەوە دەکات لە عێراقی فیدراڵ پێویستە لەسەر بنەمای دەستووری هەموو هەرێم و پارێزگاکان لە داڕشتنی بەشدار بن و ئەو داڕشتنە لەگەڵ بنەماکانی دەوڵەتی فیدراڵی بگونجێت، ئەویش تەئکید لە دابەشکردنی دەسەڵات دەکات کە چۆن مامەڵە لەگەڵ کەرتی نەوت و غاز دەکرێت لە فرۆشتن و هەناردەکردن و داهات و دەسەڵات بۆ هەمووان دابەش بکرێت، کە کێبڕکێ هەبیت بۆ ئەوەی بە باشترین شێوە ئیدارەی کەرتی نەوت بکرێت.''

 

ڕاوێژکاری سەرۆکی حکوومەتی هەرێمی کوردستان ڕوونیشی کردەوە: ''بە دەرکردنی یاسای نەوت و غاز کێشەکانی نێوان هەرێم و عێراق و پارێزگاکانیش چارەسەر دەبێت و شەفافیەت و دادپەروەری دروست دەبێت لە داهاتی نەوت و هەموو خەڵکی عێراقیش سوودی لێ وەردەگرێت و سندووقێکی تایبەت هەبێت و ڕێژەیەکی ئەو داهاتەی بخرێتە ناو بۆ ئەوەی نەوەی داهاتوو سوودی لێ وەرگرن و کەرتەکانی دیکەی پێ ببووژێننەوە و سەرچاوەی داهات زیاتر دەبێت، چونکە نەوت بەردەوام نرخی لە گۆڕانکاریدایە و هاوسەنگیی پلانەکان دەگۆڕێت، بۆیە پێویستە بەجددی کاری لەسەر بکرێت.''

 

دکتۆر بێوار خنسی ڕایشیگەیاند: ''حکوومەتی هەرێمی کوردستان و سەرۆکی حکوومەتی هەرێم ئامادەیییان دەربڕێوە کە ئەو کێشەیە بەپێی دەستوور چارەسەر بکرێت و مافی خەڵکی عێراق و هەرێمی کوردستانیش پارێزراو بێت و ڕەشنووسی نەوت و غازیش لەسەر بنەمای دەستوور دابرێژرێت.''

 

بڵند ئیبراهیم

 

 




دوایین هەواڵەکان

سەرۆکی ھەرێمی کوردستان سه‌ره‌خۆشى له‌ خانه‌واده‌ى به‌همه‌ن حسێن ده‌کات

FRIDAY, 16 MAY 2025 18:05:00

ھەولێر-KDP.info- نێچیرڤان بارزانی، سەرۆکی ھەرێمی کوردستان لە پەیامێکدا سەرەخۆشی لە خانەوادەی خوالێخۆشبوو بەھمەن حسێن و حزبی زەحمەتکێشانی کوردستان دەکات.

 
سەرۆک بارزانی پیرۆزبایی لە یەکێتیی قوتابیان و لاوانی دیموکراتی کوردستان دەکات

FRIDAY, 16 MAY 2025 17:05:00

ھەولێر-KDP.info- سەرۆک بارزانی لە پەیامێکیدا بە بۆنەی سەرکەوتنی کارەکانی کۆنگرەی یەکگرتنەوەی یەکێتیی قوتابیان و لاوانی دیموکراتی کوردستان پیرۆزبایی لە قوتابیان و لاوانی کوردستان دەکات.

مەسروور بارزانی سەرەخۆشی لە سەركردایەتی حزبی زەحمەتكێشان دەکات

FRIDAY, 16 MAY 2025 17:05:00

ھەولێر-KDP.info- مەسروور بارزانی، سەرۆکی حکوومەتی ھەرێمی کوردستان لە پەیامێکدا سەرەخۆشی لە خانەوادەی خوالێخۆشبوو بەھمەن حوسێن و حزبی زەحمەتکێشانی کوردستان دەکات.

 
پەیامی سەرەخۆشیی سەرۆک بارزانی بۆ کۆچی دوایی بەھمەن حوسێن

FRIDAY, 16 MAY 2025 17:05:00

ھەولێر-KDP.info- سەرۆک مەسعود بارزانی پەیامێکی سەرەخۆشی بۆ کۆچی دوایی بەھمەن حوسێن، جێگری سەرۆکی حزبی زەحمەتکێشانی کوردستان بڵاوکردەوە.

 

وەزیری بەرگری بەلچیکا بۆ شاندی باڵای پارتی: لە نزیکترین دەرفەتدا سەردانی ھەولێر ده‌كه‌م

FRIDAY, 16 MAY 2025 14:05:31

برۆکسل-KDP.info- لە میانەی سەردانی شاندی باڵای پارتی دیموکراتی کوردستان بۆ برۆکسل و بۆ بەشداری لە کۆنفرانسی ساڵانەی یەکێتی دیموکراسی نێودەوڵەتی، شاندەکە لەگەڵ بەرێز سیۆ فرانکۆن، وەزیری بەرگری بەلچیکا کۆبۆوە. 

 


 
© 2023 Kurdistan Democratic Party, KDP

Contact