Kurdî  ■  كوردی  ■  عربي
MON, 25 SEP 2023 16:26 Erbil, GMT +3
پارتی دیموکراتی کوردستان
ئازادی . دیموکراسی . دادپەروەری
 

مەحموود محەمەد: بەبڕیاری کۆنگرە و جەنابی سەرۆک لاپەڕەیەکی نوێ بۆ گفتوگۆ و دانوستان لەگەڵ لایەنەکان ھەڵدەدرێتەوە
| KDP.info


ھەولێر-KDP.info- ئەمڕۆ مەکتەبی سیاسی پارتی دیموکراتی کوردستان کۆبووەوە، لە کۆبوونەوەکەدا چەندین پۆستی باڵا یەکلاکرانەوە کە بەرپرسی مەکتەب و بەشەکانی پارتی دیاریکرا، ھاوکات ھەفتەی داھاتوو بەرپرسانی لقەکانی پارتی گۆڕانکاریان بەسەردا دێت.

مەحمود محەمەد کە بە گووتەبێژی پارتی دیموکراتی کوردستان ھەڵبژێردرایەوە، دوای تەواوبوونی کۆبوونەوەکە لە کۆنگرەیەکی رۆژنامەنووسیدا رایگەیاند: "بەرپرسی مەکتەبی رێکخستنەکان یاریدەدەریان دەبێت و لە داھاتوودا ئەوان لە ئەندامانی کۆمیتەی ناوەندی و یەدەگەکان ھەڵدەبژێردرێن، ھاوکات باسی لەوەشکرد، رەنگە ھەندێ گۆڕانکاری جوگرافی لە لقەکاندا بکرێت و ئەمەش لە دەسەڵاتی مەکتەبی سیاسی دایە، ھەروەھا لەبارەی کۆنفرانسی لقەکانەوە گوتی، ھەرکات لقەکان دامەزران، ئەوکات کۆنفرانسی ناوچە و رێکخراوەکان دەکرێن".

مەحمود محەمەد، سەبارەت بە کۆبوونەوە لەگەڵ یەکێتی نیشتمانیی کوردستان گوتی: "بەبڕیاری کۆنگرە و جەنابی سەرۆک لاپەڕەیەکی نوێ بۆ گفتوگۆ و دانوستان لەگەڵ لایەنەکان ھەڵدەدرێتەوە، دەبێت راسپاردەکانی کۆنگرە جێبەجێ بکرێن و دواتر دەست بە جێبەجێکردنی کارەکانی دیکە و دانوستانەکان دەکەینەوە".

لە کۆبوونەوەی ئەمڕۆی مەکتەبی سیاسی پارتی دیموکراتی کوردستان، بەرپرسانی مەکتەبەکانی رێکخستن و بەشەکان بەو شێوەیە دیاریکران:

گووتەبێژی پارتی/ مەحموود محەمەد

بەشەکانی مەکتەبی سیاسی:

-بەشی ھەڵبژاردن/ رێبوار یەڵدا
-بەشی رێکخستن/  ھێمن ھەورامی
-بەشی پەیوەندییەکان/ د. جەعفەر ئیبراھیم
-بەشی دیراسات و توێژینەوە/ د. چنار سەعد
-بەشی رۆشنبیری و راگەیاندن/  د. سالار عوسمان
-بەشی کارگێڕی و دارایی/ زاگرۆس فەتاح
-بەشی رێکخراوە جەماوەری و پیشەییەکان/  ھیوا ئەحمد مستەفا
بەشی وەبەرھێنان/ د. ئاراس حەسۆ
-دەستەی چاودێری و بەدواداچوون/ ئامینا زکری
-مەکتەبی رێکخستنی پارێزگای ھەولێر/ سەربەست لەزگین
-مەکتەبی رێکخستنی پارێزگای دھۆک/ د. پشتیوان سادق
-مەکتەبی رێکخستنی پارێزگای سلێمانی/ عەلی حوسێن
-مەکتەبی رێکخستنی پارێزگای نەینەوا/ نەوزاد ھادی
-مەکتەبی رێکخستنی پارێزگای کەرکوک/ د. کەمال کەرکوکی
-مەکتەبی رێکخستنی پارێزگای بەغدا/ د. فوئاد حوسێن

