Kurdî  ■  كوردی  ■  عربي
TUE, 6 DEC 2022 23:49 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

راگه‌یه‌ندراوێك له‌ فه‌رمانده‌یى پێشمه‌رگه‌ى زێره‌ڤانییه‌وه‌
| KDP.info


چه‌ند رۆژێكه‌ ( ئه‌دهه‌م بارزانى ) له‌ رێى چه‌ند ماڵپه‌ڕ و په‌یجێكی جۆراوجۆره‌وه‌ له‌ نێو تۆڕه‌ كۆمه‌ڵایه‌تییه‌كاندا باس له‌ كه‌سێك به‌ ناوى ( فرید عبدالعزیز بازى ) ده‌كات كه‌ گوایه‌ به‌رپرسى پاسه‌وانه‌كانى بووه‌ و به‌ شێوه‌یه‌كى نادیار له‌لایه‌ن ده‌زگایه‌كى ئه‌منى هه‌رێمه‌وه‌ رفێندراوه‌.

فه‌رمانده‌یى پێشمه‌رگه‌ى زێره‌ڤانى سه‌رله‌به‌رى ئه‌م بانگه‌وازه‌ چه‌واشه‌كارى و بێبنه‌مایه‌ ڕه‌ت ده‌كاته‌وه‌ و رایده‌گه‌یه‌نین كه‌ ( فرید عبدالعزیز احمد) پێشمه‌رگه‌ى لیواى 3ى فه‌رمانده‌ییه‌كه‌مانه‌, ناوبراو له‌ مانگى (6ی ساڵی 2022)ه‌وه‌ بێ ئاگادارى و ره‌زامه‌ندى سه‌رووترى, ئه‌ركى خۆى به‌جێهیشتووه‌ و دواتر گه‌شتی ده‌ره‌وه‌ى وڵاتی كردووه‌ بۆیه‌ وه‌كوو هه‌ر حاڵه‌تێكى تر به‌ پێی یاساى سه‌ربازیی مامه‌ڵه‌ى له‌گه‌ڵدا كراوه‌ و ئه‌و سه‌رپێچییه‌ى ناوبراو به‌ ( هه‌ڵاتوو) ئه‌ژمار كراوه‌ له‌و كاته‌دا پاڵپشت به‌ مادده‌ى (5) له‌ یاسایى بنه‌ماى دادگاییكردنى سزایى هێزه‌كانى ئاسایشى ناوخۆ ژماره‌ (17)ى ساڵى 2008 بڕیارى ده‌ستگیركردنى دراوه‌ و له‌ رێككه‌وتی 10ی11ی 2022 به‌ هه‌ماهه‌نگى له‌گه‌ڵ داموده‌زگا فه‌رمییه‌كانى ترى هه‌رێمى كوردستان ده‌ستگیر كراوه‌ و ده‌ست به‌ جێ له‌لایه‌ن  فه‌رمانده‌ییمانه‌وه‌ خانه‌واده‌كه‌ى له‌ هۆكارى ده‌ستگیركردنى ئاگاداركراوه‌ته‌وه‌.

فه‌رمانده‌یى پێشمه‌رگه‌ى زێره‌ڤانى هه‌موو لایه‌ك ئاگادارده‌كاته‌وه‌ كه‌ به‌شێوه‌ى یاسایى مامه‌ڵه‌ له‌گه‌ڵ ناوبراودا كراوه‌ و جگه‌ له‌و راستییانه‌ى له‌ سه‌ره‌وه‌ ئاماژه‌ى پێدراوه‌ هه‌ر جۆره‌ باسێكى تر له‌سه‌ر ئه‌م بابه‌ته‌ بگوترێت دووره‌ له‌ راستى, بۆیه‌ ئه‌م دۆسیه‌یه‌ په‌یوه‌ندیی به‌ هیچ كه‌س و لایه‌نێكه‌وه‌ نییه‌ و رێگا نادرێت بۆ مه‌به‌ستى راكێشانى سه‌رنجى هاووڵاتیان و مه‌رامى چه‌واشه‌كارى و سیاسى به‌كاربهێنرێت.

 رۆشنبیری و راگه‌یاندنی
فه‌رمانده‌یی پێشمه‌رگه‌ی زێره‌ڤانی
    22/11/2022




دوایین هەواڵەکان

مەكتەبی سیاسی پارتی سەرەخۆشی لە بەڕێز سەنعان قەساب دەكات

TUESDAY, 06 DECEMBER 2022 20:12:10

بۆ بەڕێز سەنعان قەساب

پەیامی سەرەخۆشیی سەرۆك بارزانی بۆ بەڕێز سەنعان قەساب ئاغا

TUESDAY, 06 DECEMBER 2022 19:12:54

بەناوی خودای مەزن و دلۆڤان

 
د. ڤیان سەبری: چەندین داواکاریمان ئاراستەی سوودانی کردووە

TUESDAY, 06 DECEMBER 2022 16:12:42

بەغدا -KDP.info- فراکسیۆنی پارتی لە پەرلەمانی عێراق سەردانی سەرۆکوەزیرانی عێراقی کردووە و سەرۆکی فراکسیۆنیش دەڵێت، جگە لەوەی پاڵپشتیی خۆمان بۆ بەرنامەی کابینەکەی سوودانی ڕاگەیاند، ھاوکات چەندین داواکاریی خەڵکی ھەرێمی کوردستانمان پێشکەش بە سەرۆکوەزیران کرد.

 

جووتیاران و بازرگانان: مەسرور بارزانى بەڵێنێکی پێداوین

TUESDAY, 06 DECEMBER 2022 16:12:14

هەڵەبجە -KDP.info- مەسرور بارزانى، سەرۆکوەزیرانى کوردستان ڕاىگەیاند لە ئایندەدا نەوت نامێنێت و گرنگى بە کەرتى کشتوکاڵ دەدەین، هاوکارى جووتیاران دەبین و بازاڕى دەرەوە دەدۆزینەوە بۆ بەرهەمەکانیان، جووتیاران و بازرگانانى کشتوکاڵى دەڵێن، مەسرور بارزانى بەڵێنەکەى بردە سەر و هاوکارمانە لە بەرهەمهێنان و بە بازاڕکردنى لە دەرەوەى وڵات.

 

نێچیرڤان بارزانى پێشوازى له‌ باڵیۆزى نوێى سوید كرد

TUESDAY, 06 DECEMBER 2022 15:12:30

ئه‌مڕۆ سێشه‌ممه‌ 2022/12/6 به‌ڕێز نێچیرڤان بارزانى، سه‌رۆكى هه‌رێمى ‏كوردستان له‌ دیدارێكدا له‌ هه‌ولێر له‌گه‌ڵ خاتوو جێسیكا سڤاردسترۆم باڵیۆزى نوێى ‏سوید له‌ عێراق، وێڕاى به‌خێرهێنان و پیرۆزبایى بۆ ده‌ستبه‌كاربوونى وه‌ك باڵیۆزى ‏وڵاته‌كه‌ى له‌ عێراق، هه‌موو پشتگیرییه‌كى بۆ سه‌رخستنى ئه‌ركه‌كه‌ى نیشان دا.‏

 


 
© 2022 Kurdistan Democratic Party, KDP

Contact