Kurdî  ■  كوردی  ■  عربي
TUE, 6 DEC 2022 22:54 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

کارکردنی ئافرەتان لە بواری بازرگانیدا زیادی کردووە
| KDP.info


هەولێر-KDP.info-  بەڕێوەبەری ڕاگەیاندنی یەکێتیی ژوورەکانی بازرگانی و پیشەسازیی هەرێمی کوردستان گوتی، بەردەوام گرنگی بە ئافرەتان دەدەن کە بێن لە بواری بازرگانیدا کار بکەن و ببنە خاوەنی ئابووریی سەربەخۆی خۆیان و ئێستا بەراورد بە ساڵانی ڕابردوو ڕێژەی ئەو ئافرەتانەی لە بواری بازرگانیدا کار دەکەن، زیادی کردووە.

ئەسکەندەر محەمەد بۆ ماڵپەڕی فەرمیی پارتی دیموکراتی کوردستان گوتی: ''وەکوو یەکێتیی ژوورەکانی بازرگانی و پیشەسازی لە هەرێمی کوردستان بەردەوام هەوڵ دەدەین ڕێژەی ئافرەتان زیاد بکرێت بۆ کارکردن لە بواری بازرگانی و ببنە خاوەن کۆمپانیای خۆیان و ئابووریی سەربەخۆی خۆیان، بۆ ئەو مەبەستەش چەندین پێشانگای کاری دەستی و بەرهەمی ئافرەتان کراونەتەوە، بۆ ئەوەی کارەکانی خۆیان پێشان بدەن لەو پێشانگایانە و ببنە خاوەنی کاری خۆیان و چەندین خولیش بە هاوکاریی ڕێکخراوی نێودەوڵەتی بۆ ئافرەتان کراونەتەوە، بۆیە هەموو ڕێگایەک دەگرینە بەر بۆ ئەوەی ئافرەتان ڕابکێشین بۆ کاری بازرگانی و ڕێژەکە زیاتر بێت.''

بەڕێوەبەری ڕاگەیاندنی یەکێتیی ژوورەکانی بازرگانی و پیشەسازی گوتیشی: ''بەردەوام چالاکیمان هەیە بۆ پێشخستنی بیرۆکەی ئافرەتان و ساڵانی ڕابردوو پشتگیریی چەند ئافرەتێک کراوە، خواردنگە بکەنەوە لە سلێمانی و هەولێر کە خۆیان سەرپەرشتییان دەکرد و ئێمە بە هاوکاریی ڕێکخراوی نێودەوڵەتیی پشتگیریی داراییمان کردن.''

گوتیشی: ''لە هەموو ڕوویەکەوە بەردەوام پاڵپشتیی ئافرەتان دەکەین ببنە خاوەن کار و ئابووریی سەربەخۆی خۆیان، ئەمەش بووەتە هۆی ئەوەی ڕێژەی ئافرەتان لە بواری بازرگانی زیاد بێت.''

 

بڵند ئیبراهیم




دوایین هەواڵەکان

مەكتەبی سیاسی پارتی سەرەخۆشی لە بەڕێز سەنعان قەساب دەكات

TUESDAY, 06 DECEMBER 2022 20:12:10

بۆ بەڕێز سەنعان قەساب

پەیامی سەرەخۆشیی سەرۆك بارزانی بۆ بەڕێز سەنعان قەساب ئاغا

TUESDAY, 06 DECEMBER 2022 19:12:54

بەناوی خودای مەزن و دلۆڤان

 
د. ڤیان سەبری: چەندین داواکاریمان ئاراستەی سوودانی کردووە

TUESDAY, 06 DECEMBER 2022 16:12:42

بەغدا -KDP.info- فراکسیۆنی پارتی لە پەرلەمانی عێراق سەردانی سەرۆکوەزیرانی عێراقی کردووە و سەرۆکی فراکسیۆنیش دەڵێت، جگە لەوەی پاڵپشتیی خۆمان بۆ بەرنامەی کابینەکەی سوودانی ڕاگەیاند، ھاوکات چەندین داواکاریی خەڵکی ھەرێمی کوردستانمان پێشکەش بە سەرۆکوەزیران کرد.

 

جووتیاران و بازرگانان: مەسرور بارزانى بەڵێنێکی پێداوین

TUESDAY, 06 DECEMBER 2022 16:12:14

هەڵەبجە -KDP.info- مەسرور بارزانى، سەرۆکوەزیرانى کوردستان ڕاىگەیاند لە ئایندەدا نەوت نامێنێت و گرنگى بە کەرتى کشتوکاڵ دەدەین، هاوکارى جووتیاران دەبین و بازاڕى دەرەوە دەدۆزینەوە بۆ بەرهەمەکانیان، جووتیاران و بازرگانانى کشتوکاڵى دەڵێن، مەسرور بارزانى بەڵێنەکەى بردە سەر و هاوکارمانە لە بەرهەمهێنان و بە بازاڕکردنى لە دەرەوەى وڵات.

 

نێچیرڤان بارزانى پێشوازى له‌ باڵیۆزى نوێى سوید كرد

TUESDAY, 06 DECEMBER 2022 15:12:30

ئه‌مڕۆ سێشه‌ممه‌ 2022/12/6 به‌ڕێز نێچیرڤان بارزانى، سه‌رۆكى هه‌رێمى ‏كوردستان له‌ دیدارێكدا له‌ هه‌ولێر له‌گه‌ڵ خاتوو جێسیكا سڤاردسترۆم باڵیۆزى نوێى ‏سوید له‌ عێراق، وێڕاى به‌خێرهێنان و پیرۆزبایى بۆ ده‌ستبه‌كاربوونى وه‌ك باڵیۆزى ‏وڵاته‌كه‌ى له‌ عێراق، هه‌موو پشتگیرییه‌كى بۆ سه‌رخستنى ئه‌ركه‌كه‌ى نیشان دا.‏

 


 
© 2022 Kurdistan Democratic Party, KDP

Contact