هەڵکەوت محەمەد




دوایین هەواڵەکان

"لە خانەقین ئامادەکاری باش بۆ هەڵبژاردن کراوە"

MONDAY, 25 SEPTEMBER 2023 16:09:42

خانەقین_KDP.info_ بەرپرسی لقی 15ی پارتی دیموکراتی کوردستان لە خانەقین گوتی: ئامادەکاری زۆر باشمان بۆ هەلبژاردنی ئەنجوومەنی پارێزگاکان کردووە و کار دەکەین بۆ ئەوەی لەکۆی ئەو 15 کورسیەی هەیە وەکو پارتی بەلایەنی کەمەوە کورسییەک بەدەست بێنین.

 

فراکسیۆنی پارتی: پێویستە هەر بڕیارێک حکوومەت بیدات جێبەجێ بکرێت

MONDAY, 25 SEPTEMBER 2023 16:09:44

بەغدا _KDP.info_  سەرۆکی فراکسیۆنی پارتی دیموکراتی کوردستان لە پەرلەمانی عێراق گوتی: حکوومەتی هەرێمی کوردستان پابەندی ڕێککەوتن لەگەڵ بەغدا بووە و پێویستە حکوومەتی عێراقیش پابەند بێت، بۆیە ئەو پارەیەی ڕەوانەی هەرێمی کوردستان دەکرێت کەمە و پێویستە مانگانە ترلیۆنێک و375ملیار دینار بۆ هەرێمی کوردستان ڕەوانە بکەن، گوتیشی: ڕاگرتنی نەوتی هەرێمی کوردستان بۆ دەرەوە زیانی لە قازانج زیاترە ، چونکە عێراق داوای ملیارێک و400ملیۆن لە تورکیا دەکات تا ئێستا شەش ملیار زیانی کردووە، بۆیە باشترە بگەنە ڕێککەوتن و دەست بە هەناردەکردن بکرێتەوە.

 

"کۆمسیۆن ئامادەکاری کردووە"

MONDAY, 25 SEPTEMBER 2023 16:09:16

شارەزایەکی ھەڵبژاردن پێی وایە، ھەردوو سیستەمی ئەلیکترۆنی و دەستی بۆ ژماردنی دەنگەکان لە ھەڵبژاردنی داھاتووی پەرلەمانی کوردستان جێبەجێ بکرێن، دەشڵێ: کۆمسیۆنی باڵای ھەڵبژاردنەکانی عێراق ئامادەکاری کردووە بۆ بەڕێوەبردنی ئەو پرۆسەیە.

 

"ھەزار جار بەڵێ بۆ ڕیفراندۆم"

MONDAY, 25 SEPTEMBER 2023 15:09:50

ئەمڕۆ شەش ساڵ بەسەر پرۆسەی ڕیفراندۆمی ھەرێمی کوردستاندا تێدەپەڕێت و ھاووڵاتییانیش ئەم یادە بەرز ڕادەگرن، دەشڵێن: ھەزار جار ئامادەین بۆ ڕیفراندۆم و سەربەخۆیی کوردستان.

 

سەرۆکی حکومەت پێشوازی لە کونسولی گشتیی بەریتانیا دەکات

MONDAY, 25 SEPTEMBER 2023 14:09:33

ئەمڕۆ دووشەممە 9/25، مەسرور بارزانی سەرۆکی حکومەتی هەرێمی کوردستان، پێشوازی لە ڕۆزی کەیڤ کونسولی گشتیی بەریتانیا لە هەرێمی کوردستان کرد کە بۆ ماڵئاوایی و بەبۆنەی کۆتاییهاتنی ئەرکەکەی سەردانی کردبوو .

 



 
© 2023 Kurdistan Democratic Party, KDP

Contact