Kurdî  ■  كوردی  ■  عربي
TUE, 6 DEC 2022 23:21 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

با ئە‌م كۆستە‌ی سلێمانی بكە‌ینە‌ ھە‌وێنی پێكھاتنە‌وە‌
| KDP.info


ئاریان فەرەج

کۆست و پرسەی کارەساتەکەی سلێمانی، هەر زوو بوو بە کۆست و پرسەی هەموو کوردستان. کۆی شارەکانی کوردستان بوونە دەستەخوشکی سلێمانی لەم کارەساتەدا، لە سەرقەڵای هەولێر و لە هەوارە بەرزەی سلێمانی لەیەک کاتدا خەڵک پێکەوە و بەیەکدەنگ نزایان بۆ گیانی قوربانییانی کارەساتەکە نارد و بۆیان گریان.

هاوکۆستی و هاودەردیی کوردستانییان لەم مەرگەساتەدا پێمان دەڵێ ئەم کۆمەڵگەیە یەک رۆح و یەک جەستەیە، کوردەواری پشت و پەنا و شەریکی خۆشی و ناخۆشی یەکترن، هاوسۆزی و هاوچارەنوسی و ئایندە پێکەوەی شەتەکداون، بۆ لێکترازان و لێکهەڵوەشان نەشیاون و ناشێن.

دیمەنی کوردستان لەم پرسەیەدا، جیا لە مانا کۆمەڵایەتییە پڕ مەغزاکەی کە لە گەرمەی کۆستدا، جۆرێک لە شادی و تروسکەی ئومێدی ژیاندەوە، لە هەمان کاتدا، دیوێکی سیاسی مانادار و پەیامێکی سیاسیی رۆشنیشی لێ دەخوێندرێتەوە: تازێبارانی هەموو شارەکانی کوردستان بە یەک دەنگ بە سیاسییەکان و حزبەکان و سەرکردەکانیان گووت: ئاشتەوایی و یەکڕیزی و هەرێمێکی یەکگرتووی تۆکمە و تەبامان دەوێت، کایەیەکی سیاسیی یەکدەست و یەکگرتوومان دەوێت کە رەنگدانەوەی یەکماڵی و یەکگرتوویی گەلی کوردستان بێت و لە ئاست وویست و هۆشیاری و هاوچارەنوسیی خەڵکی کوردستاندا بێت و لە خەمی میللەتدا بێت. پێیان گووتین: خەڵک گرفت و قەیران و کێشەی زۆرە، بە دەیان هۆکاری جیاجیا مەترسی لەسەر ژیان و گوزەرانیان هەیە، لە هەڕەشە و شەڕپێفرۆشتنی دەوڵەتانی دراوسێوە تا ئەو مەترسییانەی کە لە نزمی کوالێتیی خزمەتگوزارییەکانەوە دەکەونەوە و کارەساتەکەی سلێمانی نمونەیەکی زەقە. دەبێ مانا رەمزییەکانی ئەم پرسە و ماتەمە نیشتمانییە، بکرێتە هەوێنی پێکهاتنەوەی حزبەکان، دەبێ سەرکردەکان وەڵامدەرەوەی ئەو پەیامە بەرزەی هاوڵاتیانی شارەکانی کوردستان بن، کۆتایی بە دووبەرەکی و یەکتر بە شەیتان کردن و دژایەتی یەکتر بێنن.

سەرۆکی هەرێم نێچیرڤان بارزانی لە پرسەکەیە و لە نێو هاوڵاتییانیدایە، بەم بەشدارییە جیا لە هاوخەمی لەگەڵ هاوشارییانی، وەک هەمیشە جارێکی تر دەیەوێت بە هەموو لایەک بڵێت: نا بۆ زۆنی زەرد و سەوز، بەڵێ بۆ زۆنی کوردستانی، بۆ کوردستانێکی یەکدەست و هاوخەم و یەکماڵ و هاوچارەنووس.

 




دوایین هەواڵەکان

مەكتەبی سیاسی پارتی سەرەخۆشی لە بەڕێز سەنعان قەساب دەكات

TUESDAY, 06 DECEMBER 2022 20:12:10

بۆ بەڕێز سەنعان قەساب

پەیامی سەرەخۆشیی سەرۆك بارزانی بۆ بەڕێز سەنعان قەساب ئاغا

TUESDAY, 06 DECEMBER 2022 19:12:54

بەناوی خودای مەزن و دلۆڤان

 
د. ڤیان سەبری: چەندین داواکاریمان ئاراستەی سوودانی کردووە

TUESDAY, 06 DECEMBER 2022 16:12:42

بەغدا -KDP.info- فراکسیۆنی پارتی لە پەرلەمانی عێراق سەردانی سەرۆکوەزیرانی عێراقی کردووە و سەرۆکی فراکسیۆنیش دەڵێت، جگە لەوەی پاڵپشتیی خۆمان بۆ بەرنامەی کابینەکەی سوودانی ڕاگەیاند، ھاوکات چەندین داواکاریی خەڵکی ھەرێمی کوردستانمان پێشکەش بە سەرۆکوەزیران کرد.

 

جووتیاران و بازرگانان: مەسرور بارزانى بەڵێنێکی پێداوین

TUESDAY, 06 DECEMBER 2022 16:12:14

هەڵەبجە -KDP.info- مەسرور بارزانى، سەرۆکوەزیرانى کوردستان ڕاىگەیاند لە ئایندەدا نەوت نامێنێت و گرنگى بە کەرتى کشتوکاڵ دەدەین، هاوکارى جووتیاران دەبین و بازاڕى دەرەوە دەدۆزینەوە بۆ بەرهەمەکانیان، جووتیاران و بازرگانانى کشتوکاڵى دەڵێن، مەسرور بارزانى بەڵێنەکەى بردە سەر و هاوکارمانە لە بەرهەمهێنان و بە بازاڕکردنى لە دەرەوەى وڵات.

 

نێچیرڤان بارزانى پێشوازى له‌ باڵیۆزى نوێى سوید كرد

TUESDAY, 06 DECEMBER 2022 15:12:30

ئه‌مڕۆ سێشه‌ممه‌ 2022/12/6 به‌ڕێز نێچیرڤان بارزانى، سه‌رۆكى هه‌رێمى ‏كوردستان له‌ دیدارێكدا له‌ هه‌ولێر له‌گه‌ڵ خاتوو جێسیكا سڤاردسترۆم باڵیۆزى نوێى ‏سوید له‌ عێراق، وێڕاى به‌خێرهێنان و پیرۆزبایى بۆ ده‌ستبه‌كاربوونى وه‌ك باڵیۆزى ‏وڵاته‌كه‌ى له‌ عێراق، هه‌موو پشتگیرییه‌كى بۆ سه‌رخستنى ئه‌ركه‌كه‌ى نیشان دا.‏

 


 
© 2022 Kurdistan Democratic Party, KDP

Contact